21 ناۋرىز، 2019

ماڭگىلىك ەلدى ساقتاۋ ءۇشىن ايانبايمىز

786 رەتكورسەتىلدى

اسا قادىرلى 
نۇرسۇلتان ءابىش ۇلى!

ءسىزدىڭ حالىققا ارناعان جول­داۋلارىڭىزدى قازاقستاندىقتار قاشاندا اسا ۇلكەن ىقىلاسپەن كۇ­تەدى، تىڭدايدى. ويتكەنى وندا ۇنە­مى ەل دامۋىنىڭ ستراتەگيالىق جول­دارى كورسەتىلىپ، جۇمىس با­عىت-باعدارى ايقىندالىپ بەرى­لەدى. 

قازاقستان رەسپۋبليكاسىنىڭ پرەزيدەنتى وكىلەتتىگىن توقتا­تۋىڭىز تۋرالى ۇندەۋىڭىزدى قازاق­ستاندىقتار، ونىڭ ىشىندە قازاق ونەرىنىڭ قاراشا­ڭىراعى م.اۋە­زوۆ اتىنداعى قازاق مەملەكەت­تىك اكادەميالىق دراما تەاترى­نىڭ ۇجىمى تولقي، ەرەكشە تەبىرە­نىسپەن تىڭدادىق. 

سىزگە تاۋەلسىز ەلدىڭ العاش­قى باسشىسى بولۋ مارتە­بەسى بۇ­يىردى. ءوزىڭىز جۇرگىز­گەن مەم­لە­كەت­تىك سارابدال سايا­ساتىڭىزدىڭ ارقاسىندا قازاقستان شىن مانى­سىندەگى تاۋەلسىز دە ەركىن، ەكونوميكاسى مەن مادەنيەتى دامىعان وركەنيەتتى ەلگە اينالدى، الەم قاۋىمداستىعىنان لايىقتى ورىن الدى.

مادەنيەت سالاسىنداعى مەم­لە­كەتتىك ساياساتىڭىز – مادەني جانە رۋحاني قۇندىلىقتاردى جاساۋعا، جاڭعىرتۋعا، قايتا تۇلەتۋگە، ساق­تاۋعا، دامىتۋعا، تاراتۋعا جانە پاي­دالانۋعا باعىتتالعانىن ماق­تانىشپەن ايتۋىمىزعا بولادى. تاۋەلسىزدىك جىلدارى ۇلتتىق ونەر، ساحنا ونەرى قۇلاشىن كەڭگە جاي­دى. ءوزىڭىزدىڭ باستاماڭىزبەن رەس­پۋبليكادا تاۋەلسىزدىك جىلدارى كوپتەگەن جاڭا تەاترلار اشىلدى، تالانتتى بىرنەشە جاس بۋىن ءوسىپ شىقتى. 

95 جىلدىق تاريحى بار قا­راشاڭىراق، الەمنىڭ كوپتە­گەن ەل­دەرىندە ونەر كورسەتۋ مارتەبەسىنە يە بولعان م.اۋەزوۆ تەاترى ءوزىڭىزدىڭ «قازاقستان-2050» ستراتە­گيا­لىق باعدارلاماڭىزدا اتاپ كور­سە­تىلگەندەي، «قازاقستاننىڭ مادە­­نيەتتى جانە پروگرەسسيۆتى يدەال­­دار قوعامىنا اينالۋى...»  جولىن­دا ايانباي  ەڭبەك ەتىپ كە­لەدى. ءوزىڭ­ىز باستاماشى بول­عان «رۋحاني جاڭعىرۋ» مەملە­كەت­تىك باع­دارلاماسى اياسىندا اتقارىل­عان، ءالى دە اتقارىلاتىن جۇمىستار از ەمەس.  

كەشەگى تاريحي ۇندەۋىڭىزدە ءوزىڭىز ەلىمىزدى باسقارعان 30 جىل بويى اتقارىلعان جۇمىستار تۋرالى بىرنەشە سويلەممەن عانا ءتۇيىپ ايتىپ ءوتتىڭىز. ال مۇنىڭ استارىندا ءسىزدىڭ اقىل-پاراساتىڭىز، دانالىعىڭىز، قانشاما ەڭبەگىڭىز، كۇش-قۋاتىڭىز بار ەكەنىن حالىق جاقسى بىلەدى. ءبىز، ساحنا قاي­رات­كەرلەرى، ونىڭ ىشىندە م.اۋەزوۆ تەاترىنىڭ ۇجىمى شىن مانى­سىندەگى تاۋەلسىز قازاق ەلىنىڭ تۇڭ­عىش پرەزيدەنتى، دارا تۇلعا، قايتالانباس قۇبىلىس – وزىڭىزبەن زامانداس بولعانىمىزعا، ۇس­تان­عان سارا باعىتىڭىزدى مۇرات­تاس­تىقپەن قولداپ، ەڭبەك ەتىپ كەلە جاتقانىمىزعا باقىتتىمىز.  

ءسىزدىڭ كەشەگى تاريحي ۇندەۋ­ىڭ­ىز­دىڭ ءاربىر ءسوزى، سويلەمى بىزدەردى قاتتى تولقىتتى. «ماعان ۇلى حال­قىما، تۋعان جەرىمە قىزمەت ەتۋ باقىتى بۇيىردى. بارشاڭىزعا – حالقىما زور ريزاشىلىعىمدى ءبىل­دىرىپ، باسىمدى يەمىن» دەدىڭىز. بىزگە وزىڭىزدەي ەلبا­سى بۇيىر­عانىنا بىزدەر دە اسا باقىت­تى­مىز. جانە تۇڭعىش پرەزيدەن­تىمىز­گە بۇكىل قازاقستان حالقى، ولار­دىڭ قاتارىندا م.اۋەزوۆ تەاترى ۇجى­مى دا اسا ۇلكەن ىرزا­شى­لى­عى­مىزدى ءبىلدىرىپ، باسىمىزدى يەمىز. 

قازاقستان حالقىنا كەشەگى ۇندەۋىڭىزدە: «...ەلەۋلى وكىلەت­تىگى بار قاۋىپسىزدىك كەڭەسىنىڭ تور­اعاسى رەتىندە قىزمەت ەتە بەرەمىن. «نۇر وتان» پارتياسىنىڭ تور­اعاسى، كونستيتۋتسيالىق كەڭەستىڭ مۇ­شەسىمىن. ياعني، وزدەرىڭىزبەن بىر­گە بولامىن. ەلىمىزدىڭ، حالقى­مىزدىڭ قامى – مەنىڭ مۇددەم بو­لىپ قالا بەرەدى» دەگەن ءسوزىڭىز بىزگە قانات ءبىتىرىپ، كوڭىلىمىزگە سەنىم ۇيالاتتى. 

ءبىز، ساحنا قايراتكەرلەرى ەلى­مىزدى جاڭعىرتۋ پروتسەستەرىنىڭ باياندى جالعاساتىنىنا سەنەمىز جانە ماڭگىلىك ەلىمىزدى ساقتاۋ ءۇشىن قولىمىزدان كەلگەندى ايامايمىز دەپ ۋادە بەرەمىز. 

اسا ۇلكەن قۇرمەتپەن،

كسرو حالىق ءارتىسى، كسرو، قازكسر مەملەكەتتىك سىيلىقتارىنىڭ لاۋرەاتى، تاۋەلسىز «تارلان» سىيلىعىنىڭ، «وتان»، «قۇرمەت» وردەندەرىنىڭ يەگەرى، «قازاقستاننىڭ ەڭبەك ەرى» ءاسانالى ءاشىموۆ،

قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى، «مادەنيەت سالاسىنىڭ ۇزدىگى» توسبەلگىسىنىڭ يەگەرى ءسابيت ورازباەۆ،

قازاقستاننىڭ حالىق ارتىستەرى نۇكەتاي مىشباەۆا مەن تورعىن تاسىبەكوۆا، 

تەاتر ديرەكتورى، قازاقستاننىڭ ەڭبەك سىڭىرگەن قايراتكەرى، «دارىن» مەملەكەتتىك جاستار سىيلىعىنىڭ لاۋرەاتىء سابيت ابدىحالىقوۆ، 

قازاقستاننىڭ ەڭبەك سىڭىرگەن قايراتكەرى جالعاس تولعانباي، 

قازاقستاننىڭ ەڭبەك سىڭىرگەن قايراتكەرى ازامات ساتىبالدى،

قازاقستاننىڭ ەڭبەك سىڭىرگەن قايراتكەرلەرى بەرىك ايتجانوۆ پەن ەركەبۇلان دايىروۆ،

قازاقستان جاستار وداعى «سەرپەر» سىيلىعىنىڭ لاۋرەاتى ايان وتەپبەرگەن 

جانە بارشا تەاتر ۇجىمى

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار