ماڭعىستاۋ وبلىستىق ءماسليحاتىنىڭ وتىرىسىندا دەپۋتاتتار وسىنداي شەشىم قابىلدادى.
اتالمىش ورتالىق داڭعىل 1-ءشى ىقشام اۋدانداعى اقبوتا ساياباعىنان باستاپ, 17-ءشى ىقشام اۋدانداعى «گرين پارك» تۇرعىن ءۇي كەشەنىنە دەيىن جالعاسىپ جاتىر.
قازاقستان رەسپۋبليكاسىنىڭ ۇكىمەتى جانىنداعى رەسپۋبليكالىق ونوماستيكا كوميسسياسىنىڭ 2019 جىلعى 20 ناۋرىزداعى قورىتىندىسى نەگىزىندە «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 11-بابىنىڭ 4-1) تارماقشاسىنا سايكەس قابىلدانعان شەشىم.
سەسسيادا ءسوز العان ءماسليحات دەپۋتاتى تابىلدى ءامىروۆ: «ەلباسىمىز قيىن-قىستاۋ كۇندەردە ءبىزدى تىعىرىقتان شىعارىپ, بۇكىل الەمگە قازاق ەلىن تانىتقان تۇلعا. ول ەڭبەگىن بۇكىل حالقىمىز مويىنداپ, العىسىن ايتۋدا. ءدال وسى ساتتە نۇرسۇلتان ءابىش ۇلىنا قانداي ماداقتاۋ ايتساق تا ارتىق ەمەس. ونىڭ ۇستىنە تاريحي وقيعا كۇنى ماجىلىستە ايتىلعان ۇسىنىستار ياعني استاناعا ەسىمىن بەرۋ, مونۋمەنت قويۋ, وبلىس ورتالىقتارىندا ۇلكەن كوشەلەر بەرىپ, ۇلىقتاۋ وتە دۇرىس. ول حالىقتىڭ ويىنان شىعىپ جاتىر. ءبىز دە بۇگىن ءبىر كىسىدەي جينالىپ, ۇلى شەشىم قابىلدادىق. ءبىز ءبىر بولىپ, ءوڭىر باسشىسىمەن بىرگە ەلباسىنىڭ باستاعان ءىسىن ءارى قاراي جالعاستىرۋعا ءازىرمىز. نۇرسۇلتان ءابىش ۇلىنىڭ دەنىنە ساۋلىق, وتباسىنا اماندىق تىلەيمىن»,-دەدى.
جيىن سوڭىندا وبلىس اكىمى ەرالى توعجانوۆ ماڭعىستاۋ تۇرعىندارىنا ورتالىق داڭعىلعا نۇرسۇلتان نازارباەۆ ەسىمىن بەرۋ تۋرالى شەشىم قابىلداعانى ءۇشىن العىسىن ءبىلدىردى.
