نۇرسۇلتان نازارباەۆتىڭ پرەزيدەنتتىك وكىلەتتىگىن تاپسىرۋ تۋرالى مالىمدەمەسى – بيىلعى باستى ساياسي سەنساتسيا. مەملەكەت باسشىسىنىڭ مۇنداي شەشىمىن كۇتپەگەن قازاقستاندىقتاردىڭ جاعدايىن جاقسى تۇسىنەمىن. ويتكەنى كوپشىلىك نازارباەۆتىڭ پرەزيدەنتتىك بيلىگىن ادامزاتتىڭ مۇمكىنشىلىگى جەتپەيتىن بيىكتىك رەتىندە ەسەپتەيتىن ەدى.
الايدا نازارباەۆ ءوز جاعدايىنا ءوزى يە ەكەنىن كورسەتىپ, ساياساتتىڭ الىبى ەكەنىن دالەلدەدى. ول ەشقانداي قيىندىق تۋدىرماي, ورنىنان كەتتى. ەندى ءوز ەركىمەن بيلىكتەن كەتكەن سوڭ, قازاقستان باسشىسىنىڭ كەمەڭگەر بولعانىن تولىق سەنىممەن ايتا الامىز. الەمدە ونى سىناعاندار از بولعان جوق. بىراق نازارباەۆ قازاقستاندى قيىن كەزەڭنەن الىپ ءوتىپ, حالىقارالىق قوعامداستىق قۇرمەتتەپ, سىيلايتىن مەملەكەتكە اينالدىرىپ, وڭ ءيميدجىن قالىپتاستىردى. بۇل وراسان ەرلىك.
سوندىقتان ءوز باعاسىن بەرۋ قاجەت. نازارباەۆ كانىگى ساياساتكەر عانا ەمەس, كەمەڭگەر ادام ەكەنىن دە كورسەتتى. شىندىعىندا, بۇل ەڭ قيىن ماسەلە بولاتىن. اسىرەسە 30 جىل بويى ساياساتتا جۇرگەن تۇلعا ءۇشىن دە. بۇل جولى دا نازارباەۆ بيىكتەن كورىندى. ول قوعام كۇتكەن وزگەرىستى جاسايتىن ۋاقىتتى ءدال تابا ءبىلدى.
ءيا, كەي جاعىنان العاندا ول بوريس ەلتسيننىڭ ارەكەتىن قايتالادى دەۋگە بولار. بىراق ودان ايىرماشىلىعى نۇرسۇلتان ءابىش ۇلى شىنايىلىقتىڭ كەلبەتىن كورسەتە ءبىلدى. بۇل وتە دۇرىس قادام بولدى. ونىڭ ۇستىنە, ن.نازارباەۆ ءوزىنىڭ دەنساۋلىعى مىقتى ەكەنىنە قاراماستان, وسىنداي شەشىم قابىلدادى. قىسقاشا ايتقاندا, ول تاريحتا قالۋ ءۇشىن كەتتى دەۋگە بولادى. ۇلت كوشباسشىسى عانا ەمەس, قاۋىپسىزدىك كەڭەسىنىڭ باسشىسى رەتىندە قىزمەتىن جالعاستىرادى. وسى ورايدا, قازاقستان تاريحىندا ەسىمىن التىن ارىپپەن جازۋ ءۇشىن ورنىن بوساتتى.
ەندىگى جەردە نازارباەۆتىڭ جولى باسقاشا ءوربيدى. بۇل تاريحتىڭ وزگەرمەس دەرەگى. الايدا ءبىر نارسە انىق. تاۋەلسىز قازاقستاننىڭ اۋىر جۇگى ونىڭ موينىنان تۇسپەك ەمەس. ءوز كەزەگىندە ن.نازارباەۆ ەلباسى رەتىندە ۇزاق ءارى تابىستى جولىن جالعاستىرا بەرەدى.
وسموناكۋن يبرايموۆ,
پروفەسسور, قىرعىزستاننىڭ مەملەكەت جانە قوعام قايراتكەرى
