فوتو: alau.kz
قوستاناي قالالىق ءماسليحاتىنىڭ حاتشىسى باعىتبەك ساندىبەكوۆتىڭ مالىمدەمەسىنە سايكەس, دەپۋتاتتار پرەزيدەنت قاسىم-جومارت توقاەۆتىڭ قازاقستاننىڭ تۇڭعىش پرەزيدەنتى قۇرمەتىنە وبلىس ورتالىقتارىنىڭ باس كوشەلەرىن قايتا اتاۋ تۋرالى ۇسىنىسىن قولداۋ تۋرالى باستاما كوتەردى. بۇگىن قوستاناي قالالىق ءماسليحاتىنىڭ كەزەكتەن تىس سەسسياسىندا دەپۋتاتتار وبلىس ورتالىعىنداعى اباي داڭعىلىن نۇرسۇلتان نازارباەۆ داڭعىلىنا وزگەرتۋ جونىندەگى ۇسىنىستى ءبىراۋىزدان قولدادى. الەۋمەتتىك عىلىمدار دوكتورى, قوستاناي وبلىسىنىڭ قۇرمەتتى ازاماتى, جۋرناليستەر وداعىنىڭ وبلىستىق فيليالىنىڭ توراعاسى سەرگەي حارچەنكونىڭ ايتۋىنشا, نۇرسۇلتان نازارباەۆ - حالقىنىڭ الدىندا سىڭىرگەن ەڭبەگى ءۇشىن ەگەمەن قازاقستاننىڭ جىلناماسىنا كىرۋى قاجەت تاريحي تۇلعا.
«ول كەڭەس وداعى ىدىراعاننان كەيىن دە ەلدىڭ ەگەمەندگىن ساقتاي الدى, جاڭا ەكونوميكالىق ساياسات قۇرا باستادى, ءوندىرىستى دامىتۋعا باسا نازار اۋداردى. ويتكەنى مۇنداي قادامدار سول ۋاقىتتا قيىن بولاتىن, شىنى كەرەك, كوپشىلىگى جارقىن بولاشاققا سەنبەدى. ال ەلباسى بىزگە مۇنداي شاتتىقتى كۇندى سىيلادى. سوندىقتان دا ونىڭ ەسىمىن وبلىس ورتالىعىنداعى باس كوشەگە بەرگەن دۇرىس شەشىم», - دەدى س.حارچەنكو اگەنتتىك تىلشىسىنە. ايتا كەتەيىك, اباي كوشەسى قوستاناي قالاسىنداعى باسقا ءبىر كوشەگە اۋىستىرىلادى. ناقتى قايدا كوشىرىلەتىنى قارالۋدا.
