كحدر قۇپيا نىساندارىن كورسەتتى
سەيسەنبى, 10 ءساۋىر 2012 7:30
سولتۇستىك كورەيا وكىمەتى شەتەلدىك جۋرناليستەر ءۇشىن قۇپيا ورتالىق پەن پوليگونعا ەكسكۋرسيا ۇيىمداستىردى.
تاياۋ ۋاقىتتارى وسى جەردەن «كۆانمەنسون-3» زىمىرانى بار «ىنحا-3» زىمىران تاسىعىشى ۇشىرىلاتىن بولادى. كورشىلەردىڭ پىكىرىنشە, زىمىران ۇشىرۋ كحدر-دا ءۇشىنشى يادرولىق سىناق جاساۋدىڭ العىشارتى بولىپ تابىلادى. ەلدىڭ باتىسىندا ورنالاسقان پوليگونعا اقش-تىڭ, ۇلىبريتانيانىڭ, فرانتسيانىڭ, گەرمانيانىڭ, شۆەتسيانىڭ, شۆەيتساريانىڭ, وار-دىڭ, ۆەتنامنىڭ جانە جاپونيانىڭ جۋرناليستەرى جىبەرىلگەن.
سەيسەنبى, 10 ءساۋىر 2012 7:30
سولتۇستىك كورەيا وكىمەتى شەتەلدىك جۋرناليستەر ءۇشىن قۇپيا ورتالىق پەن پوليگونعا ەكسكۋرسيا ۇيىمداستىردى.
تاياۋ ۋاقىتتارى وسى جەردەن «كۆانمەنسون-3» زىمىرانى بار «ىنحا-3» زىمىران تاسىعىشى ۇشىرىلاتىن بولادى. كورشىلەردىڭ پىكىرىنشە, زىمىران ۇشىرۋ كحدر-دا ءۇشىنشى يادرولىق سىناق جاساۋدىڭ العىشارتى بولىپ تابىلادى. ەلدىڭ باتىسىندا ورنالاسقان پوليگونعا اقش-تىڭ, ۇلىبريتانيانىڭ, فرانتسيانىڭ, گەرمانيانىڭ, شۆەتسيانىڭ, شۆەيتساريانىڭ, وار-دىڭ, ۆەتنامنىڭ جانە جاپونيانىڭ جۋرناليستەرى جىبەرىلگەن.
بارلاۋشىنىڭ سايلاۋعا تۇسۋىنە قارسى
حوسني مۇباراكتىڭ بۇرىنعى بارلاۋ باستىعىنىڭ سايلاۋعا قاتىسۋعا ءوتىنىش بەرۋى ەگيپەت رەۆوليۋتسياسىن قورلاۋ بولىپ تابىلادى.
وسىلاي دەپ مالىمدەگەن «مۇسىلمان باۋىرلار» اتىنان كانديدات حايرات ءال-شاتەر, ەگەر ول جەڭىسكە جەتكەن جاعدايدا ەكىنشى رەت جالپىحالىقتىق كوتەرىلىس تۋاتىنىن اتاپ كورسەتكەن. رەيتەر اگەنتتىگىنە بەرگەن سۇحباتىندا 61 جاستاعى ميلليونەر-كاسىپكەر بۇرىنعى بارلاۋ باستىعى ومار سۋلەيماننىڭ پرەزيدەنت سايلاۋىنا ءتۇسۋ جونىندەگى شەشىمىن ايىپتاعان. ول ۇلكەن قاتەلىك جىبەرىپ وتىر, مۇنىڭ سوڭى جاقسىلىققا سوقپايدى دەپ مالىمدەگەن حايرات ءال-شاتەر.
سىندارلى رۋحتا وتكەن كەزدەسۋ
پاكستان مەملەكەتىنىڭ باسشىسى جەتى جىل ىشىندە العاش رەت ۇندىستانعا جەكە ساپارمەن باردى.
پاكستان پرەزيدەنتى اسيف الي زارداري مەن ءۇندىستان پرەمەر-ءمينيسترى مانموحان سينگح دەلي قالاسىندا وتكەن كەزدەسۋ قورىتىندىلارىنا قاناعاتتانۋشىلىق بىلدىرگەن. ەكى مەملەكەت باسشىسى دا كەزدەسۋدىڭ دوستىق جانە سىندارلى رۋحتا وتكەنىن مالىمدەگەن. كەلىسسوزدەردىڭ ناقتى ناتيجەلەرى بەلگىلى بولماسا دا, تاراپتار ەكىجاقتى قارىم-قاتىناستاردا ورىن العان پروبلەمالاردى بىرتىندەپ شەشۋ جونىندە ۋاعدالاسقان كورىنەدى.
ماليدە قاۋىپ سەيىلمەي تۇر
بەيبىتشىلىك كورپۋسىنىڭ ۆولونتەرلەرى ماليدەن شىعارىلىپ, جاۋاپتى لاۋازىمدار اتقارمايتىن امەريكالىق ديپلوماتيالىق قىزمەتشىلەرگە ەلدەن كەتۋ جونىندە ۇسىنىس جاسالعان.
سول سياقتى امەريكالىقتاردى مەملەكەتتىك توڭكەرىس بولعان ەلگە بارۋدان ساقتاندىرىپ وتىر. قازىرگى كەزدە ەل استاناسى باماكوداعى باس اۋەجاي اشىق, دەگەنمەن مەملەكەتتىك دەپارتامەنت ەلدەگى جالپى احۋالعا بايلانىستى ۇشاقتاردىڭ ۇشۋ بولاشاعىنىڭ ەلەۋلى ماسەلە تۋىنداتاتىنىن اتاپ كورسەتكەن.
نيگەرياداعى جارىلىس
نيگەريانىڭ سولتۇستىگىندەگى كادۋن قالاسىندا ەكى ءاۆتوموبيلدىڭ جارىلۋىنان كەم دەگەندە 38 ادام قۇربان بولىپ, ونداعان ادام زارداپ شەككەن.
جارىلىس قالانىڭ حالىق ەڭ كوپ جۇرەتىن كوشەلەرىنىڭ بىرىندە, پوليتسەيلەر شىركەۋگە بارا جاتقان ءاۆتوموبيلدى تەكسەرمەك بولعان كەزدە ورىن العان. جارىلىستان شىركەۋ ەلەۋلى زارداپ شەگىپ, تاياۋداعى ۇيلەردىڭ توبەلەرى قۇلاپ تۇسكەن. وسى ورايدا جارىلىستىڭ كاتوليكتەردىڭ پاسحا مەيرامى قارساڭىندا ورىن العانىن ايتا كەتۋ قاجەت. ازىرگە تەررورلىق توپتاردىڭ بىردە-ءبىرى بولعان وقيعا ءۇشىن جاۋاپكەرشىلىكتى ءوز مويىندارىنا الماي وتىر.
بايقاۋشىلار باعالاۋى
وڭتۇستىك وسەتياداعى پرەزيدەنت سايلاۋى بارىسىن قاداعالاعان حالىقارالىق بايقاۋشىلار داۋىس بەرۋدىڭ ەكى تۋرىن دا دەموكراتياعا جانە حالىقارالىق ستاندارتتارعا سايكەس كەلەدى دەپ مويىنداعان.
رەسەي مەملەكەتتىك دۋماسى بايقاۋشىلارى دەلەگاتسياسىنىڭ جەتەكشىسى ۆلاديمير پونەۆەجسكي سايلاۋ ۋچاسكەلەرىندە بولعان كەزىندە جوعارى ۇيىمداستىرۋشىلىقتى, ۋچاسكەلىك كوميسسيالار جۇمىسىنداعى اشىقتىق پەن مولدىرلىكتى بايقاعانىن اتاپ كورسەتكەن. ونىڭ ايتۋىنشا, سايلاۋ قورىتىندىلارىنا اسەر ەتەتىندەي ەلەۋلى ەسكەرتۋلەر ورىن الماعان. سونىمەن بىرگە ول رەسپۋبليكادا كۇردەلى سايلاۋ ۇدەرىسىنىڭ اياقتالعانىن دا اتاپ كورسەتكەن.
«تيتانيكتىڭ» ىزىمەن
ساۋتگەمپتون پورتىنان «تيتانيكتىڭ» مارشرۋتى بويىنشا «بالمورال» كرۋيزدىك كورابلى ساپارعا شىقتى.
كەمەنىڭ بورتىنا 1309 ادام كوتەرىلگەن كورىنەدى. وسىدان ءجۇز جىل بۇرىن اپاتقا ۇشىراعان «تيتانيك» لاينەرىندە دە ءدال وسىنشا ادام بولعان ەكەن. «بالمورال» كەمەسىنە وتىرعانداردىڭ اراسىندا قايعىلى وقيعاعا كۋا بولعان ادامداردىڭ تۋعان-تۋىستارى بار. بۇل ساپار جۇيكەلەرى جۇقالارعا ارنالماعان, ونىڭ ۇستىنە اپاتقا ۇشىراعان كەمەدەگى جاعدايلار سول كۇيىندە قايتالاناتىندىقتان ىرىمشىلدارعا دا جەڭىل تيمەيتىن سياقتى. ءتىپتى ىدىس-اياققا دەيىن سول زامانداعى ۇلگىگە سايكەستەندىرىلگەن. 15 ساۋىردە كەمە «تيتانيك» اپاتقا ۇشىراعان جەرگە جەتپەك.
ەۋرووداقتىڭ ەڭ قىلمىستى استاناسى
ۆيلنيۋس ەۋروپا وداعى ەلدەرىنىڭ استانالارى ىشىندەگى ەڭ قىلمىستى استانا دەپ تانىلىپ وتىر.
ليتۆا استاناسىندا ءجۇز مىڭ ادامعا 7,9 كىسى ءولىمى كەلەدى ەكەن. «ەۆروستات» ستاتيستيكالىق اگەنتتىگى ەۋروپا وداعى ەلدەرى استانالارىنداعى كىسى ولتىرۋلەر مەن قاستاندىقتار سانىنا ەسەپ جۇرگىزگەن. وندا 100 مىڭ ادامعا جاسالعان قىلمىستار باعالانعان. ناتيجەسىندە ليتۆا استاناسى ۆيلنيۋس ءبىرىنشى ورىن العان كورىنەدى. ەكىنشى ورىندا تاللين, ءۇشىنشى ورىندا ليۋكسەمبۋرگ گەرتسوگتىگىنىڭ وسى اتتاس استاناسى تۇر. ودان كەيىنگى ورىنداردى امستەردام مەن بريۋسسەل الادى ەكەن.
ينتەرنەت ماتەريالدارى نەگىزىندە ازىرلەندى.
