ۇكىمەت • 02 ءساۋىر، 2019

باحرەينگە سيىر ەتى مەن قوي ەتى ەكسپورتتالىپ جاتىر - ساپارحان وماروۆ

253 رەت كورسەتىلدى

بۇل تۋرالى اۋىل شارۋاشىلىعى ءمينيسترى ساپارحان وماروۆ «ۆەتەريناريالىق جانە فيتوسانيتاريالىق (كارانتيندىك) قاۋىپسىزدىك ماسەلەلەرى تۋرالى» ۇكىمەتى وتىرىسىنداعى بايانداماسىندا ايتتى.

«يرانمەن قازاقستاننان سيىر ەتىن، ۇساق مالدىڭ سۋبونىمدەرىن، تاعامدىق جۇمىرتقانى، سويۋعا ارنالعان مالدى ەكسپورتتاۋعا قويىلاتىن ۆەتەريناريالىق تالاپتار كەلىسىلدى. ساۋد ارابياسى كورولدىگىمەن ىرى قارا جانە ۇساق مالداردى سويۋ جانە ءوسىرۋ ءۇشىن ەكسپورتتاۋعا ارنالعان ۆەتەريناريالىق سەرتيفيكات كەلىسىلدى. باحرەينگە سيىر ەتى مەن قوي ەتىن ەكسپورتتاۋ جۇزەگە اسىرىلۋدا. قازىرگى ۋاقىتتا قىتايمەن شوشقا ەتى بويىنشا ۆەتەريناريالىق تالاپتار، ومانمەن سيىر ەتى مەن قوي ەتىنە، ءتىرى ءىرى قارا مالعا ارنالعان ۆەتەريناريالىق سەرتيفيكات كەلىسىلۋدە»، دەدى اۋىل شارۋاشىلىعى ءمينيسترى ساپارحان وماروۆ.

سونىمەن قاتار مينيستر بيىلعى جىلدىڭ باسىندا قازاقستان شوشقانىڭ افريكالىق وباسى بويىنشا سالاماتتى ەل مارتەبەسىن العانىن ەرەكشە اتاپ ءوتتى.

«حەب-پەن فرانتسيادا ۆەتەريناريا ماماندارىن وقىتۋ بويىنشا، قازاقستاندىق زەرتحانانىڭ ورتالىق ازيا ەلدەرى ءۇشىن ۇساق كۇيىس قايىراتىن مالدىڭ وباسى بويىنشا حەب رەفەرەنتتىك زەرتحاناسى مارتەبەسىن الۋى بويىنشا، برۋتسەللەز جانە لەيكوزعا قارسى ىنتىماقتاستىق جاساسۋ بويىنشا جۇمىس جالعاسۋدا»، دەدى مينيستر.

«زاڭنامالىق نەگىزدە ۆەتەريناريالىق باقىلاۋ مەن قاداعالاۋدىڭ بىرىڭعاي جۇيەسىن قۇرۋ، جەرگىلىكتى اتقارۋشى ورگانداردا ۆەتەريناريالىق قىزمەت ۆەرتيكالىن قۇرۋ، جانۋارلار مەن ونىمدەردىڭ ورنىن اۋىستىرۋدى باقىلاۋ ءۇشىن ءموبيلدى بەكەتتەر قۇرۋ، ءۇشىنشى ەلدەردىڭ تىزىلىمىنە ەنگىزۋ ءۇشىن قازاقستاندىق كاسىپورىندارعا جۇرگىزىلەتىن ينسپەكتسيالاردى بيۋدجەت قاراجاتى ەسەبىنەن قارجىلاندىرۋ كوزدەلەدى»، دەدى مينيستر ۇكىمەت وتىرىسىندا.


سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار