ەلىمىز ءار وڭىرىندەگى تەمىرجول كاسىپورىندارىنىڭ ماماندارى ەڭبەكتى قورعاۋ جانە قاۋىپسىزدىكتى قامتاماسسىز ەتۋدىڭ ماڭىزدى ماسەلەلەرىن تالقىعا سالدى.
فورۋمدا ءسوز العان «قتج» ۇك» اق باس ينجەنەرى باتىر كوتىرەۆ وندىرىستىك جاراقاتتاردى تومەندەتۋ, قىزمەتكەرلەر ءۇشىن ەڭبەك جاعدايىنىڭ قاۋىپسىزدىگىن قۇرۋ كومپانيا جۇمىسىنىڭ ماڭىزدى قۇرامداس بولىگى بولىپ تابىلاتىندىعىن اتاپ كورسەتتى.
فورۋمدا «قتج» ۇك» اق قۇرىلىمدىق بولىمشەلەرىنىڭ وكىلدەرى ءسوز الىپ, «جولاۋشىلار تاسىمالى» اق, «قتج-جۇك تاسىمالى» اق, ماگيسترالدىق جەلى ديرەكتسياسىنداعى ەڭبەكتى قورعاۋ جانە قاۋىپسىزدىك جاعدايى تۋرالى جان جاقتى حاباردار ەتتى.
كاسىپوداق كوميتەتى مەن مەملەكەتتىك ەڭبەك ينسپەكتسياسىنىڭ وكىلدەرىنىڭ قاتىسقان شارادا ەڭبەكتى قورعاۋ سالاسىنداعى مەملەكەتتىك باسقارۋ ساياساتىن جۇزەگە اسىرۋ, قىزمەتكەرلەر مەن جۇمىس بەرۋشىلەردىڭ الەۋمەتتىك ارىپتەستىگى ماسەلەلەرى قارالدى.
فورۋمدا ماماندار حالىقارالىق «نولدىك جاراقات» تۇجىرىمداماسىن ەسكەرە وتىرىپ, قىزمەتكەرلەر ءومىرى مەن دەنساۋلىعىن ساقتاۋعا باعىتتالعان ۇسىنىستاردى ورتاعا سالىندى.
فورۋمعا قاتىسۋشىلار اتىراۋ مەن ماحامبەت ستانتسيالارى وندىرىستىك بولىمشەلەرىندە بولىپ, قاۋىپسىز جۇمىس جۇرگىزۋ تاجىريبەلەرىمەن ءبولىستى.
شارا اياسىندا كوپتەگەن جىلدار جاراقاتسىز جۇمىس ىستەگەن كاسىپورىندار «سەنىم سەرتيفيكاتتارىنا» يە بولدى. سەرتيفيكاتقا يە بولعاندار ەڭبەك قاۋىپسىزدىگى جانە قاۋىپسىزدىك جاعدايىن باعامدايتىن كەزەكتى جوسپارلى تەكسەرۋدەن بوساتىلادى.
فورۋم شەڭبەرىندە قاۋىپسىزدىك قۇرال-جابدىقتارى مەن ارنايى كيىم كورمەسى دە وتكىزىلدى.
