«ۇكىمەت بيۋدجەتتى تەك مەملەكەتىمىزدىڭ دامۋىنا جانە قاۋىپسىزدىك ماقساتتارىنا قايتا بەيىمدەۋگە ءتيىس. باستى حالىقارالىق فورۋمدار وتكىزىلدى. ولاردىڭ پايداسى زور بولدى. اسىرەسە, ەكسپو-نى ەرەكشە اتاپ وتكەن ءجون. بۇل – جاھاندىق دەڭگەيدەگى ءىس-شارا. بىراق قازىر ورتالىقتا جانە جەرگىلىكتى جەرلەردە وتكىزىلەتىن يميدجدىك ءىس-شارالاردى كۇرت ازايتۋ كەرەك» دەدى ق.توقاەۆ.
مەملەكەت باسشىسى ۇكىمەتكە, اكىمدەرگە وسىنداي تاپسىرما جۇكتەگەنىن ايتىپ, ىسىراپشىلىققا مەملەكەت دەڭگەيىندە توسقاۋىل قويۋ قاجەتتىگىن اتاپ كورسەتتى.
«قازاقستاننىڭ ەكونوميكالىق جانە الەۋمەتتىك دامۋىنىڭ ماڭىزدى فاكتورلارى – دەنى ساۋ ۇلت, دەنساۋلىق ساقتاۋ سالاسىن دامىتۋ جانە سالاماتتى ءومىر سالتىن قالىپتاستىرۋ. مەملەكەتتىك شىعىستاردىڭ باستى مىندەتى – قاراپايىم ادامداردىڭ ماسەلەلەرىن شەشۋ. تۇرعىندارىمىزعا تازا اۋىز سۋ, باسپانا, جۇمىس ورىندارى, جايلى ءومىر ءۇشىن ينفراقۇرىلىم قاجەت», دەدى ق.توقاەۆ.
پرەزيدەنت وسى مىندەتتەردىڭ وڭتايلى شەشىلۋى ءۇشىن بىرقاتار شارالار اتقارىلاتىنىن ايتا كەلە, «مينيسترلەر مەن اكىمدەردىڭ جۇمىسىن ناقتى پروبلەمالاردى شەشۋ ناتيجەلەرى بويىنشا باعالايمىن» دەدى.
