شاراينا
سەيسەنبى, 20 قاراشا 2012 7:10
يزرايل ۋلتيماتۋم جاريالادى
يزرايل حاماس-قا 36 ساعاتتىق ۋلتيماتۋم قويدى, ول وتكەننەن كەيىن, ەگەر گازا سەكتورىندا وق اتۋ تىيىلماسا, يزرايل اسكەري وپەراتسيانى كەڭەيتە تۇسپەك.
ءيزرايلدىڭ قارجى ءمينيسترى يۋۆال ءشتاينيتستىڭ سوزىنە سىلتەمە جاساي وتىرىپ, Russia Today وسىنداي حابار تاراتقان. ءبىز جولايرىقتا تۇرمىز. ءبىزدى نە احۋالدىڭ تىنىشتالۋى نەمەسە وپەراتسيالاردى كۇشەيتۋ ءىسى كۇتىپ تۇر. سونىمەن بىرگە, ماسەلەنى تولىقتاي اسكەري تۇرعىدا شەشۋ دە قاراستىرىلۋدا, دەپ مالىمدەگەن شتاينيتس. يزرايلدىڭ ەگيپەت باسشىلىعىن ۋلتيماتۋمدى جەتكىزۋ ءۇشىن دەلدال رەتىندە پايدالانعانى دا اتاپ كورسەتىلگەن. پالەستينالىقتار ءوز تاراپىنان گازا سەكتورىنا بلوكادانى الۋدى جانە ادامداردى ماقساتتى تۇردە ءولتىرۋدى توقتاتۋدى تالاپ ەتۋدە.
يزرايل ۋلتيماتۋم جاريالادى
يزرايل حاماس-قا 36 ساعاتتىق ۋلتيماتۋم قويدى, ول وتكەننەن كەيىن, ەگەر گازا سەكتورىندا وق اتۋ تىيىلماسا, يزرايل اسكەري وپەراتسيانى كەڭەيتە تۇسپەك.
ءيزرايلدىڭ قارجى ءمينيسترى يۋۆال ءشتاينيتستىڭ سوزىنە سىلتەمە جاساي وتىرىپ, Russia Today وسىنداي حابار تاراتقان. ءبىز جولايرىقتا تۇرمىز. ءبىزدى نە احۋالدىڭ تىنىشتالۋى نەمەسە وپەراتسيالاردى كۇشەيتۋ ءىسى كۇتىپ تۇر. سونىمەن بىرگە, ماسەلەنى تولىقتاي اسكەري تۇرعىدا شەشۋ دە قاراستىرىلۋدا, دەپ مالىمدەگەن شتاينيتس. يزرايلدىڭ ەگيپەت باسشىلىعىن ۋلتيماتۋمدى جەتكىزۋ ءۇشىن دەلدال رەتىندە پايدالانعانى دا اتاپ كورسەتىلگەن. پالەستينالىقتار ءوز تاراپىنان گازا سەكتورىنا بلوكادانى الۋدى جانە ادامداردى ماقساتتى تۇردە ءولتىرۋدى توقتاتۋدى تالاپ ەتۋدە.
وبامانىڭ بيرماعا ساپارى
اقش پرەزيدەنتى باراك وباما وتكەن جىلى ەۋروپالىق باسقىنشىلاردىڭ تالاي رەت توناۋىنا تۇسكەن شۆەداگون پاگوداسىندا بولدى.
اق ءۇي باسشىسى بيرماعا ساپارمەن كەلگەن بولاتىن. بۇل امەريكا پرەزيدەنتىنىڭ بۇل ەلگە تاريحتاعى تۇڭعىش ساپارى. وباما ەل پرەزيدەنتى تەين سەينمەن, سونداي-اق دەموكراتيا ءۇشىن قوزعالىستىڭ كوشباسشىسى اۋن سان سۋ چجيمەن كەزدەسىپ, رانگۋن ۋنيۆەرسيتەتىندە ءسوز سويلەدى. پرەزيدەنت وبامانىڭ ساپارى پرەزيدەنت تەين سەين باستاعان ساياسي رەفورمالارعا كورسەتىلگەن قولداۋ رەتىندە باعالانۋدا. سونىمەن بىرگە وباما بيرماعا 170 ملن. دوللار كولەمىندە ەكونوميكالىق كومەك باعدارلاماسى تۋرالى حابارلايدى دەپ كۇتىلۋدە.
كاتوليكتەر نارازىلىعىن تۋدىردى
FEMEN فەمينيستىك قوزعالىسىنا مۇشە قىزدار ۇيىمداستىرعان اكتسيا فرانتسۋز كاتوليكتەرىنىڭ اشۋ-ىزاسىن كەلتىردى.
داۋ-جانجالىمەن بەلگىلى ۇيىم وكىلدەرى ءپاريجدىڭ ورتالىعىندا گەيلەرمەن ىنتىماقتاستىعىن كورسەتۋ تۇرعىسىندا كيىمدەرىن شەشىپ تاستاعان. وسى ساتتە وندا ءداستۇرلى نەكەگە قولداۋ كورسەتكەن ميتينگ ءوتىپ جاتقان بولاتىن. ۇلتشىلدار ىشىنەن شىققان ءدىني فاناتتار فەمينيستىك قوزعالىسقا مۇشە قىزدارعا شابۋىل جاساپ, ولاردى سوققىعا جىققان. قىزداردى اۋىر زارداپتاردان ۋاقىتىندا كومەككە كەلگەن پوليتسەيلەر عانا اراشالاپ العان كورىنەدى. ايتا كەتۋ كەرەك, اتالعان قوزعالىستىڭ ليدەرى اننا گۋتسول رەسەيگە كەلۋگە تىيىم سالىنعان ادامداردىڭ تىزىمىندە تۇر.
سوعىس قيمىلدارىن توقتاتۋعا شاقىردى
بۇۇ باس حاتشىسى پان گي مۋن گازا سەكتورىنداعى جانجالداسۋشى جاقتاردى ءوزارا بىتىمگە كەلۋگە شاقىردى.
مەن يزرايل مەن پالەستينانى تاباندى تۇردە وق اتۋدى شۇعىل توقتاتۋ ءۇشىن ەگيپەتتىڭ بۇكىل كۇش-جىگەرىنە ىقپال ەتۋگە شاقىرامىن, دەپ اتاپ كورسەتىلگەن باس حاتشىنىڭ مالىمدەمەسىندە. پان گي مۋننىڭ ايتۋىنشا, جاعدايدى ودان ءارى ۋشىقتىرا بەرۋ بەيبىت تۇرعىنداردىڭ زارداپ شەگۋىن ودان بەتەر اۋىرلاتا تۇسپەك. سونىمەن بىرگە باس حاتشى يزرايلدىك جانە پالەستينالىق ليدەرلەرمەن كەزدەسىپ, ولاردى كۇش كورسەتۋدى توقتاتۋعا شاقىرۋ ءۇشىن ءوزىنىڭ تاياۋ ۋاقىتتاردا وڭىرگە باراتىنىن دا اتاپ كورسەتكەن.
مەكتەپ اۆتوبۋسى پويىزبەن سوقتىعىستى
پويىزدىڭ مەكتەپ اۆتوبۋسىمەن سوقتىعىسۋى سالدارىنان, سوڭعى مالىمەتتەر بويىنشا, 49 ادام قازا تاپقان, ولاردىڭ كوپشىلىگى 6 جاسقا دەيىنگى بالالار.
ەگيپەت پوليتسياسى بۇلاردان باسقا 13 جولاۋشىنىڭ ايتارلىقتاي جاراقاتتار العانىن حابارلاعان. وقيعا ەل استاناسىنىڭ وڭتۇستىگىندەگى تەمىر جول وتپەسىندە ورىن العان كورىنەدى. الدىن-الا بولجام بويىنشا, اۆتوبۋس جۇرگىزۋشىسى قىزىل شامعا نازار اۋدارماستان رەلسكە شىعىپ كەتىپ, جولاۋشىلار پويىزىنىڭ استىنا تۇسكەن. ەگيپەت تەمىر جولدارىنىڭ باسشىسى مەن كولىك ءمينيسترى قايعىلى وقيعا جاۋاپكەرشىلىگىن ءوز مويىندارىنا الىپ, بىردەن وتستاۆكاعا كەتكەن.
ناشار تاۋار ءۇشىن ايىپپۇل تولەيدى
مەملەكەتتىك دۋماعا تۇتىنۋشىنى الداعانى, وعان ناشار تاۋار ساتقانى نەمەسە اقپارات بەرۋدەن باس تارتقانى ءۇشىن كاسىپكەرلەر مەن كومپانيالارعا سالىناتىن ايىپپۇلدى ونداعان ەسە ۇلعايتۋدى كوزدەگەن زاڭ جوباسى ەنگىزىلمەك.
وسىلايشا, اكىمشىلىك قۇقىق بۇزۋشىلىق تۋرالى كودەكستىڭ 4-بابىنا ءتيىستى تۇزەتۋلەر ەنگىزۋ قاراستىرىلۋدا. سونىڭ ءناتيجەسىندە جوعارىدا اتالعان بۇرمالاۋلار ءۇشىن كومپانيانىڭ لاۋازىمدى تۇلعالارىنا سالىناتىن ايىپپۇل 7-10 مىڭ رۋبلگە دەيىن, جەكە كاسىپكەرلەرگە سالىناتىن ايىپپۇل 50-70 مىڭ رۋبلگە دەيىن, ال زاڭدى تۇلعالارعا سالىناتىن ايىپپۇل 100-300 مىڭ رۋبلگە دەيىن ۇلعايتىلماق. بۇرمالاۋلار قايتالانعان جاعدايدا ودان دا كوپ ايىپپۇلدار ەنگىزۋ ۇسىنىلۋدا.
قالا تۇرعىندارى تۋدىرعان تارتىپسىزدىك
جول-كولىك وقيعاسىنىڭ سوڭى قىتايدىڭ وڭتۇستىك شىعىسىنداعى فۋتسزيان پروۆينتسياسىندا ورنالاسقان فۋان قالاسىندا تارتىپسىزدىكتەر تۋدىردى, دەپ حابارلادى Associated Press اگەنتتىگى.
كۋاگەرلەردىڭ ايتۋىنشا, سەنبى كۇنى كەشكىسىن پوليتسيا ءبىر جۇرگىزۋشىنى توقتاتىپ, ونىڭ ىشىمدىك ىشكەن-ىشپەگەنىن تەكسەرمەك بولعان. اۆتوموبيلشىلەردىڭ ءبىرى تەكسەرۋدەن جالتارىپ, قاشىپ كەتۋگە تىرىسادى. وسىدان كەلىپ, پوليتسەيلەر ونى سوڭىنان قۋادى. اقىرىندا الگى ماشينا ءۇش موتوتسيكلگە جانە تاعى ءبىر ماشيناعا بارىپ سوعىلعان. سونىڭ سالدارىنان 5 ادام زارداپ شەككەن كورىنەدى. وقيعا ورنىنا جينالعان 20 مىڭداي ادامنىڭ 2 مىڭدايى پوليتسەي فۋرگوندارىن اۋدارىپ, تارتىپسىزدىكتەر تۋىنداتقان.
ينتەرنەت ماتەريالدارى نەگىزىندە ازىرلەندى.
