ەلباسىنىڭ «الەۋمەتتىك قامقورلىق» الەۋمەتتىك شارالارىن جۇزەگە اسىرۋ اياسىندا جاڭارتىلعان اتاۋلى الەۋمەتتىك كومەك الۋعا قۇجاتتاردى قابىلداۋ اعىمداعى جىلدىڭ 1 ساۋىرىنەن باستاپ باستالعان بولاتىن. وتىنىشتەر جۇمىسپەن قامتۋ ورتالىقتارىندا, حالىققا قىزمەت كورسەتۋ ورتالىقتارىندا, سونداي-اق اۋىلدىق اكىمدىكتەردە قابىلدانادى.
اۋىل تۇرعىندارى الدىندا ءسوز سويلەگەن ۆەدومستۆو باسشىسى الەۋمەتتىك كومەكتىڭ جاڭا فورماتىن ەنگىزۋدىڭ ارقاسىندا قازاقستاندا ااك الۋشىلار سانى 830 مىڭ ادامنان اسادى دەپ اتاپ ءوتتى, ونىڭ ىشىندە تسەلينوگراد اۋدانىندا ولاردىڭ سانى 12,3 مىڭنان 17,6 مىڭ ادامعا دەيىن ارتادى.
مينيستر كوپبالالى اۋىلدىقتار مەن جاستارعا جاڭا بيزنەس يدەيالاردى ىسكە اسىرۋ ءۇشىن 505 مىڭ تەڭگە كولەمىندە 10 مىڭ مەملەكەتتىك گرانت ۇسىنىلاتىنىن اتاپ ءوتتى. مۇگەدەكتىگى بار 5 مىڭعا جۋىق ادام مەن كوپبالالى انالار ءۇشىن جەكە ءىسىن اشۋعا 6,5 ملن.تەڭگەگە دەيىن جەڭىلدىكتى ميكروكرەديت بەرۋ جوسپارلانۋدا.
اۋداندا ۆەدومستۆو باسشىسى قىتايدان كەلگەن كوپبالالى ورالمان وتباسىنىڭ شارۋاشىلىعىمەن تانىستى. «ەڭبەك» باعدارلاماسى بويىنشا 4 ملن تەڭگە نەسيە الىپ شارۋا قوجالىعىن ۇيىمداستىرعان وتباسى تەك ءىرى قارا مەن جىلقىنى ءوسىرىپ قانا قويماي, ءسۇت ونىمدەرىن ءوندىرىپ, ساتۋمەن اينالىسادى.
سونىمەن قاتار, ەلوردادا ب.ساپارباەۆ سارىارقا اۋدانىنىڭ حالىققا قىزمەت كورسەتۋ ورتالىعىندا ااك-كە وتىنىشتەردى قابىلداۋ بارىسىمەن تانىستى. ول 1 ساۋىردەن باستاپ الەۋمەتتىك كومەكتى تاعايىنداۋ ءۇشىن جەكە كۋالىك پەن ءتيىستى ءوتىنىش بەرۋ جەتكىلىكتى ەكەنىن تاعى ءبىر مارتە قۇجاتتاردى قابىلدايتىن قىزمەتكەرلەردىڭ نازارىنا سالدى.
«بايقوڭىر» اۋدانى اكىمدىگىنە بارعان كەزدە ۆەدومستۆو باسشىسى اتاۋلى الەۋمەتتىك كومەككە ءوتىنىش بەرۋگە كەلگەن ەلوردا تۇرعىندارىمەن كەزدەستى, مينيستر از قامتىلعان ازاماتتارعا الەۋمەتتىك قولداۋ كورسەتۋ شارالارى بويىنشا تۇسىنىكتەمە بەردى جانە ولاردى قىزىقتىراتىن سۇراقتارعا جاۋاپ بەردى.
ەلباسىنىڭ تاپسىرماسىنا سايكەس, قازاقستاندا ءۇ.ج. 1 ساۋىرىنەن باستاپ ااك كورسەتۋ مولشەرى كۇنكورىس دەڭگەيىنىڭ 50% - نان 70% - عا دەيىن كوتەرىلىپ, 20 789 تەڭگەنى قۇرادى. ناتيجەسىندە جاردەماقى الۋشىلار سانى 571,6 مىڭ ادامنان 830 مىڭ ادامعا دەيىن وسەدى. بۇل رەتتە, ەگەر ااك-ءتىڭ ورتاشا مولشەرى وتباسىنىڭ ءاربىر مۇشەسىنە بۇرىن 4 834 تەڭگەنى قۇراعان بولسا, ءساۋىر ايىنان باستاپ ءار بالاعا 20 789 تگ. تولەنەدى.
