اقتوبەدەگى ابىلقايىر حان داڭعىلىنىڭ ءبىر بولىگىن نۇرسۇلتان نازارباەۆ كوشەسى دەپ اتاۋعا بايلانىستى وبلىستىق ءماسليحاتتا كەزەكتەن تىس سەسسيا ءوتتى.
«بۇگىن ءبىز تاريحي وقيعا - ەستە قالاتىن ءماسليحات سەسسياسىندا وتىرمىز. 19 ناۋرىز كۇنى نۇرسۇلتان نازارباەۆ اسا ماڭىزدى شەشىم قابىلداپ, وكىلەتتىلىگىن توقتاتتى. اقتوبەلىكتەر ەلباسىنىڭ ءار ءىسىن ۇلگى ەتىپ, پىكىر ءبىلدىرىپ جاتىر. قالا اكىمدىگىندە ونوماستيكالىق كوميسسيا بار. بۇگىن كوپتەگەن ۇسىنىستى قارادى. قالالىق ارداگەرلەر كەڭەسى, جاستار اراسىندا ۇسىنىستار بولدى. ۇسىنىس بويىنشا زاڭ اياسىندا بۇرىلىسى 30 گرادۋستان باستاپ دەربەس كوشە بەرىلەتىنى ەسكەرىلدى. سوعان سايكەس ابىلقايىر حان داڭعىلىنىڭ ءاليا مولداعۇلوۆا داڭعىلىنان بوكەنباي باتىر كوشەسىنە دەيىنگى اۋماعىن نۇرسۇلتان نازارباەۆ كوشەسى دەپ اتاۋ ۇسىنىسىنا قالالىق سەسسيادا وڭ شەشىم بەرىلدى», - دەدى قالا اكىمى ءىلياس يسپانوۆ.
اقتوبە وبلىستىق ءماسليحات دەپۋتاتتارى ۇسىنىستى ءبىراۋىزدان قولدادى.
