«اتامەكەن» كاسىپكەرلەر پالاتاسىنىڭ قىزمەتىنىڭ نەگىزگى ءبىر قىرى كاسىپكەرلەردىڭ قۇقىعىن قورعاۋ بولىپ تابىلادى. سوندىقتان, بىزگە كاسىپكەرلەر تاراپىنان كەلەتىن ارىز-شاعىمدار مەن ۇسىنىس-پىكىرلەردىڭ كوبى مەملەكەتتىك ورگانداردىڭ قىزمەتىنە بايلانىستى بولادى. مۇنىڭ ءوزى ءبىز بۇگىن ايتىپ وتىرعان ساراپتاما قورتىندىسىنىڭ كەمشىن تۇستارى بار ەكەنىن دالەلدەيدى. ويتكەنى, پارا بەرەتىن, كاسىبىن وڭاي ءارى تەز دامىتا قويعىسى كەلەتىندەر ەشقاشان ۇسىنىس, سىن پىكىرلەر ايتپايدى. سالىستىرمالى تۇردە ايتاتىن بولساق, 2018 جىلدىڭ قورتىندىسى بويىنشا مەملەكەتتىك ورگاندارمەن تىعىز جۇمىستىڭ ناتيجەسىندە ارىز-شاعىمداردى شەشۋ ءبىرشاما جاقساردى. بۇل دا وڭ كورسەتكىش. ال, جاڭاعى ايتقان كاسىپكەرلەردىڭ قۇقىعىن قورعاۋعا بايلانىستى بولىنگەن قاراجات كولەمى بىزدە 2,2 ملرد تەڭگە. رەسپۋبليكا بويىنشا ءبىزدىڭ وبلىس وسى كورسەتكىش بويىنشا ءۇشىنشى ورىندا تۇرمىز. سونداي-اق بىزگە كەلىپ تۇسەتىن ارىز-شاعىمدار 13,8 پايىزعا تومەندەگەن.
بۇگىنگى تاقىرىپقا كەلەتىن بولساق, كوپتەگەن كاسىپ يەلەرى بۇل ساۋالناماعا قاتىسپاعاندىقتارىن, سىرتتاي باعا بەرۋ ارقىلى ءوڭىر كاسىپكەرلەرىنىڭ قۇقىعىن بۇزىپ وتىر دەگەن شاعىمدار تۇسكەننەن كەيىن مەملەكەتتىك قىزمەت جونىندەگى اگەنتتىك پەن پروكۋراتۋرامەن بايلانىستىق. ولاردىڭ اقپاراتتارىنا سۇيەنسەك سىبايلاس جەمقورلىقپەن قاتىستى سۇراقتار ون ءۇش پايىزعا تومەندەپ وتىر. ءبىزدىڭ كاسىپكەرلەر پالاتاسىنىڭ مالىمەتى مەن مەملەكەتتىك ورگانداردىڭ مالىمەتى سايكەس كەلىپ وتىر. سوندىقتان ءبىزدىڭ ەسەبىمىز بويىنشا مىنا جۇرگىزىلگەن ساراپتاما بىرجاقتى بولعان سياقتى. سونداي-اق اقپاراتتا بارلىق مەملەكەتتىك ورگانداردىڭ الاتىن پارا كولەمى 300 مىڭ تەڭگە دەپ كورسەتىلگەن. مۇنىڭ ءوزى ساۋالنامانىڭ دەڭگەيىنىڭ قانداي ەكەنىن كورسەتەدى, دەدى ن.قاراساي ۇلى.
ماڭعىستاۋ وبلىسىندا ءوز ءىسىن جۇرگىزۋشىلەرگە بارلىق جاعداي جاسالعان. مەملەكەتتىك باعدارلامالار بيزنەستى نولدەن باستاپ قۇرۋعا جانە ونى لايىقتى جۇرگىزىپ, دامىتۋعا كومەكتەسەدى. مىسالى, "نۇر كاپيتال" باعدارلاماسى كاسىپكەرگە تەك 1 پايىزبەن نەسيە الۋعا كومەكتەسەدى. بۇل تەڭدەسسىز باعدارلاما. ونىڭ ءتىپتى تمد ەلدەرىندە دە انالوگى جوق. ەكىنشى دەڭگەيلى بانكتەرگە سوماسى 3 ملرد. تەڭگەگە 200-دەن استام جوبا ۇسىنىلدى, 1 ملرد, 230 ملن.تەڭگە سوماسىنا 65 جوبا ىسكە اسىرىلعان.. سونىڭ ناتيجەسىندە 575 جۇمىس ورنى قۇرىلعان.
ەستەرىڭىزگە سالا كەتەيىك, ستراتەگيالىق زەرتتەۋلەر ورتالىعى قازاقستان بويىنشا 4 مىڭ كاسىپكەر قاتىسقان الەۋمەتتىك ساۋالناما مالىمەتتەرىن جاريالادى. وندا 20 مەملەكەتتىك ورگاننىڭ جۇمىسى باعالانعان. ساۋالناما الماتى, قىزىلوردا, بقو جانە ماڭعىستاۋ وبلىستارىنداعى مەملەكەتتىك ورگانداردا سىبايلاس جەمقورلىق دەڭگەيىنىڭ جوعارى ەكەنىن كورسەتكەن.
