«ەلباسى تىكەلەي تاپسىرما بەرىپ جاتىر. بيۋدجەتتىك سالا قىزمەتكەرلەرىنىڭ جالاقىسىن 30 پروتسەنتكە كوتەرۋ كەرەك. جالپى, بۇگىندە ءبىزدىڭ سالادا 60 مىڭنان استام دارىگەر جۇمىس ىستەيدى. سونىمەن قاتار, 170 مىڭ مەيىربيكە بار. بۇدان بولەك, سانيتارلار, ينجەنەرلەر, بۋxگالتەر-ەكونوميستەر بار, قوسىمشا 400 مىڭنان اسا ادام ەڭبەك ەتەدى. ارينە, كوبىنىڭ جالاقىسى 100 مىڭنان تومەن. بىرىنشىدەن, وسى تىزىمدەردى قاراپ, ەسەپ-قيسابىن جاساپ, ىسكە اسىرۋعا دايىندايمىز. وسى ماقساتتا قوسىمشا قارجى ءبولىندى. بيىل 1 شىلدەدەن باستاپ تومەن جالاقى الاتىن بارلىق مەديتسينا سالاسىنىڭ قىزمەتكەرلەرى قوسىمشا ۇستەمەاقى الادى» دەدى ە.ءبىرتانوۆ جۋرناليستەرگە بەرگەن سۇxباتىندا.
ءمينيستردىڭ ايتۋىنشا, اعىمداعى جىلى 1 قاڭتاردا مەديتسينا قىزمەتكەرلەرىنىڭ جالاقىسىن 20 پروتسەنتكە كوتەرۋ شارالارى باستالدى.
«ونى ماڭىزدى اۋرۋلار بويىنشا ارنايى باعدارلامانى وقىعان دارىگەرلەر مەن مەيىربيكەلەرگە قوسىپ جاتىرمىز. قازىرگى كەزدە قىزمەتكەرلەردىڭ 17 پروتسەنتى وقۋدان ءوتىپ, جالاقىعا قوسىمشا 20 پروتسەنتتىك ۇستەمەاقىنى الدى. ەندى ەلباسى تومەن جالاقى الاتىن بيۋدجەتتىك مەكەمە قىزمەتكەرلەرىنىڭ جالاقىسىن 30 پروتسەنتكە كوتەرۋدى تاپسىرىپ وتىر. بۇل - وتە قۋانىشتى جاعداي» دەپ اتاپ كورسەتتى ە.ءبىرتانوۆ.
ايتا كەتەيىك, بۇگىن مەملەكەت باسشىسى نۇرسۇلتان نازارباەۆ جالاقىسى تومەن بيۋلجەتتىك سالا قىزمەتكەرلەرىنىڭ ايلىعىن كوتەرۋ ءۇشىن قوسىمشا قارجى ءبولۋدى جۇكتەدى.
