شاراينا
سارسەنبى, 17 قازان 2012 7:27
سالىقتى ۇلعايتۋعا نارازىلار كوپ
پورتۋگاليادا قارجى-ەكونوميكالىق داعدارىسقا بايلانىستى تىعىرىقتانشىعۋدىڭ تۇرلى جولدارى قاراستىرىلىپ جاتىر. سوعان قاراماستان, ەلرەتسەسسيادان شىعا الار ەمەس. ماسەلەن, قيىندىقتان قۇتىلۋدىڭ بىرجولى رەتىندە ەل ۇكىمەتى سالىقتى ۇلعايتۋعا شەشىم قابىلداعان بولاتىن.
سارسەنبى, 17 قازان 2012 7:27
سالىقتى ۇلعايتۋعا نارازىلار كوپ
پورتۋگاليادا قارجى-ەكونوميكالىق داعدارىسقا بايلانىستى تىعىرىقتانشىعۋدىڭ تۇرلى جولدارى قاراستىرىلىپ جاتىر. سوعان قاراماستان, ەلرەتسەسسيادان شىعا الار ەمەس. ماسەلەن, قيىندىقتان قۇتىلۋدىڭ بىرجولى رەتىندە ەل ۇكىمەتى سالىقتى ۇلعايتۋعا شەشىم قابىلداعان بولاتىن.
پورتۋگاليا حالقى ۇكىمەتتىڭ بۇل قادامىنا نارازىلىق رەتىندە جاپپاي ەرەۋىلگە شىقتى. ولار سالىقتىڭ ۇلعايتىلۋىنا ءۇزىلدى-كەسىلدى قارسىلىق تانىتىپ وتىر. ال بۇل شارا بيۋدجەتتىڭ 5 پايىزدىق تاپشىلىعىن بولدىرماۋ ءۇشىن قابىلدانۋى ءتيىس. وسى ارالىقتا ەلگە قارجىلاي كومەك كورسەتۋشى ۇيىمدار داعدارىستىڭ قامىتىن كيگەن باسقا مەملەكەتتەردى ليسسابوننان ۇلگى الۋعا شاقىردى.
ءبىر كۇندە 15 جارىلىس جاسالدى
نيگەريانىڭ مايدۋگۋري قالاسىندا بىر كۇندە كەم دەگەندە 15 جارىلىسجاسالدى. بۇل تۋرالى «اسسوشەيتەد پرەسس» اگەنتتىگى حابارلادى. جارىلىستاردى راديكالدى يسلامدىق «بوكو حارام» سەكتاسى ۇيىمداستىرعان. ال رەسمي بيلىك قالاداعى ناقتى جاعدايعا تۇسىنىك بەرە قويعانجوق.
مايدۋگۋري – نيگەريانىڭ سولتۇستىك-شىعىس بولىگىندە ورنالاسقان قالا. ول سوڭعى كۇندەرى وقتىن-وقتىن اتالعان سەكتانىڭ شابۋىلىنا ۇشىرادى. اۋەلدە قارۋلى جاساقتار لاڭكەستىك ارەكەتتەر ۇيىمداستىرۋمەن عانا اينالىسسا, بۇرناعى جىلدان بەرى قاراي ەلدىڭ پوليتسياسىمەن جانە ارمياسىمەن بەلسەندى قارۋلى قاقتىعىستارعا كوشكەن بولاتىن. جىل باسىنان بەرى «بوكو حارام» جاساقتارى شامامەن 700-دەي ادام ءولتىردى دەگەن دەرەك بار.
ۇمىتكەرلەر الدىندا شەشۋشى دەبات
اقش پرەزيدەنتتىگىنەن ۇمىتكەرلەر – قازىرگى دەموكرات پرەزيدەنت باراكوباما مەن رەسپۋبليكاشىل ميتت رومني سايلاۋ الدىنداعى ەكىنشى – شەشۋشى دەباتقا شىعادى. العاشقىسىندا ءسال عانا باسىمدىقپەن رەسپۋبليكاشىل كانديدات جەڭىسكە جەتكەن بولاتىن.
ساراپشىلار بۇل جولى ب.وباما قالايدا قارىمتا قايتارۋى ءتيىس دەپ ەسەپتەيدى. ويتپەگەن كۇندە ونىڭ جاعدايى تىم قيىنداي تۇسپەك. ال پىكىرتالاس تاقىرىبى وتكەن جولعىداي سالىق, قاۋىپسىزدىك ماسەلەلەرى بولادى دەپ كۇتىلۋدە. جالپى, العاشقى تەلەدەباتتاعى جەڭىلىسىنە قاراماستان, قازىرگى پرەزيدەنت سايلاۋ الدىنداعى ناۋقاندا ءوزىنىڭ وپپونەنتىنەن ازداپ بولسا دا الدا كەلەدى.
تابىستى وتكەن زىمىران سىناعى
رەسەيدىڭ اسكەري-عارىش قورعانىسى اسكەرلەرى قازاقستانداعى سارىشاعان پوليگونىندا ارەكەت ەتۋ راديۋسى شاعىن زىمىراندى سىناقتان تابىستى وتكىزدى. بۇل جونىندە رەسەي قورعانىس مينيسترلىگىنىڭ رەسمي وكىلى, پولكوۆنيك الەكسەي زولوتۋحينگە سىلتەمە جاساعان رەسەيدىڭ «جاڭالىقتار» اقپارات اگەنتتىگى حابارلادى.
ا.ءزولوتۋحيننىڭ سوزىنە قاراعاندا, سىناق ماقساتى رەسەيدىڭ زىمىرانعا قارسى قورعانىس جۇيەلەرىنىڭ تاكتيكالىق-تەحنيكالىق سيپاتتامالارىن ناقتىلاۋ بولعان. بىراق قورعانىس مينيسترلىگىنىڭ وكىلى بۇل جەردە اڭگىمە ناقتى قانداي زىمىران تۋرالى بولىپ وتىرعانىن تۇسىندىرمەگەن. ال وتكەن جىلدىڭ جەلتوقسانىندا اتالعان پوليگوندا 53ت6 زىمىرانى سىناقتان وتكىزىلگەن بولاتىن.
اتىن شىعارعاندارعا سىيلىق تيەسىلى
تۇركىمەنستاندا ونەر قايراتكەرلەرى اراسىنداعى كونكۋرستىڭ قورىتىندىسى شىعارىلدى. «تۇركىمەنستان حرونيكاسى» باسىلىمىنىڭ اقپاراتتارىنا قاراعاندا, بايقاۋ وتاندى ارداقتاۋعا ارنالىپتى. الايدا, ءىس جۇزىندەگى شەشۋشى تاقىرىپ پرەزيدەنت گۋربانگۋلى بەردىمۇحامەدوۆتى ماقتاپ, ماداقتاپ, اتىن شىعارۋ بولسا كەرەك.
بايقاۋعا نەگىزىنەن كوركەمونەرپازدار شىعارماشىلىق ۇجىمدارى قاتىسقان. كونكۋرس جەڭىمپازدارىنا اقش دوللارىمەن اقشالاي سىيلىقتار تاپسىرىلعان. گ.بەردىمۇحامەدوۆتىڭ بيلىك باسىنا ءتۇركىمەنباشى ساپارمۇرات نيازوۆ قايتىس بولعان 2007 جىلى كەلگەنىن ايتا كەتەيىك. سول ۋاقىتتان بەرى ەلدە بۇرىنعى باسشى سەكىلدى قازىرگى پرەزيدەنتتى دە اسىرا ماداقتاۋعا باسا ءمان بەرىلىپ كەلەدى.
ءوزىن كىناسىزبىن دەپ كورسەتپەكشى
سەرب رەسپۋبليكاسىنىڭ بۇرىنعى پرەزيدەنتى رادوۆان كارادجيچ ءوزىن سوعىستىڭ الدىن الۋعا كۇش-جىگەر جۇمساعانى ءۇشىن ىنتالاندىرۋ قاجەت دەگەن پىكىر ءبىلدىردى. وسىلايشا ول حالىقارالىق تريبۋنال الدىندا ءوزىنىڭ كىناسىزدىگىن دالەلدەمەك سەكىلدى. «مەنى ايىپتاۋ ەمەس, جاساعان جاقسى ىستەرىم ءۇشىن ىنتالاندىرۋ قاجەت», دەيدى ول.
سونداي-اق ول سوعىس قۇرباندارى جاريالانعاننان 3-4 ەسە از ەكەنىن كولدەنەڭ تارتادى. جانە دە ۋاقىتى كەلگەندە اقيقات سالتانات قۇراتىنىنان دا دامەلى. شىندىعىندا, 1992-1995 جىلدار ارالىعىنداعى بوسنيا سوعىسىنداعى قانقۇيلى ارەكەتتەرى ءۇشىن وعان ادامزاتقا قارسى گەنوتسيد ۇيىمداستىردى دەگەن ايىپ تاعىلعان بولاتىن. ر.كارادجيچ 2008 جىلى تۇتقىندالىپ, حالىقارالىق سوتتىڭ قاراۋىنا بەرىلگەن ەدى.
قىسقا قايىرىپ ايتقاندا:
رەسەي پرەمەر-ءمينيسترى دميتري مەدۆەدەۆ رەسەيدەگى شىلىم شەگۋگە قارسى باستاماعا ارنالعان بەينەروليككە ءتۇستى. ول ۇكىمەت باسشىسىنىڭ بلوگىندا جاريالاندى. ەلدە شىلىم شەگۋدەن جىل سايىن شامامەن 400 مىڭ ادام كوز جۇمادى ەكەن.
اقش اسكەري-تەڭىز كۇشتەرىنىڭ «سان-حاسينتو» دەپ اتالاتىن كرەيسەرى مەن «مونپولە» اتوم سۇڭگۋىر قايىعى ەلدىڭ شىعىس جاعالاۋلارىنداعى جاتتىعۋلار كەزىندە سوقتىعىسىپ قالعان. وقيعا سالدارىنان زارداپ شەككەندەر جوق. تەحنيكالارعا ايتارلىقتاي زيان كەلگەن.
Forbes جۋرنالى رەسەيدىڭ ەكس-قورعانىس ءمينيسترى پاۆەل گراچەۆتىڭ سوڭعى سۇحباتىن جاريالادى. وندا ەكس-مينيستر سول كەزدەگى پرەزيدەنت بوريس ەلتسيننىڭ ۇسىنىسىمەن كورجاكوۆ, كوزىرەۆ ءتورتەۋى ءبىر-بىرىنە ادالدىق انتىن قاندارىمەن بەرگەنىن مالىمدەپتى.
ينتەرنەت ماتەريالدارى نەگىزىندە ازىرلەندى.
