شىعىس قازاقستان وبلىستىق «حاليفا التاي» مەشىتىنىڭ ءباسپاسوز قىزمەتىنىڭ حابارلاۋىنشا, بايقاۋ قورىتىندىسى بويىنشا وسكەمەن قالاسى №47 ورتا مەكتەبىنىڭ وقۋشىسى شۇعىلا ارميانوۆا, كۇرشىم اۋدانى ن.وستروۆسكي اتىنداعى № 4 ورتا مەكتەبىنىڭ وقۋشىسى ەرمەكباي بەكارىس, وسكەمەن قالاسى اباي اتىنداعى №33 ورتا مەكتەبى وقۋشىسى ايمان امانكەلدى, كۇرشىم اۋدانى مارقاكول اۋىلى №5 مەكتەپتىڭ وقۋشىسى اقجان تۇساەۆ, تارباعاتاي اۋدانى اقسۋات اۋىلى ورتا مەكتەبىنىڭ وقۋشىسى ارنا تالعاتقىزى, گلۋبوكوە اۋدانى بەلۋسوۆكا اۋىلى №1 ورتا مەكتەپ وقۋشىلارى اقەركە بەيسەنبەكوۆا, ەركەجان ورالعازينا توپ جارىپ, جەڭىمپاز اتاندى.
شىعىس قازاقستان وبلىستىق «حاليفا التاي» مەشىتىندە وتكەن جۇلدەگەرلەردى ماراپاتتاۋ شاراسىندا قمدب وسكەمەن ايماعىنىڭ وكىل يمامى ەرمەك قاسبولات ۇلى «جەڭىمپاز وقۋشىلار وزدەرىنىڭ تەرەڭ تانىمدىق بىلىمىمەن وزىپ شىعىپ, ۇلى دالانىڭ كيەلى ورىندارىن ارالاۋ مۇمكىندىگىنە يە بولىپ وتىر. «جاستار جىلىنىڭ» اياسىندا وسىناۋ رۋحاني ساپار جوباسىن ۇيىمداستىرىپ وتىرمىز» دەي كەلە, جۇلدەگەرلەرگە ساپار جولداماسىن تابىس ەتتى. جيىندا وقۋشىلاردىڭ اتا-انالارى وسىناۋ بايقاۋدىڭ ۇلكەن تانىمدىق شارا بولعاندىعىن اتاپ, وكىلدىككە العىستارىن ءبىلدىردى.
جۇلدەگەر وقۋشىلار توبىن كۇرشىم اۋدانى مارقاكول مەكتەبىنىڭ ۇستازى, بىلىكتى جاس مامان, تاريحشى نازەركە تىلەۋباەۆا باستاپ, الماتى-تاراز-شىمكەنت-تۇركىستان باعىتىنا ساپارعا اتتاندى.
جۇلدەگەرلەرگە «رۋحاني ساپاردىڭ» بارلىق شىعىندارىنا وكىلدىك تاراپىنان دەمۋشىلىك جاسالدى. وقۋشىلار 1 اپتا بويى كيەلى جەرلەردى ارالاپ قايتادى دەپ جوسپارلانىپ وتىر.
ازامات قاسىم,
«Egemen Qazaqstan»
وسكەمەن
