تاسىمالداۋشىنىڭ اتىنا كەلگەن كوپتەگەن وتىنىشتەر نازارعا الىنىپ, قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىمەن جانە شىعىس قازاقستان وبلىسى اكىمدىگىمەن «استانا-نۇرلى جول-ريددەر» باعىتىنداعى №375/376 جولاۋشىلار پويىزىنىڭ ءجۇرۋ باعىتىن وزگەرتۋ جونىندە جۇمىستار جۇرگىزىلدى.
شىعىس قازاقستان وبلىسىنىڭ اكىمدىگى سەمەي-لوكوت جانە شەمونايحا-وسكەمەن-1 ۋچاسكەلەرىندەگى جولاۋشىلاردى اۆتوكولىكپەن تاسىمالداۋدى قامتاماسىز ەتۋ شارالارىن قابىلدايدى جانە بارلىق قاجەتتى ءىس-شارالار قامتاماسىز ەتىلەدى.
اتالعان پويىزدىڭ ءجۇرۋ باعىتىن وزگەرتۋ جولاۋشىلاردىڭ جول ءجۇرۋ ۋاقىتىن 5 ساعاتقا قىسقارتۋعا مۇمكىندىك بەرەدى. سونداي-اق تەكسەرۋگە بايلانىستى مەملەكەتتىك شەكارانىڭ وتكىزۋ پۋنكتتەرىندە ۇزاق ۋاقىت ايالدامايتىن بولادى. جول ءجۇرۋ ۋاقىتى 23 ساعات 23 مينۋتتى قۇرايدى.
جاڭا كەستەگە سايكەس پويىز استانا-نۇرلى جول ستانتسياسىنان ساعات 19:30-دا جۇرەدى, ريددەر ستانتسياسىنا ساعات 18:07-دە جەتەدى. ريددەر ستانتسياسىنان 21:55-تە شىعادى جانە استانا-نۇرلى جول ستانتسياسىنا ساعات 20:43-تە كەلەدى.
