شاراينا
سەنبى, 10 قاراشا 2012 7:02
اساد تەك سيريادا ولەدى
سيريانىڭ زاڭدى پرەزيدەنتى باشار اساد رەسەيدىڭ Russia Todayتەلەارناسىنا سۇحبات بەردى. بۇل ونىڭ شىلدە ايىنان بەرگى العاشقىسۇحباتى بولىپ تابىلادى. ول وتانىن ەشقانداي جاعدايدا دا تاستاپشىقپايتىنىن اتاپ كورسەتكەن.
سەنبى, 10 قاراشا 2012 7:02
اساد تەك سيريادا ولەدى
سيريانىڭ زاڭدى پرەزيدەنتى باشار اساد رەسەيدىڭ Russia Todayتەلەارناسىنا سۇحبات بەردى. بۇل ونىڭ شىلدە ايىنان بەرگى العاشقىسۇحباتى بولىپ تابىلادى. ول وتانىن ەشقانداي جاعدايدا دا تاستاپشىقپايتىنىن اتاپ كورسەتكەن.
ب.اساد: «مەن سيريالىقپىن, سوندىقتان سيريادا ءومىر سۇرۋگە جانە وسىندا ولۋگە ءتيىسپىن», دەپ مالىمدەگەن. ول سونداي-اق وزگە ەلدىڭ سيريا اۋماعىنا باسىپ كىرگەن جاعدايىندا الەم ۇلكەن سالدارعا دۋشار بولاتىنىن, مۇنىڭ اركىمگە اسەرى تيەتىنىن كولدەنەڭ تارتقان. سيريا پرەزيدەنتىنىڭ پىكىرىنشە, باتىس اسكەرلەرىنىڭ سيرياعا باسا-كوكتەپ كىرۋگە باتىلى جەتپەۋى ءتيىس.
يراننىڭ ارەكەتىن ايىپتادى
پەنتاگون وكىلى يراننىڭ اقش اسكەري-اۋە كۇشتەرىنىڭ ۇشقىشسىز ۇشاتىنۇشاعىنا شابۋىل جاساعانى تۋرالى مالىمدەدى. اسكەري ۆەدومستۆو وكىلىنىڭسوزىنە قاراعاندا, يران ۇشقىشسىز ۇشاقتى پارسى شىعاناعى اۋدانىنداشابۋىلداعان.
دەگەنمەن, اپپارات ەشقانداي زاقىمدانباستان, بازاعا قايتا ورالعان. پەنتاگونداعىلاردىڭ سوزدەرىنە قاراعاندا, ۇشقىشسىز ۇشاق جوسپارلى باقىلاۋ جۇرگىزۋ ءۇشىن اسپانعا كوتەرىلسە, يراننىڭ اۋە كەڭىستىگىن بۇزباعان جانە حالىقارالىق سۋلاردىڭ ۇستىندە قالىقتاعان. جالپى, سوڭعى كەزدەرى اقش پەن يران اراسىنداعى قارىم-قاتىناس تەھراننىڭ ىقتيمال يادرولىق باعدارلاماسىنا بايلانىستى كۇردەلى كۇيىندە قالىپ كەلەدى.
ءۇشىنشى مەرزىمگە نارازىلىق
ارگەنتينادا بۇكىل ەل بويىنشا ونداعان مىڭ ادام كوشەلەرگە شىعىپ, ءىسباسىنداعى پرەزيدەنت كريستينا فەرناندەس دە كيرشنەردىڭ ءۇشىنشىمەرزىمگە قايتا سايلانۋىنا نارازىلىق اكتسيالارىنا قاتىستى. كيرشنەر ءوزىنىڭ ءۇشىنشى مەرزىمگە سايلانۋىن مۇمكىن ەتۋ ءۇشىن ەل كونستيتۋتسياسىناوزگەرىس ەنگىزۋ تۋرالى جوسپارلاعان ەدى.
دەمونسترانتتان كوشەلەرگە «دەموكراتيا جاساسىن, قايتا سايلانۋعا جول بەرمەيمىز», «كوررۋپتسياعا جول جوق» جانە «تۇراقسىزدىققا توسقاۋىل قوياتىن ۋاقىت جەتتى» دەگەن مازمۇنداعى ۇراندار الىپ شىققان. نارازىلىق تانىتۋشىلاردىڭ كوپشىلىگى ءبىرىنشى كەزەكتە پرەزيدەنتتىڭ جەكە باسى مەن ءىس باسىنداعى ۇكىمەت جۇرگىزىپ كەلە جاتقان رەفورمالارعا كوڭىلدەرى تولمايتىندارىن بىلدىرگەن.
قىسقا قايىرىپ ايتقاندا:
چەشەنستاننىڭ استاناسى – گروزنىي قالاسىنىڭ باسشىلىعىنا يسلامقادىروۆ تاعايىندالدى. ونىڭ كانديداتۋراسىن باسىم داۋىسپەندەپۋتاتتاردىڭ قالالىق كەڭەسى ماقۇلداعان. ي.قادىروۆ چەشەنستانپرەزيدەنتى رامزان قادىروۆتىڭ تۋىسى بولىپ تابىلادى. بىراق ناقتىقانداي جاقىندىعى بارلىعى بەيمالىم.
لاتۆيادا ماريحۋانانى تۇتىنۋدى, ساقتاۋ مەن كوممەرتسيالىق ەمەسماقساتتا ءوسىرۋدى قىلمىس دەپ ساناماۋ بويىنشا قول جيناۋ ۇدەرىستەرىباستالعان. ەگەر باستاما كەم دەگەندە 10 مىڭ ادام تاراپىنان قولداۋ تاپسا,وندا ونى لاتۆيا پارلامەنتى قاراۋعا مىندەتتى بولادى. جەڭىل ەسىرتكىنىزاڭداستىرۋ ۇسىنىسىنىڭ اۆتورى اريس ابەلە دەگەن بىرەۋ كورىنەدى.
تۇڭعىش رەت ينتەرپول باسشىلىعىنا ايەل ادام كەلدى. ريمدە وتكەن ۇيىمنىڭ باس اسسامبلەياسىندا فرانتسيالىق پوليتسيا كوميسسارى ميرەي بالەستراززي ينتەرپولدىڭ پرەزيدەنتى بولىپ سايلاندى. ونىڭ جاسى 58-دە. 1975 جىلدان بەرى پوليتسيا كوميسسارى بولىپ جۇمىس ىستەپ كەلەدى ەكەن.
ءۇش كۇندىك ازا تۇتۋ جاريالاندى
گۆاتەمالا پرەزيدەنتى وتتو پەرەس مولينا جەر سىلكىنىسى قۇرباندىقتارىنا بايلانىستى ءۇش كۇن ازا تۇتۋ جاريالادى. ناقتىلانعان مالىمەت بويىنشا, دەپ مالىمدەدى مولينا, 7 قاراشا كۇنى بولعان ءزىلزالا سالدارىنان كوز جۇمعاندار سانى 52 ادامعا جەتىپ وتىر.
گۆاتەمالا پرەزيدەنتى تابيعات اپاتىنان قازا تاپقاندار سانى قيراندىلاردى ارشۋ بارىسىندا وسە ءتۇسۋى مۇمكىن دەگەن قاۋىپ بار ەكەنىن ءبىلدىردى. ماگنيتۋداسى 7,4 باللدىق جەر سىلكىنىسى گۆاتەمالا اۋماعىندا جەرگىلىكتى ۋاقىت بويىنشا 10 ساعات 35 مينۋتتا بولعان ەدى. ءزىلزالادان مەكسيكامەن شەكاراداعى سان-ماركوس قالاسى باسىم زارداپ شەكتى. ونداعان عيماراتتار قيرادى.
داۋىل شىعىندارى سۇراپىل
نيۋ-يورك باسشىلىعى «سەندي» داۋىلىنان كەلگەن ەكونوميكالىق شىعىندى ەسەپتەپ شىعاردى. شتات گۋبەرناتورى ەندريۋ كۋومونىڭ سوزىنە قاراعاندا, نيۋ-يورككە كەلگەن شىعىننىڭ ءوزى 33 ميلليارد دوللاردى قۇرايدى. تۇتاستاي العاندا, اقش-تىڭ شىعىس جاعالاۋلارىنا 50 ميلليارد دوللاردىڭ زاردابى كەلگەن.
33 ميلليارد دوللار نيۋ-يورك ءۇشىن وتە وراسان سوما, اسىرەسە, بيۋدجەتتىڭ كوپتەگەن ميللياردتىق تاپشىلىعىن ەسكەرە كەلگەندە, دەپ اتاپ ءوتتى كۋومو. قازىرگى كەزدە نيۋ-يورك پەن نيۋ-دجەرسيدەگى ۇيلەرىن جوعالتقان ادامدارعا ۋاقىتشا تۇرۋ ءۇشىن ترەيلەرلەر بەرۋگە ۋادە ەتىلىپتى. بۇل ىسپەن بۇگىندە توتەنشە جاعدايلاردى باسقارۋ جونىندەگى فەدەرالدىق اگەنتتىك اينالىسىپ جاتسا كەرەك.
30 توننا كوكاينمەن ۇستالدى
ۆەنەسۋەلادا 30 توننا كوكاين كونترابانداسىمەن اينالىستى دەگەن كۇدىكپەن حورحە ميلتون سيفۋەنتەس ۆيليا دەگەن بىرەۋ قاماۋعا الىندى. امەريكا بيلىگى وسى ادامعا مەكسيكا ارقىلى اقش-قا ەسىرتكى الىپ ءوتۋدى قارجىلاندىردى جانە ەسىرتكى كونترابانداسىن ۇيىمداستىردى دەگەن ايىپ تاعىپ وتىر.
ءسويتىپ, اقش تاراپى سيفۋەنتەس ۆيليانىڭ وزدەرىنە بەرىلۋىن تالاپ ەتپەك. اقش پوليتسياسىنىڭ دەرەكتەرىنە قاراعاندا, اتالعان كولۋمبيالىق ازامات قۇراما شتاتتارمەن قاتار, كولۋمبيا, ەكۆادور, پاناما, مەكسيكا جانە يسپانيا اۋماقتارىندا ءىس-قيمىل تانىتقان قىلمىستىق توپقا جەتەكشىلىك ەتكەن كورىنەدى. ءسوز رەتى كەلگەندە, بۇعان دەيىن اقش ۆيليانىڭ قاي جەردە جۇرگەنىن كورسەتكەنگە 5 ميلليون دوللار بەرۋگە ۋادە ەتكەنىن ايتا كەتەيىك.
ينتەرنەت ماتەريالدارى نەگىزىندە ازىرلەندى.
