شاراينا
سارسەنبى, 1 تامىز 2012 7:26
ءۇءندىستان جارىقسىز قالدى
بۇل ەلدە ورىن العان اپاتتان 600 ميلليون ادام جاپا شەگىپ وتىر. ەلدىڭسولتۇستىك جانە شىعىس بولىگى قارا تۇنەككە اينالىپ, 35 شتاتتىڭ 16-سىجارىقسىز قالدى. مۇنداي اپات الەم تاريحىندا سيرەك قۇبىلىسسانالادى.
جەرگىلىكتى ۋاقىتپەن دەلي قالاسىندا جارىق تۇنگى ساعات ەكىلەردە سونگەن. جەلىدە ورىن العان اپات سالدارىنان ەل استاناسىنداعى باعدارشامدار دا ىستەن شىعىپ, 4 مىڭداي جول رەتتەۋشى جۇمىسقا كىرىسكەن. ءۇندىستان بيلىگى جارىقتى قوسامىز دەپ جۇرگەندە تاعى جەتى شتات اۋماعى جارىقسىز قالعان.
سارسەنبى, 1 تامىز 2012 7:26
ءۇءندىستان جارىقسىز قالدى
بۇل ەلدە ورىن العان اپاتتان 600 ميلليون ادام جاپا شەگىپ وتىر. ەلدىڭسولتۇستىك جانە شىعىس بولىگى قارا تۇنەككە اينالىپ, 35 شتاتتىڭ 16-سىجارىقسىز قالدى. مۇنداي اپات الەم تاريحىندا سيرەك قۇبىلىسسانالادى.
جەرگىلىكتى ۋاقىتپەن دەلي قالاسىندا جارىق تۇنگى ساعات ەكىلەردە سونگەن. جەلىدە ورىن العان اپات سالدارىنان ەل استاناسىنداعى باعدارشامدار دا ىستەن شىعىپ, 4 مىڭداي جول رەتتەۋشى جۇمىسقا كىرىسكەن. ءۇندىستان بيلىگى جارىقتى قوسامىز دەپ جۇرگەندە تاعى جەتى شتات اۋماعى جارىقسىز قالعان. ەكىنشى ءىرى قالا سانالاتىن كالكۋتتا دا ەلەكتر قۋاتىنسىز قالۋعا ءماجبۇر.
ءىءرى ەسىرتكى پارتياسى تاركىلەندى
اۆستراليا پوليتسياسى قۇنى 525 ميلليون اقش دوللارى بولاتىن گەروينجانە مەتامفەتامين ەسىرتكىسىنىڭ ءىرى پارتياسىن تاركىلەدى. 3200كەراميكالىق قۇمىراعا جاسىرىلعان جارتى توننالىق ەسىرتكى زاتتارىسيدنەي پورتىندا قولعا تۇسكەن.
قازىر كۇدىكتى دەگەن 29 بەن 61 جاس ارالىعىنداعى جەتى ادام تۇتقىندالىپ وتىر. ەگەر قىلمىستارى دالەلدەنسە, ولار ءومىر بويى اباقتىعا قامالۋى مۇمكىن. نەگىزىنەن جەرگىلىكتى پوليتسيا 11 اي بۇرىن امەريكالىق ارىپتەستەرى تاراپىنان اقپارات الا سالىسىمەن ىسكە كىرىسكەن. سونىڭ ناتيجەسىندە تايلاند ارقىلى كەلگەن ەسىرتكى زاتتارىن تاركىلەۋگە قول جەتكىزىلىپتى.
يرانعا سانكتسيا كۇشەيتىلدى
اقش كونگرەسىنىڭ جوعارعى جانە تومەنگى پالاتاسى يرانعا قارسىسانكتسيانى كەڭەيتۋگە قاتىستى زاڭ جوباسىن بىرلەسە ماقۇلدادى. اتالعانقۇجات وكىلدەر پالاتاسى مەن سەناتتا دەپۋتاتتار «جازعى دەمالىسقا»كەتكەنگە دەيىن قابىلدانادى دەپ كۇتىلۋدە.
يرانعا قاتىستى جاڭا سانكتسيالار تۋرالى زاڭ جوبالارى 2012 جىلدىڭ كوكتەمىندە قابىلدانعان-دى. ال قازىرگىسى وسى ەلدەن مۇناي ساتىپ الۋشىلار مەن يادرولىق قارۋ جاساۋعا قاجەتتى قۇرالداردى ساتقانى ءۇشىن جازانى كۇشەيتۋدى كوزدەيدى. بۇل رەتتە يران ءوز يادرولىق باعدارلاماسىنىڭ بەيبىت ماقساتتا جۇرگىزىلىپ كەلە جاتقاندىعىن مالىمدەپ-اق كەلەدى.
سودىرلار قارۋلارىن تاستادى
تاجىكستان بيلىگى مەن تاۋلى-باداحشان اۆتونوميالى وبلىسىنىڭباندالىق توپتارى اراسىنداعى كەلىسسوزدەر ءوز ناتيجەسىن بەرە باستادى.وسى ەل ىشكى ىستەر مينيسترلىگىنىڭ مالىمەتىنە قاراعاندا, سودىرلار قازىرگىكەزدە 200 دانا اتىس قارۋىن تاپسىرعان.
كالاشنيكوۆ اۆتوماتىنان وزگە قارۋلى جاساقتار پۋلەمەت, گراناتامەت, ءتىپتى زەنيتتىك قوندىرعىنى دا اكەلىپ بەرىپتى. قارۋىن تاستاعاندار راقىمشىلىققا ىلىگەدى دەپ كۇتىلۋدە. ايتا كەتۋ كەرەك, گەنەرال ابدۋللو نازاروۆتىڭ ولتىرىلۋىمەن ءوتكەن اپتادا ءۇش مىڭعا تارتا اسكەري مەن ارنايى قىزمەت جاۋىنگەرلەرىنىڭ قاتىسۋىمەن حوروگ قالاسىندا ارنايى وپەراتسيا باستالعان بولاتىن.
رەسەيلىك بازا ورنالاسا ما؟
تانىلماعان پريدنەستروۆە رەسپۋبليكاسىنىڭ پرەزيدەنتى ەۆگەني شەۆچۋك پەن رف پرەزيدەنتىنىڭ پريدنەستروۆەدەگى ارنايى وكىلى دميتري روگوزيننىڭ كەزدەسۋىندە وسى ەل اۋماعىندا رەسەيلىك اسكەري بازاسىن ورنالاستىرۋ قاجەتتىلىگى ايتىلعان.
رەسپۋبليكا باسشىلىعى رەسەيگە تەك اسكەري بازاسىن ورنالاستىرىپ قانا قويماي, سونىمەن بىرگە بۇرىنعى 14-ءشى ارميادان قالعان اەرودرومدى دا پايدالانۋدى ۇسىنىپتى. كەزدەسۋدە قارجىلىق قولداۋ كورسەتۋى سۇرالسا, ازىرگە ونىڭ مولشەرى جاريالانباۋدا. ەسەسىنە مولدوۆا بيلىگى رەسەي اسكەرىنىڭ ورنىنا حالىقارالىق بايقاۋشىلاردى جىبەرۋ كەرەك دەگەندى ءجيى قايتالاپ كەلەدى.
نەوناتسيست اتقا قوندى
گەرمانيادا جاڭا پارتيا ومىرگە كەلدى. ونىڭ ەرەكشەلىگى سول, اتالعان ساياسي قۇرىلىمدى قۇرۋشى نەوناتسيست ءارى حولوكوستتى جوققا شىعارۋشى كريستيان ۆورك. «وڭشىلدار» نەمىس ۇلتىنىڭ تازالىعى مەن گفر اۋماعىنا يمميگرانتتاردى كىرگىزۋگە قارسى ەكەندىكتەرىن ءبىلدىردى.
مامىر ايىندا قۇرىلعان پارتيا قازىر كوزگە ءتۇسىپ وتىر. جاقىندا اتالعان ساياسي قۇرىلىم ءوز قۇرىلتايلارىن وتكىزىپ, باسشىلىق قۇرامدارىن دا سايلاپ العان. وسى رەتتە كريستيان ۆورك تىيىم سالىنعان ۇيىمداردى باسقارعانى ءۇشىن دە تۇرمەگە جابىلعاندىعىن ايتا كەتكەن ءجون. ەندى پارتيا 2014 جىلدىڭ ناتيجەسى بويىنشا ەۋروپارلامەنتكە ءوتۋدى كوزدەپ وتىر.
قىسقا قايىرىپ ايتقاندا:
رەسەي ءدىن ەركىندىگى جوق ەلدەردىڭ تىزىمىنە ەندى. بۇل جونىندە Washington Post گازەتى اقش مەمدەپ بايانداماسىنا سۇيەنىپ حابارلاعان. باياندامادا سونداي-اق ءدىن ەركىندىگى ەرەكشە ساقتالماي وتىرعان ەلدەر قاتارىندا پاكستان, ساۋد ارابياسى, يندونەزيا جانە يران اتالعان.
قىرعىزستاننىڭ تجم بىشكەك قالاسىنان 40 شاقىرىم جەردەگى ادىگەنە تاۋ بوكتەرىندە ورنالاسقان تەز-تور وزەنى «بوگەتتى جارىپ كەتۋى الدىندا تۇر» دەگەن مالىمەت تاراتقان. وعان جەدەل جەتكەن ارنايى توپ وقيعانىڭ اناۋ ايتقانداي كۇردەلى ەمەستىگىن انىقتاعان.
زەرتتەۋلەر كورسەتكەندەي, ەۋروايماققا كىرەتىن 17 ەلدە جۇمىسسىزدىق دەڭگەيى 2012 جىلدىڭ ماۋسىمىندا 11,2 پايىزعا جەتكەن. سونىمەن, ايماقتا جۇمىسسىزدار سانى ارتىپ, قازىرگى تاڭدا 17,8 ميلليون ادام جۇمىسسىز. ساناق مەكەمەسى جۇمىسسىزدار سانىن 1995 جىلدان باستاپ ەسەپكە الىپ كەلەدى.
نەپال ۇستىمىزدەگى جىلدىڭ قىركۇيەگىنەن باستاپ تۋريستەر مەن الپينيستەردى ەۆەرەست شىڭىنا نۇسقاۋشىلارسىز جىبەرمەۋ تۋرالى شەشىم قابىلدادى. ەندى نەپال تاۋلارىنا شىعام دەۋشىلەر كۇندىگى $10 بولاتىن كەم دەگەندە ءبىر گيدتى الىپ ءجۇرۋى ءتيىس.
ينتەرنەت ماتەريالدارى نەگىزىندە ازىرلەندى.
