شاراينا
جۇما, 5 قازان 2012 6:55
تۇرىكتەردىڭ اشۋى قاتتى
4 قازانعا قاراعان تۇنى تۇرىك ارتيللەرياسى سيريا ۇكىمەتى اسكەرلەرىنىڭشەپتەرىنە سوققى بەرۋىن جالعاستىرعان. سيريالىق قۇقىق قورعاۋشىلارجاڭا اتقىلاۋ سالدارىنان جەرگىلىكتى اسكەري قىزمەتشىلەر قازا تاپقانىنجاريا ەتتى. الايدا, وپات بولعانداردىڭ ناقتى سانى بەلگىسىز.
جۇما, 5 قازان 2012 6:55
تۇرىكتەردىڭ اشۋى قاتتى
4 قازانعا قاراعان تۇنى تۇرىك ارتيللەرياسى سيريا ۇكىمەتى اسكەرلەرىنىڭشەپتەرىنە سوققى بەرۋىن جالعاستىرعان. سيريالىق قۇقىق قورعاۋشىلارجاڭا اتقىلاۋ سالدارىنان جەرگىلىكتى اسكەري قىزمەتشىلەر قازا تاپقانىنجاريا ەتتى. الايدا, وپات بولعانداردىڭ ناقتى سانى بەلگىسىز.
تۇنگى اتقىلاۋ تۇرىك ارتيللەرياشىلارىنىڭ سوڭعى تاۋلىكتەگى ەكىنشى وپەراتسياسى بولىپ تابىلادى. قازاننىڭ 3-ءى كۇنى كەشكىسىن العاش سوققى جاسالعان ەدى. شەكارا ماڭىندا ورنالاسقان اكچاكالا قالاسىنىڭ 5 بەيبىت تۇرعىنى كوز جۇمدى دەگەن مالىمەت بار. تۇركيا ۇكىمەتى بولسا, ەل پارلامەنتىنە شەكارادان تىس جەردە قارۋ قولدانۋعا رۇقسات سۇراپ قايىرىلدى.
وباما 5-6 پايىز الدا كەلەدى
اقش-تا پرەزيدەنتتىكتەن ۇمىتكەرلەر – قازىرگى مەملەكەت باسشىسى, دەموكراتباراك وباما مەن رەسپۋبليكاشىل ميتت رومنيدىڭ اراسىندا سايلاۋالدىتەلەدەبات وتتى. كەيبىر دەرەك كوزدەرى سۇراۋ سالىنعانداردىڭ 67 پايىزىءوز داۋىستارىن رومنيگە بەرسە, وباما ودان ايتارلىقتاي از داۋىسالعانىن ايتىپ وتىر.
رەسپوندەنتتەردىڭ 61 پايىزى وباما كەزدەسۋدە كۇتكەندەگىدەن ناشار سويلەدى دەسە, 82 پايىزى رومني ءوزىن كۇتكەندەگىدەن جاقسى كورسەتتى دەگەن پىكىردە كورىنەدى. دەباتقا بايلانىستى وتكەن تەلەفون ارقىلى سۇراۋ سالۋلارعا 430 رەسپوندەنت قاتىسقان. دەي تۇرعانمەن, وباما ءوزىنىڭ قارسىلاسىنان ءالى دە بولسا 5-6 پايىز الدا كەلەدى ەكەن.
ەۋروپا ۇسىنىمىن قابىلدامادى
رەسەي ەۋروپا كەڭەسى پارلامەنتتىك اسسامبلەياسىنىڭ قارارىنداكورسەتىلگەن ۇسىنىمدامالاردى ورىندامايدى. مۇنداي مالىمدەمەنى رەسەي پرەزيدەنتى ۆلاديمير ءپۋتيننىڭ ءباسپاسوز حاتشىسى دميتري پەسكوۆ جاسادى. قاراردا كورسەتىلگەن ۇسىنىمدامالار مۇلدەم ورىنسىز, سوندىقتان وعان قۇلاق اسپايتىن بولامىز, دەپ اتاپ كورسەتتى ول.
ەكپا دايىنداعان قۇجاتتا ميحايل حودوركوۆسكيگە قاتىستى ۇكىم سىنعا الىنعان بولاتىن. ياعني, سوت شەشىمدەرىنە بۇرىنعىسىنشا ساياسي قىسىم كورسەتىلىپ وتىرعانى ايتىلعان ەكەن. بۇعان قوسا, ەۋروپالىقتار سوڭعى ايلاردا رەسەي زاڭنامالارى قاتاڭداتىلا تۇسكەنىنە نازار اۋدارىپتى. وسىعان وراي, ەكپا رەسەيگە بىرقاتار اقىل-كەڭەس ايتسا كەرەك.
رەسەي جانسىزدارى جاريا ەتىلدى
امەريكالىقتار ماسكەۋگە رەسەيدىڭ پايداسىنا جۇمىس ىستەگەن 13 شپيوننىڭ ۇستالعانى تۋرالى حابارلاعان. ۇستالعانداردىڭ كوپشىلىگى بۇرىنعى كسرو-دان شىققاندار ەكەن. ارالارىندا امەريكالىقتار دا بار كورىنەدى. بۇل جونىندە رەسەيدىڭ سىرتقى ىستەر ءمينيسترى سەرگەي لاۆروۆ جاريا ەتتى.
ءبىز نە بولعانىن انىقتاۋعا ۇمتىلۋدامىز. قاماۋعا الىنعانداردىڭ ىشىندە شىن مانىندە رەسەي ازاماتتارى بار-جوعىن دا ءبىلۋ ماڭىزدى, دەيدى وقيعاعا بايلانىستى س.لاۆروۆ. كۇدىكتىلەر رەسەيگە زاڭسىز تۇردە اسكەري تەحنولوگيالار ەكسپورتىن جۇزەگە اسىرعان سىڭايلى. 2002 جىلدان قازىرگى كەزگە دەيىنگى ارالىقتاعى ەكسپورتتالعان ءونىمنىڭ جالپى سوماسى شامامەن 50 ملن. دوللاردى قۇرايدى ەكەن.
جۇمىس ورنىندا ىشىمدىك ىشكەن
لاتۆيا سەيمىنىڭ (پارلامەنت) ماندات, ەتيكا جانە ءمالىمدەمە بويىنشا كوميسسياسى «كەلىسىم ورتالىعى» وپپوزيتسيالىق پارتياسىنان دەپۋتات نيكولاي كابانوۆقا قاتىستى ەتيكالىق كودەكستى بۇزۋ تۋرالى ءىس بويىنشا ماسەلە كوتەردى. دەپۋتاتتىڭ ارىپتەستەرىنىڭ سەندىرۋىنشە, ول كوميتەت وتىرىسىنا ماس بولىپ قاتىسقان.
ن.كابانوۆقا قاتىستى تەرگەۋ «ءبارى دە لاتۆيا ءۇشىن!» بلوگىنىڭ دەپۋتاتتارى تۇسىرگەن شاعىم نەگىزىندە باستالعان. ولاردىڭ سوزدەرىنە قاراعاندا, كابانوۆ, قىزىپ العاندىقتان, كوميسسيانىڭ تولىققاندى جۇمىسىنا كەدەرگى كەلتىرسە, ونىڭ ءىس-ارەكەتى دەپۋتات وبرازىنا قاراما-قايشى شىققان. كوميسسيانىڭ كەلەسى وتىرىسىندا دەپۋتاتتىڭ ەتيكاسىنا بايلانىستى ماسەلە قارالماقشى ەكەن. كابانوۆتىڭ ءوزى بولسا, تاعىلعان بارلىق ايىپتى جوققا شىعارىپ وتىرعان كورىنەدى.
بيلىك وڭايلىقپەن كەلمەيدى
بىشكەكتە وپپوزيتسيالىق «اتا جۇرت» پارتياسىنىڭ سەركەسى, قىرعىز پارلامەنتىنىڭ دەپۋتاتى قامشىبەك تاشيەۆ قاماۋعا الىنعان. ول 48 ساعاتقا وقشاۋلاعىشقا قامالىپ, بيلىكتى كۇشتەپ باسىپ الماقشى بولدى دەگەن كۇدىك كەلتىرىلگەن.
ق.تاشيەۆ 3 قازان كۇنى ۇيىمداستىرىلعان ميتينگتەن كەيىن تۇتقىندالسا كەرەك. وپپوزيتسيا ۇيىمداستىرعان اكتسياعا قاتىسۋشىلار قىرعىز پارلامەنتىنىڭ عيماراتىنا باسا-كوكتەپ كىرۋگە ارەكەت جاساعان. جينالعاندار قورشاۋدان ءوتىپ, عيماراتتى كۇزەتەتىن ميليتسيونەرلەرگە تاس لاقتىرعان. قورىتىندىسىندا ارنايى جاساق ميتينگكە قاتىسۋشىلاردى قۋىپ تاراتقان. زارداپ شەككەندەر دە بار دەلىنىپ وتىر.
قىسقا قايىرىپ ايتقاندا:
جاقىندا حانتى-مانسيدەگى «ينۆەست-ويل» كومپانياسىنىڭ زاۋىتىندا ءورت بولعانى ءمالىم. ءتىلسىز جاۋدان كوز جۇمعاندار سانى بۇگىندە 9 ادامعا جەتىپ وتىر. وقيعاعا وراي, اتالعان كومپانيانىڭ باس ديرەكتورى الەكسەي كارتاشەۆ قاماۋعا الىنىپتى.
رەسەي پرەزيدەنتى جانىنداعى ۇلتارالىق قارىم-قاتىناس ءجونىندەگى جۇمىس توبى ۇلتارالىق كەلىسىم ستراتەگياسىن جاسادى. اتالعان كەڭەس ۇستىمىزدەگى جىلدىڭ ماۋسىمىندا رەسەي پرەزيدەنتى ۆ.ءپۋتيننىڭ جارلىعىمەن قۇرىلعان-تىن. كەڭەستى پرەزيدەنتتىڭ ءوزى باسقارادى.
2011 جىلدىڭ 24 قاڭتارىندا بولعان «دومودەدوۆو» اۋەجايىنداعى لاڭكەستىك سالدارىنان زارداپ شەككەن يليا بەلوۆ مورالدىق زيانىنىڭ وتەماقىسى رەتىندە اۋەجاي اكىمشىلىگىنەن 5 ملن. رۋبل تالاپ ەتتى. ونىڭ ايتۋىنشا, اۋەجايعا كىرەبەرىستە ونى ەشكىم تەكسەرمەك تۇگىلى, ءتىپتى توقتاتپاپتى دا.
ينتەرنەت ماتەريالدارى نەگىزىندە ازىرلەندى.
