اسكەردى مەرزىمىنەن بۇرىن شىعارماق
سارسەنبى, 9 مامىر 2012 7:26
فرانتسيانىڭ جاڭا سايلانعان پرەزيدەنتى فرانسۋا وللاند فرانتسۋز اسكەرلەرىن اۋعانستاننان بەلگىلەنگەن ۋاقىتتان ەكى جىل بۇرىن شىعارماق نيەتتە.
بۇگىندە بەسىنشى رەسپۋبليكانىڭ جاڭا سايلانعان پرەزيدەنتى ءوز كومەكشىلەرىمەن بىرگە حالىقارالىق كەزدەسۋلەرگە دايىندالۋدا. تاياۋ ۋاقىتتارى وللاند گەرمانيا مەن اقش-قا رەسمي ساپارمەن بارادى. ونىڭ شتابى پرەزيدەنت سايلاۋ الدىندا بەرگەن ۋادەلەرىن ورىندايتىن بولادى دەپ مالىمدەپ وتىر. ماسەلەن, چيكاگودا وتەتىن ناتو سامميتىندە وللاند فرانتسۋز كونتينگەنتىن اۋعانستاننان وسى جىلدىڭ اياعىنا دەيىن مەرزىمىنەن بۇرىن شىعارۋ جونىندە ماسەلە كوتەرمەك.
سارسەنبى, 9 مامىر 2012 7:26
فرانتسيانىڭ جاڭا سايلانعان پرەزيدەنتى فرانسۋا وللاند فرانتسۋز اسكەرلەرىن اۋعانستاننان بەلگىلەنگەن ۋاقىتتان ەكى جىل بۇرىن شىعارماق نيەتتە.
بۇگىندە بەسىنشى رەسپۋبليكانىڭ جاڭا سايلانعان پرەزيدەنتى ءوز كومەكشىلەرىمەن بىرگە حالىقارالىق كەزدەسۋلەرگە دايىندالۋدا. تاياۋ ۋاقىتتارى وللاند گەرمانيا مەن اقش-قا رەسمي ساپارمەن بارادى. ونىڭ شتابى پرەزيدەنت سايلاۋ الدىندا بەرگەن ۋادەلەرىن ورىندايتىن بولادى دەپ مالىمدەپ وتىر. ماسەلەن, چيكاگودا وتەتىن ناتو سامميتىندە وللاند فرانتسۋز كونتينگەنتىن اۋعانستاننان وسى جىلدىڭ اياعىنا دەيىن مەرزىمىنەن بۇرىن شىعارۋ جونىندە ماسەلە كوتەرمەك.
پرەزيدەنتتەن كومەك كۇتەدى
پاكستاندا «ءال-كايدا» سودىرلارىنىڭ كەپىلدىگىندە وتىرعان اقش ازاماتى ۋوررەن ۆاينشتەين ءوزىن قۇتقارىپ الۋ ءۇشىن شارالار قابىلداۋ ءجونىندە ەل پرەزيدەنتى باراك وباماعا بەينەۇندەۋ جولداعان.
امەريكالىق ازامات ب.وباما «ءال-كايدانىڭ» تالاپتارىن ورىنداپ, قىسقا مەرزىم ىشىندە ءوزىن بوساتىپ الۋ جونىندە قادامدارعا بارۋى ءتيىس دەپ ءمالىمدەگەن. اتاپ ايتقاندا, اقش ۇيىمنىڭ اۋعانستانداعى بازالارىنا سوققى جاساۋ ءۇشىن ۇشقىشسىز ۇشاقتاردى قولدانۋدان باس تارتۋى كەرەك. ونىڭ سىرتىندا ۆاشينگتون «ءال-كايدانىڭ» بىرقاتار وكىلدەرىن تۇرمەدەن بوساتۋى قاجەت. سونىمەن بىرگە اق ءۇيدىڭ وكىلى دجەي كارني ۆاشينگتون «ءال-كايدامەن» كەلىسسوزدەرگە بارمايدى دەپ مالىمدەپ وتىر.
بالامالى پارلامەنت قۇرماق
سيريادا 50 جىل ىشىندە العاش رەت بيلىك پارتياسىنان وزگە كانديداتتاردىڭ قاتىسۋىمەن وتكەن پارلامەنت سايلاۋى اياقتالدى.
سيريا وكىمەتى داۋىس بەرۋ سايلاۋشىلاردىڭ جوعارى بەلسەندىلىگىمەن ءوتتى دەپ مالىمدەپ وتىر. ەلدىڭ جاڭا كونستيتۋتسياسىنا سايكەس كانديداتتار 250 دەپۋتاتتىق ماندات ءۇشىن باسەكەگە ءتۇستى. سايلاۋعا 9 جاڭا پارتيادان 7195 كانديدات قاتىسقان كورىنەدى. دەگەنمەن, وپپوزيتسيا ولاردىڭ ءبارى دە بۇرىنعى ساياسي ەليتامەن بايلانىستا, سوندىقتان شىنايى تاۋەلسىز پارتيالار بولىپ تابىلمايدى دەگەندى كولدەنەڭ توسۋدا. سويتە تۇرا, وپپوزيتسيا «بالامالى» پارلامەنت قۇراتىنىن دا مالىمدەگەن.
جەڭىمپاز ەكىنشى تۋردا انىقتالادى
سەربيادا وتەتىن پرەزيدەنت سايلاۋىنىڭ ەكىنشى تۋرىنا قازىرگى پرەزيدەنت بوريس تاديچ پەن وپپوزيتسيا كوسەمدەرىنىڭ ءبىرى توميسلوۆ نيكوليچ قاتىساتىن بولادى.
پرەزيدەنت سايلاۋىنىڭ ءبىرىنشى تۋرىنىڭ قورىتىندىلارى بويىنشا ب.تاديچ 25,33 پايىز داۋىس جيناسا, ونىڭ قارسىلاسى ت.نيكوليچكە سايلاۋشىلاردىڭ 24,99 پايىزى قولداۋ كورسەتكەن.14,24 پايىز داۋىسقا يە بولعان سەربيا سوتسياليستىك پارتياسىنىڭ باسشىسى يۆيتسا داچيچ ءۇشىنشى ورىن الىپ وتىر. دەموكراتيالىق پارتيانىڭ باسشىسى جانە ەۋروپامەن ينتەگراتسيالانۋدىڭ اشىق جاقتاۋشىسى ب.ءتاديچتىڭ باسشىلىعى كەزىندە ەل ەۋرووداققا مۇشەلىككە كانديدات مارتەبەسىنە قول جەتكىزدى. دەگەنمەن, ونىڭ اتىنا ەكونوميكالىق رەفورمالاردى جۇزەگە اسىرا المادى دەگەن سىن دا ايتىلۋدا.
سايلاۋدى توقتاتۋدى سۇرايدى
ازەربايجاننىڭ بۇۇ-داعى تۇراقتى وكىلى اگشين مەحتيەۆ تاۋلى قاراباقتا جوسپارلانعان پرەزيدەنت سايلاۋىنا بايلانىستى ۇيىمنىڭ باس حاتشىسى اتىنا حات جولدادى.
بۇقارالىق اقپارات قۇرالدارى تاراتقان مالىمەتتەر بويىنشا ارمەنيا بيىلعى شىلدە ايىندا ازەربايجاننىڭ جاۋلاپ الىنعان تاۋلى قاراباق وڭىرىندە «پرەزيدەنت سايلاۋىن» وتكىزبەكشى. وسىعان وراي حالىقارالىق دەڭگەيدە, ونىڭ ىشىندە بۇۇ باس اسسامبلەياسى مەن قاۋىپسىزدىك كەڭەسى دەڭگەيىندە دە تاۋلى قاراباق ءوڭىرى مەن ازەربايجان رەسپۋبليكاسىنا ىرگەلەس جەتى اۋدان ارمەنيانىڭ اسكەري باسقىنشىلىعىندا دەپ تانىلعان. حالىقارالىق قوعامداستىق وسى وڭىردەگى بۇعان دەيىنگى «سايلاۋلاردى» ايىپتاعان, دەي كەلىپ, حاتتا بۇۇ-نىڭ اتالعان ارانداتۋشى ارەكەتكە قارسى شىعاتىنىنا سەنىم بىلدىرىلگەن.
ۋكراينا سامميت وتكىزبەيتىن بولدى
ۋكراينا بىرقاتار مەملەكەتتەر باسشىلارىنىڭ قاتىسۋدان باس تارتۋىنا بايلانىستى يالتادا ورتالىق ەۋروپا ءسامميتىن وتكىزبەيتىن بولدى.
بىرقاتار ەۋروپالىق ەلدەردىڭ باسشىلارى «ءتۇرلى سەبەپتەرگە بايلانىستى», ءبىرىنشى كەزەكتە ۋكراينانىڭ ەكس-پرەمەرى يۋليا تيموشەنكوعا جاقسى كوزقاراس تانىتىلماۋىنا بايلانىستى سامميتكە كەلە المايتىندارىن كۇنى بۇرىن حابارلاعان. اتاپ ايتقاندا, گەرمانيا, ەستونيا, چەحيا ءجانە باسقا دا ەلدەردىڭ باسشىلارى سامميتكە كەلۋدەن باس تارتىپ وتىر. ايتا كەتۋ كەرەك, يۋ.تيموشەنكو 2011 جىلدىڭ قازانىندا 7 جىلعا سوتتالعان بولاتىن. وعان رەسەيمەن 2009 جىلى گاز كەلىسىمىنە قول قويعان كەزدە قىزمەت بابىن اسىرا پايدالاندى دەگەن ايىپ تاعىلعان ەدى.
زەينەتكەر شارتتى جازاعا كەسىلدى
اقش-تا ءوزىن-ءوزى ولتىرەتىن قۇرالدار وندىرۋمەن جانە ساتۋمەن اينالىسقان كاليفورنيا شتاتىنىڭ 92 جاسار تۇرعىنى شارلوتتا حايدورن شارتتى تۇردە سوتتالدى.
سوت وعان سالىق تولەمەدى دەگەن ايىپ تاعىپ, ونى شارتتى تۇردە 5 جىلعا باس بوستاندىعىنان ايىردى. مۇنداي جۇمساق جازاعا قارت ايەل سوت پروتسەسى بارىسىندا ءوزىنىڭ سالىق تولەۋدەن جالتارعانىن مويىنداۋ ارقىلى تەرگەۋمەن ءمامىلەگە كەلۋى ارقاسىندا قول جەتكىزىپ وتىر. ونىڭ مويىنداۋىنا جاۋاپ رەتىندە پروكۋراتۋرا وعان ونىڭ قۇرالدارىنىڭ كومەگىمەن 6 ادامنىڭ ءوزىن-ءوزى ولتىرۋىنە قاتىسى بار دەگەن ايىپ تاقپايتىن بولىپ كەلىستى.
ينتەرنەت ماتەريالدارى نەگىزىندە ازىرلەندى.
