Fajr International Film Festival (FIFF) يران كينوسىنىڭ دامۋىنا ۇلكەن اسەر تيگەزىتەن, باسقا ەلدەرمەن مادەني الماسۋعا ىقپال ەتەتىن ءىرى كينوفەستيۆال. نەگىزى 1982 جىلى قالانعالى بەرى فەستيۆالدىڭ قازىلار القاسى قاتارىندا الەم كينەماتوگرافىنىڭ بەلدى تۇلعالارى - فولكەر شلەندورف, كشيشتوف زانۋسسي, بەلا تارر, اگنەشكا حوللاند, اندرەي زۆياگينتسەۆ جانە رۇستەم يبراگيمبەكوۆ بولعان.
ءابىش كەكىلباەۆتىڭ پوۆەسى «شىڭىراۋدىڭ» جەلىسى بويىنشا تۇسىرىلگەن كارتينا قۇدىق قازۋشى ەڭسەپتىڭ وقيعاسىن بايانداي وتىرىپ, مەنمەندىك, باقتالاستىق, ماحاببات, دوستىق, قاستاندىق سىندى ادامعا ءتان قۇبىلىستاردى كوتەرەدى.
- «فيلم تەك كينوفەستيۆال تالاپتارىنا عانا ەمەس سونىمەن قاتار كورەرمەندەردىڭ دە كوڭىلىنەن شىعاتىنىنا سەنىمدىمىن. سەبەبى فيلمگە ارقاۋ بولعان تاقىرىپ تىڭ جانە قۇپيا مەن سىرعا تولى كاسيەتتى ماڭعىستاۋدىڭ عاجايىپ تابيعاتى شىعارمانىڭ بوياۋىن قانىقتىرىپ, وعان تەرەڭ استار جۇكتەدى. بيىل ەلىمىز قازاق ادەبيەتىنىڭ كلاسسيگى ءابىش كەكىلباەۆتىڭ 80 جىلدىق مەرەيتويىن اتاپ وتۋگە دايىندالىپ جاتقاندا ءفيلمنىڭ وسىنداي حالىقارالىق كينوفەستيۆالدەرگە قاتىسۋى جازۋشىنىڭ تۆورچەستۆاسىنا بەرىلگەن زور باعا جانە ءبىز ۇشىن ۇلكەن مارتەبە دەپ ويلايمىن», - دەدى ءفيلمنىڭ رەجيسسەرى جانىبەك جەتىرۋوۆ.
ەستەرىڭىزگە سالا كەتەيىك, اتالعان فيلم بانگلادەشتىڭ داككا قالاسىندا وتكەن 17-ءشى حكف ۇزدىك وپەراتورلىق جۇمىس نوميناتسياسى بويىنشا جەڭىسكە جەتكەن.
