پرەمەر-ءمينيستردىڭ
ورىنباسارى گۇلشارا ابدىقالىقوۆا, قازاقستان رەسپۋبليكاسىنىڭ ەڭبەك جانە حالىقتى
الەۋمەتتىك قورعاۋ ءمينيسترى بەردىبەك ساپارباەۆ تۇرعىنداردى جۇمىس ساپارىنىڭ
ماقساتىمەن تانىستىرا كەلە, ەلىمىزدە الەۋمەتتىك سالادا ورىن العان وزگەرىستەرگە
قىسقاشا توقتالىپ ءوتتى.
كەزدەسۋ بارىسىندا اۋىل تۇرعىندارى بيلىك
وكىلدەرىنە وزدەرىنىڭ مۇقتاجدىقتارىن, وتىنىشتەرىن جەتكىزدى. ءبىرى اۋىلدا
ءدارىحانانىڭ جوقتىعىن ايتسا, ەندى ءبىرى مەملەكەتتەن الەۋمەتتىك كومەك الۋعا قول
ۇشىن بەرۋدى ءوتىندى.
اۋىل تۇرعىنى قۋانار ماعازدىڭ موڭعوليادان كوشىپ
كەلگەنىنە سەگىز جىل بولعان. الايدا, كوپبالالى انا ەلىمىزدىڭ ازاماتتىعىن بىلتىر
عانا العان. وتباسىنىڭ ءۇيى جوق, مەملەكەتتەن تولىققاندى الەۋمەتتىك كومەك الا
الماي كەلەدى. قۋانار ماعازبەن قاتار, اۋىلداعى تاعى جەتى كوپبالالى انا 1
ساۋىردەن باستاپ الەۋمەتتىك كومەك الادى دەپ سەندىردى اۋداندىق جۇمىسپەن قامتۋ
ءبولىمىنىڭ ماماندارى. بۇگىنگى تاڭدا كەنەسارى اۋىلىندا ون التى كوپبالالى وتباسى
تۇرادى.
ال, سارسەنباي كوكەي ۇلى اقساقال قۇقىقتىق كومەك كورسەتۋدى سۇرادى. بىلتىر ونىڭ ۇلىن بىرەۋلەر جولدا كولىكپەن قاعىپ كەتكەن ەكەن. الايدا, كىنالىلەر ءالى كۇنگە دەيىن جازاعا تارتىلماعان.
ۇكىمەت وكىلدەرى ششۋچينسك پەداگوگيكالىق كوللەدجىندە ءوڭىرىمىزدىڭ بەلسەندى جاستارىمەن دە كەزدەسۋ وتكىزدى. جاس بۋىن وكىلدەرىمەن جاستار جىلى, جاستارعا كورسەتىلەتىن قولداۋ جايلى اڭگىمە ءوربىتتى.
بۋراباي اۋداندىق جۇمىسپەن قامتۋ ورتالىعىندا, حالىققا قىزمەت كورسەتۋ ورتالىعىندا بولعاندا گۇلشارا ناۋشاقىزى ورتالىق ماماندارىنا كوپبالالى انالارعا الەۋمەتتىك كومەك تاعايىنداۋدا ولاردىڭ تۇرمىس جاعدايلارىن ءجىتى نازارعا الۋدى, جەرى مەن مالدارىن ەسەپتەگەن كەزدە ولاردىڭ ءونىمدى, ءونىمدى ەمەستىگىنە ءمان بەرۋدى تاپسىردى. ءبىرجان سال اۋدانىنىڭ ماكينكا ورتا مەكتەبىندە تۇرعىندارمەن كەزدەسۋ كەزىندە دە از قامتىلعان وتباسىلارعا كومەك كورسەتۋ ماسەلەسىنە قاتىستى بىرقاتار ساۋالدار قويىلدى.
ساپار اياسىندا جۇمىس توبىنىڭ مۇشەلەرى ماكينكا اۋىلىندا تۇراتىن كوپبالالى جالعىزباستى اكە اندرەي مەركەلدىڭ شاڭىراعىندا بولىپ, حال جاعدايىن سۇرادى. ەلۋ ەكى جاستاعى اندرەي مەركەلدىڭ ءۇش بالاسى مەكتەپكە, كەنجەسى بالاباقشاعا بارادى ەكەن. اۋدان اكىمى جومارت نۇركەنوۆ بۇل وتباسى ءساۋىردىڭ بىرىنەن باستاپ الەۋمەتتىك جاردەماقى الاتىنىن, وتاعاسىنا تۇراقتى جۇمىس تاۋىپ بەرەتىنىن جەتكىزدى.
بۇلاندى اۋدانىنا قاراستى التىندى اۋىلىندا دا وسىنداي كەزدەسۋ ءوتتى. اۋىل تۇرعىنى ايگۇل ماۋلەن التى بالاسى بولا تۇرا, الەۋمەتتىك جاردەماقىدان قاعىلىپ قالايىن دەپ تۇرعان كورىنەدى. سەبەبى, وسىدان ەكى جىل بۇرىن وعان «باستاۋ-بيزنەس» باعدارلاماسى ارقىلى مال شارۋاشىلىعىمەن اينالىسۋعا مەملەكەتتەن نەسيە بەرىلگەن ەكەن. الايدا, تاپقان تابىسىنىڭ بارلىعى نەسيەنى جابۋعا كەتەدى دەپ ءۋاج ايتقان كوپ بالالى انانىڭ ماسەلەسىن قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ قايتا قاراۋ قاجەتتىگىن ايتتى.
جۇمىس ساپارىنىڭ سوڭىندا گۇلشارا ابدىقالىقوۆا اقكول اۋدانىندا بولىپ, قازاقستان رەسپۋبليكاسىنىڭ ءبىلىم جانە عىلىم ءمينيسترى كۇلاش شامشيدينوۆامەن بىرگە مۇعالىمدەردىڭ قاتىسۋىمەن جيىن وتكىزدى.
–ەلباسىمىز نۇرسۇلتان نازارباەۆ نۇر وتان پارتياسىنىڭ ون سەگىزىنشى سەزىندە ۇكىمىتكە 1 شىلدەدەن باستاپ بيۋدجەت سالاسىنداعى ەڭ از جالاقىنى 30 پايىزعا ءوسىرۋدى, مۇگەدەك بالا اسىراپ وتىرعان اتا-انالار مەن وتباسىلارعا, اسىراۋشىلارعا بەرىلەتىن جاردەماقىنى 30 پايىزعا ارتتىرۋدى, الەۋمەتتىك از قامتىلعان وتباسىلارعا قىرىق مىڭ پاتەر سالۋدى تاپسىرعان بولاتىن. ساپار بارىسىندا ءبىز وسى ماسەلەلەردىڭ بارلىعىن تۇرعىندارعا تۇسىندىردىك. بارلىعىنا زاڭ اياسىندا كومەكتەسەتىن بولامىز, – دەدى پرەمەر-ءمينيستردىڭ ورىنباسارى.
وسى ورايدا ءسوز العان ءبىلىم جانە عىلىم ءمينيسترى كۇلاش ءشامشيدينوۆا قازاقستان رەسپۋبليكاسىندا ءبىلىم بەرۋدى جانە عىلىمدى دامىتۋدىڭ 2016-2019 جىلعا ارنالعان باعدارلاما بيىل اياقتالاتىنىن, ەندىگى ارادا ءبىلىم سالاسىندا جاڭا مەملەكەتتىك باعدارلاما ازىرلەۋ مىندەتى تۇرعانىن جەتكىزدى.
ء–ۇش تىلدە ءبىلىم بەرۋ دەگەن كەزدە كوبىسى پاندەر تەك اعىلشىن تىلىندە عانا وتەدى دەپ ويلايدى. بۇل جاڭساق پىكىر. ءۇش تىلدىلىكتى ەنگىزۋ ارقىلى ءبىز ءوز انا ءتىلىمىزدى دە دامىتامىز, – دەي كەلە مينيستر ۇستازداردىڭ ستاتۋسىنا ارنالعان جاڭا زاڭ جوباسى جونىندە دە توقتالىپ ءوتتى. ءمينيستردىڭ ايتۋىنشا, جاڭا زاڭ جوباسى ولاردىڭ قۇقىقتارىن كەڭەيتۋدى كوزدەيدى. كەزدەسۋ بارىسىندا ۇستازدار قاۋىمى ءبىلىم سالاسىنا, وتىز جىلدىق ەڭبەك ءوتىلى بار ۇستازداردى زەينەتكەرلىككە ەرتە شىعارۋ تۋرالى ساۋالدارىن قويدى.
قازاقستان رەسپۋبليكاسى پرەمەر-ءمينيسترىنىڭ ورىنباسارى گۇلشارا ابدىقالىقوۆانىڭ وڭىرىمىزگە ساپارى كەزىندە اقمولا وبلىسىنىڭ اكىمى ەرمەك مارجىقپاەۆ بىرگە بولدى.
