مەرەكەلىك داستارحانعا ۇلتتىق كيىممەن كەلگەن بالعىندار اۋدان اكىمىنىڭ ورىنباسارى جاننا اسقارقىزىنىڭ قۇتتىقتاۋىن تىڭدادى. «ناۋرىز مەرەكەسىنىڭ تاريحى تىم ارىدە. بۇل مەيرامنىڭ تاربيەلىك ءمانى وتە زور. مۇنداي مەرەكەلىك شارانى بۇدان بىلاي اۋدانىمىزدا ءداستۇرلى تۇردە, جىل سايىن ناۋرىز قارساڭىندا وتكىزىپ وتىراتىن بولامىز. بۇگىن وقۋشىلارىمىز قويىلىم كەيىپكەرلەرىمەن بىرگە ەرتەگىلەر الەمىنە ەنىپ, قازاق حالقىنىڭ سالت-ءداستۇرى مەن ادەت-عۇرپىمەن جان-جاقتى تانىسىپ, ناۋرىز مەرەكەسىنىڭ سيمۆولى – اسەم دە ادەمى گۇل – جاۋقازىن تۋرالى ماعلۇماتتار الدى», - دەيدى ج.اسقاروۆا.
شارا سوڭىندا ءار بالاعا ءتاتتى-دامدىلەر سالىنعان كۇلەك پەن سىيلىق تارتۋ ەتىلدى.
ازامات قاسىم,
«Egemen Qazaqstan»
شىعىس قازاقستان وبلىسى,
التاي اۋدانى
