سەنىم مەن قاۋىپسىزدىكتى نىعايتۋ شارالارى تۋرالى ۆەنا قۇجاتى اياسىندا نيدەرلاندى جانە فرانتسيا وكىلدەرىنىڭ قاتىسۋىمەن امەريكا قۇراما شتاتتارىنىڭ باعاسى بويىنشا تالدىقورعان قالاسىندا شوعىرلانعان اسكەري بولىمدەردىڭ ءبىرىن تەكسەردى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
ينسپەكتسيانىڭ ماقساتى جىل سايىنعى اسكەري اقپارات الماسۋ شەڭبەرىندە قازاقستان رەسپۋبليكاسى ۇسىنعان قارۋ-جاراق پەن اسكەري تەحنيكانىڭ نەگىزگى جۇيەلەرىنىڭ سانى, جەكە قۇرامنىڭ سانى تۋرالى دەرەكتەردى باعالاۋ بولىپ تابىلادى. بريگاداعا بارۋ كەزىندە ينسپەكتسيالىق توپقا قارۋ-جاراق پەن اسكەري تەحنيكانىڭ نەگىزگى ۇلگىلەرىمەن, جەكە قۇرامنىڭ وقۋ پروتسەسى جانە كۇندەلىكتى قىزمەتىمەن تانىسۋ مۇمكىندىگى ۇسىنىلدى. مۇنداي ساپارلار ءوزىنىڭ ۇلتتىق اۋماقتارىندا شەتەلدىك اسكەري ينسپەكتسيالاردى قابىلداۋ ەقىۇ-نىڭ كەز كەلگەن قاتىسۋشى مەملەكەتىنىڭ مىندەتتەمەلەرى تۋرالى ۆەنا قۇجاتىنا سايكەس وتكىزىلەدى. Eقىۇ اسكەري-ساياسي ولشەم شەڭبەرىندەگى ءىس-شارالاردىڭ ورىندالۋى قازاقستان رەسپۋبليكاسى قىزمەتىنىڭ باسىمدىق باعىتتارىنىڭ ءبىرى بولىپ تابىلاتىنىن ايتا كەتۋ قاجەت.
