ءا. سمايىلوۆ مەملەكەت باسشىسىنىڭ العا قويعان تاپسىرمالارىن ۋاقىتىلى ورىنداۋ ماقساتىندا قارجى مينيسترلىگى مۇددەلى مەملەكەتتىك ورگاندارمەن بىرلەسىپ, حالىقتىڭ تابىس پەن تۇرمىس ساپاسىن جاقسارتۋعا باعىتتالعان باستامالار بويىنشا الدىن الا ەسەپتەۋلەر جۇرگىزدى.
ەسەپتەۋلەرگە سايكەس ءۇش جىلعا قوسىمشا قاجەتتىلىك 2 ترلن تەڭگەنى, ونىڭ ىشىندە 2019 جىلى 446,7 ملرد تەڭگەنى قۇرايدى. قاراجاتتىڭ باسىم بولىگى جەكەلەگەن ساناتتاعى ازاماتتاردى الەۋمەتتىك قولداۋدى كۇشەيتۋگە باعىتتالاتىن بولادى. بۇل — ءۇش جىلعا شامامەن 1,3 ترلن تەڭگە جانە 2019 جىلى — 226,7 ملرد تەڭگە.
سونىمەن قاتار, ءا. سمايىلوۆ ازاماتتاردىڭ جەكەلەگەن ساناتتارىن تۇرعىن ۇيمەن قامتاماسىز ەتۋگە جىل سايىن 100 ملرد تەڭگەدەن 300 ملرد تەڭگە قوسىمشا قاراجات قاجەت بولادى.
پرەمەر-ءمينيستردىڭ ورىنباسارى – قارجى ءمينيسترىنىڭ ايتۋىنشا, وڭىرلىك ينفراقۇرىلىمدى دامىتۋعا ەرەكشە كوڭىل بولىنەدى. وسىلايشا, رەسپۋبليكالىق بيۋدجەتتەن 2019–2021 جىلدار ىشىندە 320,9 ملرد تەڭگە, ونىڭ ىشىندە 2019 جىلى — 90 ملرد تەڭگە قوسىمشا باعىتتاۋ جوسپارلانىپ وتىر. جەرگىلىكىتى بيۋدجەتتەردەن جوبالاردى قوسا قارجىلاندىرۋ ءۇشىن 101,1 ملرد تەڭگە, ونىڭ ىشىندە 2019 جىلى — 32 ملرد تەڭگە ءبولۋ تالاپ ەتىلەدى.
«اۋىل – ەل بەسiگi» پەرسپەكتيۆالىق اۋىلداردى دامىتۋ جونىندەگى ارنايى جوبانى ىسكە اسىرۋعا قوسىمشا 90 ملرد تەڭگە, ونىڭ ىشىندە 2019 جىلى — 30 ملرد تەڭگە بولىنەدى. ءىس-شارالارمەن 163 اۋدان, 1500 اۋىل قامتىلادى.
حالىقتىڭ تۇرمىس ساپاسىن جاقسارتۋ جونىندەگى تاپسىرمالاردى قارجىلىق قامتاماسىز ەتۋ ماقساتىندا كەدەندىك اكىمشىلەندىرۋدى جەتىلدىرۋ شارالارى قابىلدانادى, بۇل بيۋدجەتتىڭ كىرىس بولىگىنە ءۇش جىل ىشىندە 800 ملرد تەڭگە سوماسىندا قوسىمشا كىرىس تارتۋعا مۇمكىندىك بەرەدى.
«بۇعان قوسا, مەملەكەت باسشىسىنىڭ تاپسىرماسى بويىنشا ۇلتتىق قوردان قاراجات تارتىلادى. پرەزيدەنتتىڭ بارلىق باستامالارى تولىق كولەمدە قارجىلاندىرىلادى. رەسپۋبليكالىق بيۋدجەتتى ناقتىلاۋ تۋرالى زاڭ جوباسىن جاقىن ارادا ۇسىنامىز», — دەپ تۇيىندەدى ءا. سمايىلوۆ.
