اۋىل شارۋاشىلىعى مينيسترلىگى وڭىرلەر قانداي ەلدەرگە جانە قانداي ءونىمدى ەكسپورتتايتىنىنا تالداۋ جاسادى. تالداۋ ناتيجەلەرى اوك ونىمدەرى ەكسپورتىنىڭ نەگىزگى كولەمى بيداي مەن ۇنعا تيەسىلى ەكەنىن كورسەتتى. اوك وڭدەلگەن ءونىمىنىڭ ۇزدىك توبىنا وڭدەلگەن ءونىمنىڭ جالپى ەكسپورتىنىڭ 39,2% ۇلەسىن الاتىن ۇن, وسىمدىك مايلارى — 9%, كونديتەرلىك ونىمدەر — 9%, بالىق سۇبەسى — 4%, سونداي-اق, بالالار تاماعى جانە ءسۇت ونىمدەرى — 2% كىرەدى. سونداي-اق, ماقتا تالشىعى — 6% جانە وڭدەلگەن جەم (جوم, كەبەك, قالدىقتار) — 4% كوپ ەكسپورتتالادى.
استىق ەكسپورتى بويىنشا نەگىزگى وڭىرلەر — شىعىس قازاقستان, اقمولا, قوستاناي وبلىستارى جانە نۇر-سۇلتان, الماتى قالالارى. استىقتىڭ ءداستۇرلى نارىقتارى — ورتا ازيا, يران, قىتاي جانە اۋعانستان.
گ. يساەۆانىڭ ايتۋىنشا, قوستاناي, تۇركىستان, سولتۇستىك قازاقستان, اقمولا جانە الماتى وبلىستارى اۋعانستان, ورتا ازياعا ۇندى كوبىرەك ەكسپورتتايدى. مايلى داقىلداردى وزبەكستانعا, ەو, قحر, موڭعولياعا سولتۇستىك قازاقتسان, شىعىس قازاقستان, قوستاناي, اقمولا وبلىستارى, الماتى قالاسى ەكسپورتتايدى. وسىمدىك مايى نەگىزىنەن قحر, رف جانە ورتا ازياعا الماتى, نۇر-سۇلتان, تۇركىستان, شىعىس قازاقستان جانە قاراعاندى وبلىستارىنان جەتكىزىلەدى.
گ. يساەۆانىڭ ايتۋىنشا, قازاقستان ءۇشىن ماڭىزدى نارىق — ەاەو. وندا $490 ملن-عا 1,2 ملن ت ەكسپورتتالادى. كوبىنەسە قوستاناي, شىعىس قازاقستان, تۇركىستان, الماتى وبلىستارى جانە الماتى قالاسى ەكسپورتتايدى.
قحر-گە وتكەن جىلدىڭ قورىتىندىسى بويىنشا $258 ملن سوماسىنا 919 ملن ت اوك ءونىمى ەكسپورتتالدى. قحر-گە شىعىس قازاقستان, تۇركىستان (شىمكەنتپەن بىرگە), قوستاناي وبلىستارى جانە الماتى, نۇر-سۇلتان قالالارى بەلسەندى تۇردە ەكسپورتتايدى.
قازاقستاننىڭ كەلەسى باسىمدىق بەرىلەتىن نارىعى — يرانعا $329 ملن سوماسىنا 1,8 ملن ت قازاقستاندىق اوك ءونىمى ەكسپورتتالادى. يرانعا كوبىنەسە نۇر-سۇلتان جانە الماتى قالالارى ەكسپورتتايدى. سەبەبى ساۋدا-لوگيستيكالىق جانە ترەيدەرلىك كومپانيالاردىڭ باسىم بولىگى اتالعان قالالاردا ورنالاسقان. ولاردىڭ يرانعا ەكسپورتىنىڭ ۇلەسى 62,5% قۇرايدى. سونىمەن قاتار, اقمولا, شىعىس قازاقستان جانە قوستاناي وبلىستارى دا كوبىرەك ەكسپورتتايدى.
پارسى شىعاناعى ەلدەرىنىڭ نارىعى دا قازاقستان ءۇشىن قىزىعۋشىلىق تۋدىرادى. ماسەلەن, ەلدىڭ “التىن” التىلىعىنا ء(باا, ساك, باحرەين, ومان, كاتار, كۋۆەيت) وتكەن جىلى 4,5 ملن توننا قازاقستاندىق اوك ونىمدەرى ەكسپورتتالعان. جامبىل, اقتوبە, الماتى, شىعىس قازاقستان وبلىستارى جانە نۇر-سۇلتان قالاسى كوپ ەكسپورت جاساعان.
تۇركياعا قازاقستان $113 ملن سوماسىنا 455 مىڭ توننا اوك ونىمدەرىن جەتكىزەدى. شىعىس قازاقستان, اقمولا, قوستاناي وبلىستارى مەن نۇر-سۇلتان جانە الماتى قالالارى بەلسەنە ەكسپورتتايدى.
قازاقستان ەۋروپا ەلدەرىنە $303 ملن سوماسىنا 900 مىڭ ت جۋىق اوك ءونىمىن ەكسپورتتايدى. كوبىنەسە شىعىس قازاقستان, تۇركىستان, سولتۇستىك قازاقستان وبلىستارى جانە الماتى, نۇر-سۇلتان قالالارى اوك ونىمدەرىن ەكسپورتتايدى.
«ورتا ازيادا ءبىز وزبەكستانمەن بەلسەندى ساۋدا جۇرگىزەمىز. وتكەن جىلى اوك ونىمدەرىنىڭ ەكسپورتى $633 ملن سوماسىنا 3,9 ملن توننانى قۇرادى. بۇل ورايدا وزبەكستانعا ەكسپورت بويىنشا كوشباسشىلاردىڭ — تۇركىستان, قوستاناي, اقمولا, شىعىس قازاقستان وبلىستارى جانە الماتى ق. ۇلەسى 78,1% قۇرايدى», — دەدى اۋىل شارۋاشىلىعى ۆيتسە-ءمينيسترى.
