اسسامبلەيا الاڭدارىنداعى ءىس-شارالار اۋقىمى كەڭ
سەيسەنبى, 2 قازان 2012 6:40
قازاقستان رەسپۋبليكاسىنىڭ دەلەگاتسياسى نيۋ-يوركتە ءوتىپ جاتقان بۇۇ باس اسسامبلەياسىنىڭ 67-ءشى سەسسياسىنىڭ ءىس-شارالارىنا قاتىسۋىن جالعاستىرۋدا.
سەيسەنبى, 2 قازان 2012 6:40
قازاقستان رەسپۋبليكاسىنىڭ دەلەگاتسياسى نيۋ-يوركتە ءوتىپ جاتقان بۇۇ باس اسسامبلەياسىنىڭ 67-ءشى سەسسياسىنىڭ ءىس-شارالارىنا قاتىسۋىن جالعاستىرۋدا.
سىرتقى ىستەر ءمينيسترىنىڭ ورىنباسارى قايرات وماروۆ تەڭىزگە شىعار جولى جوق دامۋشى ەلدەر توپتارىنىڭ 11-ءشى مينيسترلىك كەزدەسۋىندە ءسوز سويلەدى. 2003 جىلى قابىلدانعان الماتى ءىس-شارا باعدارلاماسىن ىسكە اسىرۋ جۇمىسىندا ايتارلىقتاي ىلگەرىلەۋشىلىك بار ەكەنى قاناعاتپەن اتاپ ءوتىلدى. تەڭىزگە شىعار جولى جوق ەلدەردىڭ مۇددەلەرىن شىنىمەن قورعايتىن, زاڭدى تۇردە مىندەتتەيتىن جاھاندىق جانە ايماقتىق قۇرالداردى جاساپ شىعارۋ مەن قابىلداۋ قاجەتتىگى اتاپ كورسەتىلدى.
قازاقستاندىق ۆيتسە-مينيستر سونداي-اق ءوز سوزىندە قازاقستان اۆتوموبيل جانە تەمىرجول كولىكتەرىن جاڭعىرتۋ, كولىك سالاسىنداعى قۇجات اينالىمىن اۆتوماتتاندىرۋ جونىندە شارالار قابىلداپ جاتقانىن اتاپ ءوتتى. ەلىمىزدىڭ ەۋرازيالىق كولىك ينفراقۇرىلىمىن دامىتۋعا جانە, سايكەسىنشە, تەڭىزگە شىعار جولى جوق ايماق ەلدەرىنىڭ ترانزيتتىك-كولىكتىك, سونىمەن قاتار, ساۋدا-ەكسپورتتىق الەۋەتىن دامىتۋعا بارىنشا ۇلەس قوسۋعا نيەتتى ەكەنى دە ايتىلدى.
بۇۇ باس حاتشىسىنىڭ باستاماسىمەن ۇيىمداستىرىلعان تاعام سالاسىنداعى قىزمەت اۋقىمىن كەڭەيتۋ جونىندەگى جوعارى دەڭگەيدەگى كەزدەسۋدە اشارشىلىقپەن كۇرەس جانە ازىق-ت ۇلىك قاۋىپسىزدىگىن قامتاماسىز ەتۋ ماسەلەلەرى قاراستىرىلدى. قازاقستاندىق دەلەگاتسيا وكىلىنىڭ سويلەگەن سوزىندە ەل ۇكىمەتىنىڭ حالىقتىڭ ءومىر ءسۇرۋ ساپاسىن ارتتىرۋعا, ازىق-ت ۇلىك قاۋىپسىزدىگىن قامتاماسىز ەتۋگە, اگرارلىق سەكتوردى دامىتۋعا, «سالاماتتى قازاقستان» دەنساۋلىق ساقتاۋ باعدارلاماسىن جۇزەگە اسىرۋعا سالىپ وتىرعان كۇش-ءجىگەرى اتالدى. بيداي جانە ۇن ونىمدەرىن ءوندىرۋ مەن ەكسپورتتاۋ بويىنشا الەمنىڭ الدىڭعى قاتارلى ەلى بولىپ سانالاتىن قازاقستاننىڭ جاھاندىق ازىق-ت ۇلىك قاۋىپسىزدىگىن قامتاماسىز ەتۋگە ءوز ۇلەسىن قوسۋعا اتسالىسىپ كەلە جاتقانى اتاپ كورسەتىلدى.
باس اسسامبلەيا سەسسياسى الاڭدارىندا قازاقستاندىق دەلەگاتسيا بىرقاتار ەكىجاقتى كەزدەسۋلەر مەن كونسۋلتاتسيالار ءوتكىزىپ, وندا ىنتىماقتاستىقتىڭ وزەكتى ءماسەلەلەرى, سونىمەن قاتار, «ەكسپو – 2017» حالىقارالىق كورمەسىن وتكىزۋگە استانا كانديداتۋراسىن ىلگەرىلەتۋ بولاشاعى تالقىعا سالىندى. سونداي-اق, ەلىمىز دەلەگاتسياسى تۇركىتىلدەس مەملەكەتتەر ىنتىماقتاستىعى كەڭەسىنە, اقش سىرتقى ساياسات اسسوتسياتسياسى كوشباسشىلارىنىڭ فورۋمىنا قاتىستى.
«ەگەمەن-اقپارات».
