وبلىس ورتالىعىنداعى «ستاتۋس» ويىن-ساۋىقتىق كەشەنىنىڭ ديرەكتورى اسقار ءبىلالوۆ تالدىقورعان قالاسىنىڭ تۇرعىنى ينديرا قارابەكوۆاعا ءۇش بولمەلى پاتەر ساتىپ الىپ بەردى.
- قارابەكوۆتەر جانۇياسىن ءبىراز ۋاقىتتان بەرى بىلەمىن. بۇعان دەيىن ازىق-ت ۇلىك سەبەتتەرى تۇرىندە قايىرىمدىلىق كورسەتكەنبىز. ۇيلەرىنە كەلگەن سايىن لايىقتى ءومىر سۇرۋگە جاعداي جاسالماعانىن بايقايتىنمىن. سوندىقتان ناۋرىز مەرەكەسى قارساڭىندا وسىنداي سىيلىق جاساۋدى شەشتىك, - دەيدى كاسىپكەر.
سەگىز بالاسى بار ينديرا قارابەكوۆا بۇعان دەيىن ساياجايدان پاتەر جالداپ تۇرىپ كەلگەن. كاسىپكەر اسقار ءبىلالوۆ بۇل وتباسىنا ۇنەمى قول ۇشىپ بەرىپ جۇرەدى ەكەن. ال 3 بولمەلى ءۇيدىڭ كىلتىن سىيعا العانى كۇتپەگەن قۋانىش بولدى. كاسىپكەر ءپاتىردى تولىق جوندەپ, كەرەكتى جيھازدارىن دا ساتىپ الىپ بەرىپتى.
- ءبىزدىڭ جەكە ءۇيىمىز بولادى دەپ ارماندايتىنبىز. بىراق بۇل ارمانىمىز وسىنشاما جىلدام ورىندالادى دەپ ويلاماپپىن. اسقاردىڭ جاساعان جاقسىلىعى ءۇشىن العىس بىلدىرەمىن. بۇگىن ءبىزدىڭ ءومىرىمىز كۇرت وزگەردى, - دەيدى كوپبالالى انا ينديرا.
قالماحانبەت مۇقامەتقالي,
«Egemen Qazaqstan»
الماتى وبلىسى
