قورىتىندىلاي وتىرىپ, قر پرەمەر-ءمينيسترى اسقار مامين اگروونەركاسىپتىك كەشەندى دامىتۋ باعدارلاماسىن ىسكە اسىرۋ اياسىندا ۇكىمەت الدىندا 2022 جىلعا دەيىن وڭدەلگەن اۋىل شارۋاشىلىعى ءونىمىنىڭ ەكسپورتىن كەمىندە 2,5 ەسە ءوسىرۋ مىندەتى تۇرعانىن اتاپ ءوتتى.
«ۆەتەرينارلىق جانە فيتوسانيتارلىق قاۋىپسىزدىك تالاپتارىنىڭ ساقتالۋىن قامتاماسىز ەتۋ قاجەت», — دەدى ا. مامين.
2017 جىلى قازاقستاننىڭ بارلىق وڭىرلەرى اۋسىلدان تازا ايماق مارتەبەسىن الدى. وسىنىڭ ارقاسىندا, يران, ءباا, ساۋد ارابياسىنا مال شارۋاشىلىعى ونىمدەرىنىڭ ەكسپورتىنا قويىلعان شەكتەۋ الىندى, ءتيىستى شارتتار كەلىسىلدى. قازىرگى تاڭدا يزرايل, قىتاي, وڭتۇستىك كورەيا جانە تاعى دا باسقا ەلدەرمەن وسى باعىتتا كەلىسسوزدەر جۇرگىزىلۋدە. بيىل ناۋرىزدا قازاقستاندىق فيتوسانيتارلىق قىزمەت 30 ۇن كاسىپورنىن تەكسەرىپ, ولار قحر بيداي ۇنىن ەكسپورتتاۋشىلار تىزىمىنە ەنگىزىلدى.
«ۆەتەرينارلىق جانە فيتوسانيتارلىق كەدەرگىلەردى الۋ جانە وتكىزۋ نارىقتارىن كەڭەيتۋ بويىنشا جۇمىستى جالعاستىرۋ قاجەت. قازاقستاننىڭ جوعارى ساپالى جانە ەكولوگيالىق تازا ونىممەن قامتاماسىز ەتەتىن سەنىمدى كوزگە اينالۋعا بارلىق الەۋەتى بار», — دەدى ا. مامين.
وسىعان وراي, اۋىل شارۋاشىلىعى مينيسترلىگى وڭىرلەردىڭ اكىمدەرىمەن بىرلەسىپ كەلەسى ماسەلەلەرگە ەرەكشە نازار اۋدارىپ, ناقتى شارالاردى قولعا الۋلارى قاجەت. اتاپ ايتقاندا:
-
تۇراقتى ەپيزووتيالىق احۋالدى قامتاماسىز ەتۋ;
-
مال قورىمدارى ورىندارىنىڭ ۆەتەرينارلىق-سانيتارلىق تالاپتارعا سايكەس بولۋى;
-
ەگىس القاپتارىن زيانكەستەرگە قارسى وڭدەۋ شارالارىن ۋاقىتىلى قابىلداۋ;
-
ءتيىمدى ۆەتەرينارلىق جانە فيتوسانيتارلىق باقىلاۋدى قامتاماسىز ەتۋ.
«بۇل رەتتە, ەۋرازيالىق ەكونوميكالىق وداق ەلدەرىمەن ءوزارا ساۋداعا قاتىستى جاسالىنعان كەلىسىمدەر اياسىندا ءتيىستى راسىمدەردى جۇرگىزۋ قاجەت», — دەدى قر پرەمەر-ءمينيسترى ا. مامين.
