قر تۇڭعىش پرەزيدەنتى – ەلباسى نۇرسۇلتان نازارباەۆتىڭ تاپسىرمالارىنىڭ ساپالى ورىندالۋىن قامتاماسىز ەتۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگىنىڭ جانە ەڭبەك, الەۋمەتتىك قورعاۋ جانە كوشى-قون كوميتەتىنىڭ ورتالىق اپپاراتىنىڭ قىزمەتكەرلەرى ااك بەلگىلەۋ جانە تولەۋ بويىنشا كەڭەس بەرۋ ءۇشىن وڭىرلەرگە باردى.
31 ناۋرىز بەن 2 ءساۋىر ارالىعىندا كونسۋلتاتيۆتىك توپتار بارلىق وبلىستاردا, نۇر-سۇلتان, الماتى جانە شىمكەنت قالالارىندا جۇمىس ىستەيدى.
سونىمەن قاتار, «111 شۇعىل قىزمەت» بىرىڭعاي بايلانىس ورتالىعىنىڭ نەگىزىندە اتاۋلى الەۋمەتتىك كومەكتى الۋشىلار ءۇشىن «جەدەل جەلى» اشىلدى. «111» ءنومىرى ارقىلى انىقتامالىق اقپاراتتى, مامانداردىڭ كەڭەسىن جانە ااك بەلگىلەۋگە, قانداي دا ءبىر جەڭىلدىكتەر مەن جاردەماقىلار تۇرلەرىن بەرۋگە بايلانىستى سۇراقتارعا جاۋاپتاردى تەگىن الۋعا بولادى.
