زاڭ جوباسىن تالقىلاۋعا مۇددەلى مەملەكەتتىك ورگانداردىڭ, بيزنەس-قوعامداستىقتىڭ, ازاماتتىق قوعامداستىقتىڭ وكىلدەرى, باق وكىلدەرى جانە باسقا دا مۇددەلى تۇلعالار قاتىستى.
تىڭداۋلارعا قاتىسۋشىلار ۇسىنىلعان وزگەرىستەر مەن زاڭ جوباسىنىڭ نەگىزگى ەرەجەلەرىن جانە ولاردى ىسكە اسىرۋ پەرسپەكتيۆالارىن تالقىلادى.
يندۋستريالىق دامۋ جانە ونەركاسىپتىك قاۋىپسىزدىك كوميتەتى توراعاسىنىڭ ورىنباسارى نىعمەتجان ماقاجانوۆتىڭ ايتۋىنشا, زاڭ جوباسى ونەركاسىپتىك قاۋىپسىزدىك سالاسىنداعى زاڭناما نورمالارىن جەتىلدىرۋگە, بيزنەسكە جاسالاتىن اكىمشىلىك قىسىمدى ازايتۋعا جانە ونەركاسىپتىك قاۋىپسىزدىك سالاسىنداعى مەملەكەتتىك قاداعالاۋدى جۇزەگە اسىرۋدىڭ تيىمدىلىگىن ارتتىرۋعا باعىتتالعان. سونداي-اق, زاڭ جوباسى ونەركاسىپتىك قاۋىپسىزدىك سالاسىندا مەملەكەتتىك قاداعالاۋدى جۇزەگە اسىرۋ كەزىندە سىبايلاس جەمقورلىق تاۋەكەلدەرىن ازايتۋدى كوزدەيدى.
بۇدان بولەك, ونەركاسىپتىك قاۋىپسىزدىك سالاسىنداعى جۇمىستاردى جۇرگىزۋ قۇقىعىنا اتتەستاتتالعان ۇيىمداردىڭ جانە اۆاريالىق-قۇتقارۋ جۇمىستارىن جۇرگىزۋ قىزمەتتەرىن ۇسىناتىن ۇيىمداردىڭ قىزمەتىن رەتتەۋ ءۇشىن زاڭ جوباسىندا وسى ۇيىمدارعا پروفيلاكتيكالىق قاداعالاۋدى جۇزەگە اسىرۋ جانە ونى جۇرگىزۋ ءتارتىبىن بەلگىلەۋ قاراستىرىلعان.
بۇل زاڭ جوباسىن قابىلداۋ قاۋىپتى وندىرىستىك وبەكتىلەردەگى ونەركاسىپتىك قاۋىپسىزدىكتى قامتاماسىز ەتۋ جۇيەسىنىڭ تيىمدىلىگىن ارتتىرۋعا مۇمكىندىك بەرەدى.
ايتا كەتەتىن ءبىر جايت, زاڭ جوباسىن ازىرلەۋ بارىسىندا "ازاماتتىق قورعاۋ تۋرالى" قر زاڭىنا وزگەرىستەر مەن تولىقتىرۋلار ەنگىزۋ بويىنشا 300-گە جۋىق ۇسىنىس كەلىپ ءتۇستى.
كەڭىنەن تالقىلاۋ ءۇشىن زاڭ جوباسىنىڭ ءماتىنى "اشىق نورماتيۆتىك قۇقىقتىق اكتىلەر" پورتالىنا ورنالاستىرىلعان. وندا قالاعان ادام ءوز ۇسىنىستارى مەن ەسكەرتۋلەرىن قالدىرا الادى. بارلىق ۇسىنىستار كەلەسى جولى زاڭ جوباسىن پىسىقتاعان كەزدە ەسكەرىلەتىن بولادى.
زاڭ جوباسىمەن مىنا سىلتەمەگە كىرۋ ارقىلى تانىسا الاسىزدار: http://miid.gov.kz/ru/pages/o-vnesenii-izmeneniy-i-dopolneniy-v-nekotorye-zakonodatelnye-akty-respubliki-kazahstan-po-33
