نۇرسۇلتان نازارباەۆ سانالى عۇمىرىن مەملەكەتتىلىكتى قالىپتاستىرۋعا ارناپ, حالقىن شۋاقتى كۇندەرگە جەتكىزدى. ەلىن شىڭعا شىعارىپ, ايماققا ءھام الەمگە تانىتتى. ول 1990 جىلداردان باستاپ ءار قادامى ارقىلى تۇركى رۋحىن اسقاقتاتۋعا باعىتتالعان جوسپارلاردىڭ ءدانىن سەۋىپ, بۇگىنگى تۇركى الەمىنىڭ ىنتىماعىنا قول جەتكىزگەن قايراتكەر. تاريحتى دا جازدى, ءوزى دە تاريح جاسادى. ەشكىمنىڭ الدىندا ەلدىڭ ەڭسەسىن تۇسىرگەن جوق. ەرلەردىڭ مايدانىنا ەر سياقتى شىقتى. ءسويتتى دە قاعانعا لايىق ءىس جاسادى. ول – ۇلى ادام! ول – دانا! ول – بىلگە! كەز كەلگەن ساتتە دۇرىس شەشىم قابىلدايدى. سول سەبەپتى, بىرنەشە اي بۇرىن قازاقستاندىقتار مەن كۇللى تۇركى الەمىنە ارناپ « ۇلى دالانىڭ جەتى قىرى» اتتى باعدارلامالىق ماقالاسىن جازىپ, تۇركى حالىقتارىنا ناسيحات ايتتى.
دانا قاعانىمىز بۇدان كەيىن دە تۇركى الەمىنىڭ بىرلىگى ءۇشىن ەڭبەك ەتەدى. نۇرسۇلتان نازارباەۆ كوك سۇڭقارلارىنىڭ بايراق ۇستاۋشىسى, ءتاڭىرى سۇيگەن, ءتاڭىرىن سۇيگەن تۇركى الەمىنىڭ كوشباسشىسى! ءسىزدى باۋىرلاس ازەربايجان ەلىنىڭ حالقى دا سۇيەدى!
ءسوزىمنىڭ سوڭىندا مىنا ءبىر جايدى اتاپ وتكىم كەلەدى, مەنىڭ تاعدىر-تالايىما قازاقستاندا ەكى مارتە پرەزيدەنت سايلاۋىنا باقىلاۋشى بولىپ قاتىسۋ جازىلىپتى. سول كەزدەردە حالىقتىڭ شىن ىقىلاسپەن داۋىس بەرۋگە بارعانىن, سايلاۋ ۋچاسكەلەرىندە وعان داۋىس بەرۋگە اسىققانىن كورگەنمىن. حالقىنىڭ سۇيىسپەنشىلىگىنە بولەنۋ كەز كەلگەن بيلەۋشىنىڭ ماڭدايىنا جازىلمايدى. نۇرسۇلتان نازارباەۆ ءوز ەسىمىن مىڭجىلدىقتار تاريحىنا التىن ارىپتەرمەن جازعان تۇلعا.
ايدا ەيۆازوۆا,
جۋرناليست (ازەربايجان)
