وسىعان بايلانىستى زاڭنامالىق بازانى, اقپاراتتىق جۇيەلەردى دايىنداۋ, ۋاكىلەتتى ورگانداردىڭ دەرەكتەر بازاسىن وزەكتەندىرۋ, وڭىرلەردە پيلوتتى وتكىزۋ بويىنشا جۇمىستار جۇرگىزىلۋدە.
قاراعاندى وبلىسىنىڭ وساكاروۆكا اۋدانىنداعى پيلوتتىق جوبانىڭ ناتيجەلەرى پروبلەمالىق ماسەلەلەردى انىقتادى, ولاردى شەشۋگە قوسىمشا ۋاقىت قاجەت ەتىلەدى.
قازاقستان رەسپۋبليكاسىنىڭ قارجى مينيسترلىگى جالپىعا بىردەي دەكلاراتسيا تاپسىرۋدى كەزەڭ-كەزەڭىمەن ەنگىزۋ بويىنشا قازاقستان رەسپۋبليكاسىنىڭ ۇكىمەتىنە ۇسىنىس ەنگىزدى.
ءبىرىنشى كەزەڭدە, 2021 جىلعى 1 قاڭتاردان باستاپ مەملەكەتتىك قىزمەتكەرلەر مەن ولاردىڭ جۇبايلارى, سونداي-اق ولارعا تەڭەستىرىلگەن تۇلعالار جانە ولاردىڭ جۇبايلارى دەكلاراتسيا تاپسىرۋدى باستاۋ ۇسىنىلادى.
ەكىنشى كەزەڭدە 2023 جىلعى 1 قاڭتاردان باستاپ مەملەكەتتىك كاسىپورىنداردىڭ قىزمەتكەرلەرى (ونىڭ ىشىندە ءبىلىم بەرۋ, دەنساۋلىق ساقتاۋ, مادەنيەت, سپورت جانە ت.ب. سالالاردى قوسا العاندا) جانە ولاردىڭ جۇبايلارى.
ءۇشىنشى كەزەڭدە 2024 جىلعى 1 قاڭتاردان باستاپ - زاڭدى تۇلعالاردىڭ باسشىلارى مەن قۇرىلتايشىلارى جانە ولاردىڭ جۇبايلارى, دارا كاسىپكەرلەر جانە ولاردىڭ جۇبايلارى.
ءتورتىنشى كەزەڭدە 2025 جىلعى 1 قاڭتاردان باستاپ - حالىقتىڭ قالعان ساناتتارى.
بۇل رەتتە اتاپ وتكەن ءجون, وندا ءار كەزەڭنىڭ قورىتىندىسى تالداناتىن, پروبلەمالىق ماسەلەلەر انىقتالاتىن بولادى جانە زاڭنامانى, ادىستەمەنى جانە اقپاراتتىق جۇيەلەردى جەتىلدىرۋ بويىنشا شارالار قابىلدانادى.
قازىرگى ۋاقىتتا جالپىعا بىردەي دەكلاراتسيالاۋدى كەزەڭ-كەزەڭىمەن ەنگىزۋ بويىنشا قازاقستان رەسپۋبليكاسىنىڭ زاڭناماسىنا تۇزەتۋلەر دايىندالۋدا. ولار قازاقستان رەسپۋبليكاسىنىڭ پارلامەنتىنە بەلگىلەنگەن تارتىپتە ۇسىنىلادى.
