شاعىن جانە ورتا كاسىپكەرلىك وكىلدەرىنىڭ قوردالانعان قارىزىنىڭ ەلەۋلى بولىگىن وسىماقى جانە ايىپپۇلدار قۇرايدى. نەگىزگى سالىقتان قارىزىن وتەۋدەن سوڭ كاسىپكەردىڭ كاسىبىن جالعاستىرۋعا, جاڭا كاسىپ تۇرىنە اۋىسۋعا, جاڭا يدەيالارى مەن باستامالارىن جۇزەگە اسىرۋعا مۇمكىندىگى پايدا بولادى.
«2018 جىلدىڭ 1 قازانىنا سالىقتان قارىزى بار شاعىن جانە ورتا بيزنەس وكىلدەرىنە راقىمشىلىق جاساۋ ءۇشىن ەشقايدا بارۋدىڭ قاجەتى جوق. مەملەكەتتىك كىرىستەر ورگاندارى كۇن سايىن دەربەس شوتتاردىڭ جاي-كۇيىنە مونيتورينگ جۇرگىزىپ, نەگىزگى قارىزدى تولەۋ كەزىندە ءۇش جۇمىس كۇنىنەن كەشىكتىرمەي ەسەپتەن شىعارۋ تۋرالى ءتيىستى شەشىم شىعارادى», دەدى س.مۇستافاەۆ.
قىزىلوردا وبلىسىندا راقىمشىلىقتى پايدالانۋعا مۇمكىندىگى بار تۇلعالار سانى – 1851, ولاردىڭ 2018 جىلدىڭ 1 قازانىنا جالپى بەرەشەگى 5,3 ملرد.تەڭگەنى قۇراعان. ونىڭ 3,5 ملرد تەڭگەسى نەگىزگى قارىزدارى, 1,6 ملرد تەڭگە ءوسىمپۇل جانە 200 ملن. تەڭگە ايىپپۇل. ال, 2019 جىلدىڭ 19 ناۋرىزىنا ءبىزدىڭ وبلىستان 913 تۇلعا 175 ملن تەڭگە كولەمىندە نەگىزگى قارىزىن وتەپ وتىر. ولاردىڭ 20,1 ملن تەڭگە وسىماقىسى ەسەپتەن شىعارىلدى.
باقتيار تايجان,
«Egemen Qazaqstan»
قىزىلوردا وبلىسى
