مەن دە بارشا قازاقستاندىقتار سەكىلدى ارالاس سەزىمدى باستان كەشىپ وتىرمىن. ءبىر جاعىنان تۇڭعىش پرەزيدەنتىمىزدىڭ وكىلەتتىگىن توقتاتقانىنا وكىنىش بولسا, ەكىنشى جاعىنان ەلباسىنىڭ ەرلىگى مەن دانالىعىنا ولشەۋسىز قۇرمەت سەزىمى بار نۇرسۇلتان ءابىش ۇلىنىڭ بۇل ماڭىزدى قادام جونىندە نەشە كۇن, نەشە ساعات ويلانعانىن بىلمەيمىز. بىراق ءبىزدىڭ ەلباسى ۇنەمى حالىق پەن ەل مۇددەسىنە قاجەت شەشىم قابىلدايدى. سوندىقتان تۇڭعىش پرەزيدەنت ساياساتىنىڭ جالعاسۋىن قامتاماسىز ەتۋ قاجەت. بۇل تۇڭعىش پرەزيدەنتكە جانە ونىڭ قىزمەتىنە دەگەن ولشەۋسىز قۇرمەتتى بىلدىرەدى. سونىمەن بىرگە ەلباسى قاۋىپسىزدىك كەڭەسىنىڭ توراعاسى, پارتيا توراعاسى جانە كونستيتۋتسيالىق كەڭەس مۇشەسى رەتىندە ەل دامۋىندا ماڭىزدى ءرول اتقارا بەرمەك. حالىقتىڭ ءال-اۋقاتىن جاقسارتۋ – نازارباەۆتىڭ باستى جەتىستىكتەرىنىڭ ءبىرى. تۇڭعىش پرەزيدەنت ۇنەمى حالىقتىڭ ءومىر ءسۇرۋ ساپاسىن جاقسارتۋعا, جاستاردى قولداۋعا, كوپ بالالى وتباسىلارعا كومەكتەسۋگە, ءبىلىم مەن دەنساۋلىق ساقتاۋ سالالارىن دامىتۋعا ەرەكشە كوڭىل ءبولدى. مىڭداعان جاس «بولاشاق» باعدارلاماسىمەن الەمنىڭ ۇزدىك وقۋ ورىندارىن ءتامامدادى. بۇل – ەلباسىنىڭ زاماناۋي قازاقستاندى قۇرۋعا دەگەن زور ۇلەسى.
بۇگىنگى تاريحي ساتتە حالقىمىز بىرلىك پەن ىنتىماقتا بولۋى ءتيىس. ءبىزدى الدا ەلىمىزدىڭ دامۋى مەن تۇرعىنداردىڭ ءومىر ءسۇرۋ ساپاسىن جاقسارتۋعا باعىتتالعان كوپتەگەن مىندەتتەردى جۇزەگە اسىرۋ كۇتىپ تۇر. قازاقستاندىق جولدىڭ جالعاستىعى مەن وتانىمىزدىڭ ءارى قاراي گۇلدەنۋى – وزىمىزگە بايلانىستى.
ماۋلەن اشىمباەۆ,
«Nur Otan» پارتياسى توراعاسىنىڭ ءبىرىنشى ورىنباسارى
