ىشكى ىستەر مينيسترلىگى توتەنشە جاعدايلار كوميتەتىندە «ەلدەگى اعىمداعى سۋ تاسقىنى جاعدايى مەن تج-نىڭ الدىن الۋ جانە ولاردى جويۋ بويىنشا قابىلدانىپ جاتقان شارالار تۋرالى» تاقىرىبىندا بريفينگ ءوتتى. سپيكەر بولىپ قر ءىىم تج كوميتەتىنىڭ توراعاسى ۆلاديمير بەككەر ءسوز سويلەدى. وتكەن تاۋلىكتە رەسپۋبليكا اۋماعىندا تۇرعىن ۇيلەردى, اۋلا اۋماقتارىن سۋ باسۋ تىركەلگەن جوق.
اقمولا وبلىسى بويىنشا:
قىلشىقتى وزەنىندەگى سۋ دەڭگەيىنىڭ تومەندەۋىنە بايلانىستى كوكشەتاۋ قالاسىنداعى جاعداي تۇراقتاندى. تجد جانە جەرگىلىكتى اتقارۋشى ورگانداردىڭ كۇشىمەن سۋ باسقان ۇيلەردەن جانە اۋلا اۋماقتارىنان سۋدى سورۋ جۇمىستارى تولىق كولەمدە اياقتالدى (بارلىعى 11000 تەكشە مەتر). قىلشىقتى وزەنىندەگى سۋ دەڭگەيىنە تاۋلىك بويى مونيتورينگ جۇرگىزىلۋدە. يزوبيلنوە ا. گيدروپوستىنا يۆانوۆكا ا. اۋدانىندا جانە كوكشەتاۋ ق.جاعالاۋدى بەكىتۋ جۇمىستارى جۇرگىزىلدى, تاۋلىك بويى مونيتورينگ جۇرگىزىلەدى.
سۋ تاسقىنىنا قارسى ءىس-شارالارعا بارلىعى: 133 ادام, 39 بىرلىك تەحنيكا, جەرگىلىكتى اتقارۋشى ورگاندارىنان 3 موتوپومپا; 132 ادام, 22 بىرلىك تەحنيكا, 10 موتوپومپا, وبلىستىق تجد 3 ءجۇزۋ قۇرالى, ونىڭ ىشىندە نۇر-سۇلتان, شىمكەنت ق.تجد كەلگەن كۇشتەر, 1 ادام جانە 1 بىرلىك تەحنيكا جۇمىلدىرىلدى.
سۋ تاسقىنىنا قارسى ءىس-شارالار جالعاسۋدا.
اتباسار
اۋدانىندا اتباسار ق. № 1 يندۋستريالدى-تەحنيكالىق كوللەدجى, تۇزەتۋ مەكتەبى
اۋماعىندا سۋ تاسقىنىنا قارسى ءىس-شارالار جۇرگىزىلۋدە (قاپتاردى توسەۋ).
سونىمەن قاتار اتباسار قالاسىنداعى تەمىر
جول كوپىرىنىڭ استىندا جاباي وزەنىندە مۇز جارۋ جۇمىستارى
جۇرگىزىلۋدە. ماماندار تاۋلىك بويى وزەندەردىڭ جاي-كۇيىنە مونيتورينگ جۇرگىزىپ,
جاعدايدى باقىلاۋدا ۇستايدى. جاباي وزەنىنىڭ جاعاسىندا ەسكەرتۋ بەلگىلەرى
قويىلعان.
سولتۇستىك قازاقستان وبلىسى بويىنشا:
سىلەتى سۋ قويماسىنان يزوبيلنوە ا. (اقمولا وبلىسى) گيدروپوستىنا سۋ اعىزۋدىڭ ازايۋىنا بايلانىستى ق ۇلىكول جانە قاراتال (سولتۇستىك قازاقستان وبلىسى) بەكەتتەرىندە سىلەتى وزەنىندەگى سۋ دەڭگەيىنىڭ 32 سم-گە ايتارلىقتاي تومەندەۋى بايقالادى.
ق ۇلىكول اۋىلىندا ۇزىندىعى 4800 مەتر ءۇيىندى نىعايتۋ جۇمىستارى جۇرگىزىلدى.
جەرگىلىكتى اتقارۋشى ورگاندار تجد توبىمەن بىرلەسە وتىرىپ, قاراتال جانە قايرات ەلدى مەكەندەرى اراسىندا سىلەتى وزەنىنىڭ ارناسىمەن كەپتەلىستەردى ارالاپ, مونيتورينگىلەۋ جانە تازالاۋ جۇمىستارىن جۇرگىزدى.
سۋ تاسقىنىنا قارسى ءىس-شارالارعا بارلىعى: جەرگىلىكتى اتقارۋشى ورگانداردان 105 ادام جانە 36 بىرلىك تەحنيكا; وبلىستىق تجد 133 ادام, 29 بىرلىك تەحنيكا, 14 ءجۇزۋ قۇرالى جانە 9 موتوپومپا, ونىڭ ىشىندە نۇر-سۇلتان قالاسى, جامبىل, پاۆلودار وبلىستارى تجد كەلگەن كۇشتەر مەن قۇرالدار, جەرگىلىكتى پوليتسيا قىزمەتىنەن 12 ادام جانە 2 بىرلىك تەحنيكا جۇمىلدىرىلدى.
شىعىس قازاقستان وبلىسىندا (بەسقاراعاي اۋدانى) 3 جەكە تۇرعىن ءۇي سۋ استىندا قالدى, سولتۇستىك قازاقستان وبلىسىندا «م-36» «ەكاتەرينبۋرگ-الماتى» (795-856 شاقىرىم) رەسپۋبليكالىق ماڭىزى بار اۆتوموبيل جولى ارقىلى 1 رەت سۋ ءجۇردى.
پاۆلودار وبلىسى بويىنشا:
4 ساۋىردە ساعات 06.10-دا پاۆلودار وبلىسىندا «قالقامان-باياناۋىل-ۇمىتكەر-ۋليانوۆسكي» رەسپۋبليكالىق ماڭىزى بار جولىنىڭ 93-138 شاقىرىمىنداعى جول ۋچاسكەسى جابىلدى. اۆتوكولىكتىڭ بارلىق تۇرلەرى ءۇشىن قوزعالىس توقتاتىلدى.
سونىمەن قاتار سۋ شايىپ كەتۋىنە بايلانىستى سقو-دا «ەكاتەرينبۋرگ-الماتى» رەسپۋبليكالىق ماڭىزى بار جولدىڭ 795-856 شاقىرىمىنداعىجول ۋچاسكەسى جابىق بولىپ وتىر. اۆتوكولىكتىڭ قوزعالىسى رۋزاەۆكا اۋىلى ارقىلى جۇزەگە اسىرىلادى.
قازگيدرومەت 29 ناۋرىز جانە 2 ساۋىردە بەرگەن داۋىلدى الدىن الا ەسكەرتۋگە سايكەس جاۋىن-شاشىننىڭ بولۋىنا جانە اۋا تەمپەراتۋراسىنىڭ كوتەرىلۋىنە بايلانىستى 3-5 ءساۋىر ارالىعىندا شىعىس قازاقستان وبلىسىنىڭ وزەندەرىندە سۋ دەڭگەيىنىڭ كۇرت كوتەرىلۋى جەرگىلىكتى تاۋدان سۋ اعىپ, مۇز كەپتەلىستەرى ورىن الۋى ىقتيمال.
جاۋىن-شاشىننىڭ بولۋىنا, كەي جەرلەردە كۇشتى بولۋىنا بايلانىستى, 3-5 ءساۋىر ارالىعىندا تۇركىستان وبلىسىنىڭ تاۋ بوكتەرىندەگى اۋداندارىندا وزەندەردە سۋ دەڭگەيىنىڭ كوتەرىلۋى كۇتىلەدى.
اۋا تەمپەراتۋراسىنىڭ كوتەرىلۋى, جاۋىن-شاشىن كۇتىلەدى دەگەن بولجامعا بايلانىستى شىعىستاعى وزەندەردە جەرگىلىكتى جانە تاۋدان سۋ اعىپ, مۇز كەپتەلىستەرى, سۋ دەڭگەيىنىڭ تەز كوتەرىلۋى كۇتىلۋدە. وڭتۇستىك-شىعىستاعى جەكەلەگەن وزەندەردە سۋ دەڭگەيىنىڭ كوتەرىلۋى ىقتيمال. جاۋىن-شاشىننىڭ, كەي جەرلەردە كۇشتى بولۋىنا بايلانىستى تۇركىستان وبلىسىنىڭ تاۋلى اۋداندارىندا تاۋدان سۋ اعىپ, وزەندەردەگى سۋ دەڭگەيىنىڭ كوتەرىلۋى ىقتيمال.
