قۇپيا ماتەريالداردى تەكسەرۋگە قاتىسۋدا
بەيسەنبى, 29 قاراشا 2012 7:35
تالدىقورعان قالالىق سوتىنىڭ عيماراتىندا اسكەري قىزمەتشى ۆ.چەلاحتىڭ ءىسىن قاراۋ بويىنشا سوت ءماجىلىسى جالعاسۋدا. كەشە سوتتالۋشى ۆ.چەلاح سوت ماجىلىسىنە جەتكىزىلدى. توراعالىق ەتۋشى سۋديا ە.احمەتجانوۆ ۆ.چەلاحقا ءىس بويىنشا ايعاقتاما بەرۋدى ۇسىنسا, سوتتالۋشى پروتسەسكە قاتىسۋشىلاردىڭ سۇراقتارىنا سوت ءىسى بويىنشا بارلىق ايعاقتاردى تەكسەرۋدى اياقتاعاننان كەيىن بارىپ قانا جاۋاپ قايتاراتىنىن مالىمدەدى. بۇعان قوسا, ۆ.چەلاح قۇپيا قۇجاتتاردى تەكسەرۋگە قاتىسۋعا تىلەك ءبىلدىرسە, ارتىنان كەزەكتى مارتە پروتسەسكە قاتىسۋدان باس تارتىپ, سوتتالۋشىنىڭ كامەراسىنا وقشاۋلاندى.
بەيسەنبى, 29 قاراشا 2012 7:35
تالدىقورعان قالالىق سوتىنىڭ عيماراتىندا اسكەري قىزمەتشى ۆ.چەلاحتىڭ ءىسىن قاراۋ بويىنشا سوت ءماجىلىسى جالعاسۋدا. كەشە سوتتالۋشى ۆ.چەلاح سوت ماجىلىسىنە جەتكىزىلدى. توراعالىق ەتۋشى سۋديا ە.احمەتجانوۆ ۆ.چەلاحقا ءىس بويىنشا ايعاقتاما بەرۋدى ۇسىنسا, سوتتالۋشى پروتسەسكە قاتىسۋشىلاردىڭ سۇراقتارىنا سوت ءىسى بويىنشا بارلىق ايعاقتاردى تەكسەرۋدى اياقتاعاننان كەيىن بارىپ قانا جاۋاپ قايتاراتىنىن مالىمدەدى. بۇعان قوسا, ۆ.چەلاح قۇپيا قۇجاتتاردى تەكسەرۋگە قاتىسۋعا تىلەك ءبىلدىرسە, ارتىنان كەزەكتى مارتە پروتسەسكە قاتىسۋدان باس تارتىپ, سوتتالۋشىنىڭ كامەراسىنا وقشاۋلاندى.
سوت الدىندا ءسوز سويلەگەن زارداپ شەگۋشى ت.كيمنىڭ وكىلى سوتتالۋشى ۆ.چەلاحقا مورالدىق زاردابى ءۇشىن 7 ملن. تەڭگە سوماسىندا ازاماتتىق شاعىم ءتۇسىردى. اتالعان قۇجات قىلمىستىق ءىس ماتەريالدارىنا تىركەلدى.
بەينەجازبانى كورگەننەن كەيىن سۋديا ءىس بويىنشا جۇرگىزىلگەن ساراپتامانىڭ قورىتىندىسىن وقىدى, سونداي-اق وقيعا بولعان جەردى قاراۋدىڭ حاتتاماسىن جاريا ەتتى.
ساعات 17.00-دە سوت «قۇپيا» بەلگىسى سوعىلعان ماتەريالداردى تەكسەرۋگە كىرىستى. قۇپيا ماتەريالدارعا قولجەتىمدىلىگى جوق بارلىق پروتسەسكە قاتىسۋشىلار سوت ءماجىلىسى زالىن تاستاپ شىقتى. بۇعان دەيىن ءوزىنىڭ قۇپيا ماتەريالداردى تەكسەرۋ ۇدەرىسىنە قاتىسۋعا تىلەگىن بىلدىرگەن سوتتالۋشى ۆ.چەلاح سوت زالىنا جەتكىزىلدى.
باسقا پروتسەسكە قاتىسۋشىلار ءۇشىن سۋديا 29 قاراشا, تاڭەرتەڭگى ساعات 9-عا دەيىن ءۇزىلىس جاريالادى.
قازاقستان رەسپۋبليكاسى
اسكەري سوتىنىڭ ءباسپاسوز قىزمەتى.
