جۇپتىق باسەكەدە قىتاي سپورتشىلارى سۋي ۆەنتسزين مەن حان تسۋنگە تەڭ كەلەر ەشكىم تابىلمادى. 155,60 ۇپاي جيعان اسپاناستى ەلىنىڭ وكىلدەرى التىن تۇعىرعا كوتەرىلدى. كۇمىس مەدالدى ەۆگەنيا تاراسوۆا مەن ۆلاديمير موروزوۆ يەلەندى. رەسەيلىك جۇپ 147,26 ۇپايدى قورجىنعا سالدى. ۇزدىك ۇشتىكتىڭ فرانتسيالىق ۆانەسسا دجەيمس پەن مورگان سيپرە قورىتىندىلادى. ولار 146,52 ۇپايدى ەنشىلەدى.
ساناۋلى ساعاتتاردان كەيىن ايەلدەر اراسىندا جەكەلەگەن سايىستىڭ جەڭىمپازدارى مەن جۇلدەگەرلەرى انىقتالادى. ەستەرىڭىزگە سالا كەتەيىك, قىسقا باعدارلامادا قازاقستاننىڭ ءۇمىتى ەليزابەت تۇرسىنباەۆا 75,96 ۇپاي جيىپ, ءۇشىنشى ورىندى يەلەنگەن بولاتىن. ءبىرىنشى جانە ەكىنشى ساتىعا رەسەيلىك الينا زاگيتوۆا (82,08 ۇپاي) مەن كاوري ساكاموتو (76,86 ۇپاي) جايعاستى. قازىر ەركىن باعدارلاما بويىنشا باسەكەلەر وتەدى. سول جارىستا ءبىز قازاق قىزى ەليزابەتكە ساتتىلىك تىلەيمىز!
عالىم سۇلەيمەن,
«Egemen Qazaqstan»
