بۇل وبلىس ورتالىعىنداعى كەڭ ءارى ساۋلەتتى, ۇزىندىعى الدەنەشە شاقىرىمدى قۇرايتىن, قالانى قاق جارىپ وتەتىن ۇلكەن كوشە. جاعىمدى جاڭالىقتى جاندارى سۇيسىنە قارسى العان قالا تۇرعىندارىنىڭ وسى داڭعىل بويىندا تۇراتىن بولىگى ء«بىز ەندى نازارباەۆ داڭعىلىنىڭ تۇرعىندارىمىز!» دەپ كوكىرەكتەرىن قۋانىش وتى جىلىتىپ ءجۇر. ناۋرىز مەرەكەسى قارساڭىندا اتاۋى وزگەرگەن كوشەنىڭ بويىندا مەرەكە كۇنى قىزىلدى-جاسىلدى قىزىققا تولى شەرۋلەر ءوتىپ جاتىر. ەڭبەكتەگەن بالادان ەڭگەيگەن كارىگە دەيىن داڭعىلدىڭ بويىمەن ورتالىققا اسىققان جۇرت ماڭگىلىك ەلدىڭ مۇراتىن كوكىرەكتەرىنە قۇيىپ, ارماندارىنا وراپ, اسىعا باسىپ بارا جاتىر. ولاردىڭ ءبارى ۇلت مۇراتىن ۇلىقتاعان ۇلى تۇلعانىڭ ەڭبەگىن ەش ۋاقىتتا ۇمىتپايتىندارى انىق.
بايقال ءبايادىل,
«Egemen Qazaqstan»
كوكشەتاۋ قالاسى
