تۇرعىندار جاپپاي سەرۋەنگە شىعىپ, ناۋرىز الاڭىنداعى مەرەكەلىك ءىس-شاراعا شىمكەنت قالاسىنىڭ اكىمى ع.ءابدىراحىموۆ, شىمكەنت قالاسى ءماسليحاتىنىڭ دەپۋتاتتارى مەن ەل اعالارى, تۇرعىندار قاتىستى.
ناۋرىز الاڭىندا كيىز ۇيلەر تىگىلىپ, التىباقاندار ورناتىلدى. مەرەكەلىك ءىس-شارادا بايگە, قىز قۋ سياقتى قازاقتىڭ ۇلتتىق سپورتتىق ويىندارىمەن سايىستار ءوتتى.
بارشا جۇرتشىلىقتى ۇلىستىڭ ۇلى كۇنىمەن قۇتتىقتاعان قالا اكىمى عابيدوللا ءابدىراحىموۆ ناۋرىز - ەجەلدەن جاڭا مەن جاقسىنىڭ, مەيىرىم مەن شاپاعاتتىڭ, ادەپ پەن يماندىلىقتىڭ باستاۋى ەكەنىن ايتتى. ساحنادا تەاترلاندىرىلعان حورەوگرافيالىق قويىلىم مەن مەرەكەلىك كونتسەرتتىك باعدارلاما ۇيىمداستىرىلدى.
ال كەشكە قاراي گالا-كونتسەرت ۇيىمداستىرىلىپ, قازاقستاننىڭ ەسترادا جۇلدىزدارى قىدىرالى بولمانوۆ پەن قاراقات ءابىلدينا جانە سەرىك يبراگيموۆ اننەن شاشۋ شاشتى.
