قوستاناي وبلىسىندا شاڭعى سپورتى جاقسى دامىعان. جالپى, وڭىردە 41 شاڭعى بازاسى جۇمىس ىستەيدى. بيىلعى فەستيۆال ءوتىپ جاتقان ورىندا جىل اياعىنا دەيىن جاڭا شاڭعى بازاسى سالىنادى, ول ءۇشىن قارجى دا قاراستىرىلعان.
«جىل اياعىنا قاراي شاڭعى بازاسىنىڭ قۇرىلىسى باستالادى, ول ءۇشىن وبلىس اكىمدىگى شەشىم قابىلدادى. قازىر جوبا مەملەكەتتىك ساراپتاۋدان ءوتىپ جاتىر. كەلەر جىلى ۇيىمداستىرىلاتىن شاڭعى فەستيۆالى قولايلى زاماناۋي شاڭعى جولدارىندا وتەدى دەگەن ءۇمىتىمىز بار, ول ءۇشىن قارجى ءبولىندى. جاڭا جابدىقتار مەن قولايلى جاعدايدىڭ جاسالۋى ءبىزدىڭ وڭىردە شاڭعى سپورتىنىڭ كەڭ قانات جايۋىنا ىقپال ەتەدى» دەدى مارات قونىسباي ۇلى.
ءنازيرا جارىمبەت,
«ەگەمەن قازاقستان»
قوستاناي
