«ءبىزدىڭ باعالاۋىمىزعا سايكەس, ينفلياتسيا اعىمداعى جىلدىڭ قورىتىندىلارى بويىنشا نىسانالى ءدالىز شەگىندە ساقتالادى». بۇل تۋرالى قازاقستان ۇلتتىق بانكىنىڭ توراعاسى ەربولات دوساەۆ قر پارلامەنتى سەناتىنىڭ وتىرىسىندا ءسوز سويلەگەن كەزدە ايتىپ بەردى.
ۇلتتىق بانكتىڭ باسشىسى قارجى رەتتەۋشىسىنىڭ ينفلياتسيا بويىنشا نىسانالى باعدارلارعا قول جەتكىزۋگە جانە ەكونوميكا ءوسۋىنىڭ قارقىندارىن ۇستاپ تۇرۋعا باعىتتالعان ساياساتتى جالعاستىراتىنىن اتاپ ءوتتى.
«قازاقستان ۇلتتىق بانكى ينفلياتسيالىق تارگەتتەۋ ساياساتىن جۇرگىزۋىن جالعاستىرادى. ۇلتتىق بانكتىڭ 2019 جىلعا ارنالعان نەگىزگى ماقساتى ينفلياتسيانى 4-6% دالىزدە ۇستاپ تۇرۋ بولىپ تابىلادى. جىلدىق ينفلياتسيا 2019 جىلعى ناۋرىزدا وتكەن جىلدىڭ سوڭىنداعى 5,3%-بەن سالىستىرعاندا 4,8%-عا دەيىن تومەندەدى», - دەپ حابارلادى ە. دوساەۆ.
قازاقستان ۇلتتىق بانكى باسشىسىنىڭ ايتۋىنشا, بازالىق مولشەرلەمە اقشا-نەسيە ساياساتىنىڭ نەگىزگى قۇرالى بولىپ قالادى. قازاقستان ۇلتتىق بانكى مولشەرلەمەنىڭ دەڭگەيىن ەلدەگى ناقتى جانە كۇتىلەتىن ينفلياتسيانىڭ مولشەرلەرىنە, تولەم بالانسىنىڭ جاي-كۇيىن انىقتايتىن سىرتقى فاكتورلارعا, سونداي-اق ەكونوميكالىق دامۋدى قولداۋ قاجەتتىلىگىنە قاراي بەلگىلەيدى.
ە. دوساەۆ 4 ناۋرىزدا قازاقستان ۇلتتىق بانكى بازالىق مولشەرلەمەنى 9,25% دەڭگەيىندە قالدىردى دەپ ەسكە سالدى. «ءبىز ينفلياتسيالىق كورسەتكىشتەرگە قول جەتكىزۋ مەن ەكونوميكانىڭ ءوسۋ قارقىنىن ساقتاپ قالۋ تەڭگەرىمىنە باعىتتالعان بازالىق مولشەرلەمە بويىنشا ساياساتتى جالعاستىرۋعا نيەتتەنەمىز», - دەپ حابارلادى قازاقستان ۇلتتىق بانكىنىڭ توراعاسى.
«ۆاليۋتا نارىعىندا جاعداي تۇراقتى بولىپ قالۋدا. اعىمداعى جىلدىڭ باسىنان باستان 2 ءساۋىر ارالىعىندا تەڭگەنىڭ ايىرباستاۋ باعامى جىل باسىنان 1,2%-عا نىعايدى. ايىرباستاۋ باعامى ەلىمىزدەگى تولەم بالانسى جاعدايىنا, ياعني شەتەل ۆاليۋتاسىنىڭ ەلىمىزدىڭ نارىعىنا ءتۇسىمى مەن كەتۋىنىڭ تەڭگەرىمىنە بايلانىستى. بۇل سىرتقى كۇيزەلىستەردى بارىنشا ازايتۋعا جانە ەكونوميكامىزدىڭ باسەكەگە قابىلەتتىلىك كورسەتكىشتەرىن ساقتاۋعا مۇمكىندىك بەرەدى», - دەپ ءتۇسىندىردى ە. دوساەۆ.
قازاقستان ۇلتتىق بانكىنىڭ توراعاسى ايتقانداي 2018 جىلى تولەم بالانسىنىڭ اعىمداعى شوتىنىڭ ايتارلىقتاي جاقسارۋى بايقالدى. تاپشىلىق 2017 جىلعى 5,1 ملرد. اقش دوللارىمەن سالىستىرعاندا 0,1 ملرد. اقش دوللارىن قۇرادى.
«تەڭگەنىڭ وزگەرمەلى ايىرباستاۋ باعامى ساياساتى التىنۆاليۋتا رەزەرۆتەرىن ساقتاۋعا مۇمكىندىك بەرەدى. 1 ناۋرىزداعى جاعداي بويىنشا ۇلتتىق بانكتىڭ التىنۆاليۋتا رەزەرۆتەرى 29,2 ملرد اقش دوللارىن, ۇلتتىق قوردىڭ اكتيۆتەرى – 59,0 ملرد اقش دوللارىن قۇردى. جالپى حالىقارالىق رەزەرۆتەر 88,2 ملرد اقش دوللارىن قۇرادى», - دەپ حابارلادى ۇلتتىق بانك توراعاسى.
سونىمەن قاتار ە. دوساەۆ مەملەكەت باسشىسى قويعان مىندەتتەردى ورىنداۋ شەڭبەرىندە قازاقستان ۇلتتىق بانكىنىڭ ەكونوميكالىق ءوسۋدى جانە ۇزاق مەرزىمدى كرەديتتەۋدى قولداۋدى قامتاماسىز ەتۋ جونىندەگى باستامالاردى ىسكە اسىرۋدى جالعاستىراتىنىن اتاپ ءوتتى.
«7-20-25» باعدارلاماسىن ىسكە اسىرۋ شەڭبەرىندە يپوتەكالىق كرەديتتەر الۋعا بەرىلگەن وتىنىمدەردىڭ جالپى سانى 2019 جىلعى 30 ناۋرىزداعى جاعداي بويىنشا 125,4 ملرد تەڭگە سوماعا 11 021 بولدى. ونىڭ ىشىندە 75,2 ملرد تەڭگە سوماعا 6 450 ءوتىنىم ماقۇلداندى جانە 60,4 ملرد تەڭگەگە 5 085 قارىز بەرىلدى», - دەپ حابارلادى ە. دوساەۆ.
قازاقستان ۇلتتىق بانكى توراعاسىنىڭ ايتۋىنشا, ەكونوميكانىڭ باسىم سالالارىن كرەديتتەۋ ءۇشىن 600 ملرد تەڭگە سوماعا بانكتەردىڭ ۇزاق مەرزىمدى وتىمدىلىكتى يگەرۋى بويىنشا شارالار قابىلداناتىن بولادى. 7% مولشەرىندە سۋبسيديالاۋدى ەسكەرە وتىرىپ, قارىز الۋشىلار ءۇشىن كرەديتتەر بويىنشا تۇپكىلىكتى مولشەرلەمە 8%-دان اسپايدى.
قازاقستان ۇلتتىق بانكىنىڭ باسشىسى اگروونەركاسىپ كەشەنىنە 200 ملرد تەڭگە, ال وڭدەۋشى ونەركاسىپكە 400 ملرد تەڭگەگە دەيىن بولىنەتىندىگىن دە ايتتى.
«شوب ىسكە اسىراتىن جوبالاردى كرەديتتەۋگە كەمىندە 100 ملرد تەڭگە جۇمسالاتىن بولادى. سونداي-اق قازاقستان ۇلتتىق بانكى وتاندىق اۆتوكولىك ساتىپ الۋشىلارىن 5 جىل بويى كرەديتتەۋ باعدارلاماسىن ىسكە اسىرۋعا 100 ملرد تەڭگەگە دەيىن جۇمسايدى. وسى جىلى 20 ملرد تەڭگە بولىنەتىن بولادى», - دەدى ءسوزىن قورىتىندىلاي كەلە ە. دوساەۆ.
«اقشا-نەسيە جانە بيۋدجەت ساياساتىن ۇيلەستىرۋ قازاقستان ەكونوميكاسىنىڭ ورنىقتى دامۋىنىڭ قاجەتتى تالابى بولىپ تابىلادى», - دەپ اتاپ ءوتتى ۇلتتىق بانك باسشىسى. «2019-2021 جىلدارعا ارنالعان رەسپۋبليكالىق بيۋدجەتكە وزگەرىستەر ولشەمدەرى اعىمداعى جىلعى جەكەلەگەن ماكروەكونوميكالىق كورسەتكىشتەردى قايتا قاراۋعا نەگىزدەلگەن. قازاقستان ۇلتتىق بانكى بۇل وزگەرىستەرمەن كەلىستى جانە قولدادى», - دەپ قورىتىندىلادى ە. دوساەۆ.
