«وتكەن جىلدىڭ قورىتىندىسى بويىنشا ونەركاسىپتىڭ ءوسۋ قارقىنى جوعارى بولىپ, 4,1%-دى قۇرادى. 1,1 ترلن تەڭگە ينۆەستيتسيا تارتىلدى. 13 مىڭنان استام جاڭا جۇمىس ورنى اشىلدى», — دەگەن اسقار مامين بىرقاتار ماسەلەگە كوڭىل اۋدارۋ قاجەتتىگىن ايتتى.
ءبىرىنشى. ماشينا جاساۋ يندۋستريالاندىرۋ درايۆەرلەرىنىڭ ءبىرى بولۋى ءتيىس.
«كولىك ونەركاسىبى مەن اۋىل شارۋاشىلىعى ماشينالارىن جاساۋعا باسا نازار اۋدارۋ قاجەت, مۇندا وندىرىستىك كووپەراتسيانىڭ ارقاسىندا ەلەۋلى ءوسىم كۇتىلەدى», — دەپ تاپسىردى ا. مامين.
مۇناي-گاز ماشيناسىن جاساۋ سالاسى ەكونوميكانىڭ وسۋىنە جاڭادان سەرپىن بەرە الاتىن سالالاردىڭ ءبىرى ەكەنى اتالىپ ءوتتى. وسى رەتتە, پرەمەر-ءمينيستردىڭ ايتۋىنشا, تەڭىز, قاشاعان جانە قاراشىعاناق كەن ورىندارىنداعى ءىرى مۇناي-گاز جوبالارىنىڭ ۇلعايۋىنىڭ ەسكەرىپ, بۇل سەكتوردىڭ ودان ءارى وسۋىنە ۇلكەن الەۋەتى بار ەكەنىن اتاپ وتكەن ءجون.
«مۇناي-گاز ماشيناسىن جاساۋ سالاسى ءۇشىنشى يندۋستريالىق-يننوۆاتسيالىق دامۋ باعدارلاماسىنىڭ باسىم باعىتتارىنىڭ بىرىنە اينالۋى قاجەت», — دەدى پرەمەر-مينيستر.
ەكىنشى. مەتاللۋرگيا ونەركاسىبىندە, اسىرەسە قارا مەتاللۋرگيا سەگمەنتىندە 4,7% دەڭگەيىندە تۇراقتى ءوسىمدى قامتاماسىز ەتۋ قاجەت. ا. مامين ارسەلور ميتتال تەمىرتاۋدىڭ ءوسۋ قارقىنىنىڭ وڭ بولعانى ماڭىزدى ەكەنىن اتاپ ءوتتى.
ءۇشىنشى. اسقار مامين شيكىزاتتىق ەمەس ەكسپورت ماسەلەلەرىنە ەرەكشە كوڭىل ءبولۋدى تاپسىردى. بۇل باعىتتى قولداۋ ءۇشىن 500 ملرد تەڭگە مولشەرىندە قاراجات كوزدەلگەن.
«وسىنىڭ ارقاسىندا كاسىپورىنداردىڭ ەكسپورتتىق الەۋەتىن جوعارىلاتىپ قانا قويماي, جالپى ەكونوميكالىق وسىمگە قوماقتى ۇلەس قوسىلادى», — دەدى پرەمەر-مينيستر.
ءتورتىنشى. «قاراپايىم زاتتار ەكونوميكاسىن» دامىتۋ قاجەت. بۇل ماقساتقا قر پرەزيدەنتىنىڭ تاپسىرماسىمەن 600 ملرد تەڭگە مولشەرىندە قاراجات قاراستىرىلعان.
«وڭدەۋشى ونەركاسىپتىڭ باسىم سەكتورلارىن جانە جوبالارىن انىقتادىق. سوندىقتان دا ناقتى ناتيجەلەرگە جەتۋ كەرەك. بۇل يمپورتتى الماستىرۋعا, حالىقتى ءونىمدى جۇمىسپەن قامتۋعا قوسىمشا سەرپىن بەرەدى. وسى باعىتتاردى دامىتۋ ماقساتىندا قارقىندى جۇمىس ۇيىمداستىرىلادى», — دەگەن پرەمەر-مينيستر جاڭا يندۋستريالاندىرۋ – قازىرگى زامان مىندەتتەرىنە ساي كەلۋى كەرەك ەكەنىن ايتتى.
