قوستانايداعى «سارىارقااۆتوپروم» زاۋىتى كونۆەيەرىنەن شىققان اۆتوبۋستار اتىراۋ قالاسى ىشىندەگى باعىتتارمەن جولاۋشى تاسىمالدايتىن بولادى. زاۋىتتان 50 اۆتوبۋستى «تەنگيزشەۆرويل» كومپانياسى اتىراۋدىڭ اۆتوپاركىن جاڭارتۋ ءۇشىن ساتىپ الدى. كەلىسىم بويىنشا Ankai ماركالى 30 اۆتوبۋس اتىراۋعا جەتكىزىلىپ تە بەرىلدى. مۇنىڭ سىرتىندا «سارىارقااۆتوپروم» زاۋىتى مەن اتىراۋ قالالىق اكىمدىگىنىڭ اراسىندا گازبەن جۇرەتىن تاعى دا 150 اۆتوبۋستى «برك-ليزينگ» اق اۆتوپاركىن جاڭارتۋ باعدارلاماسى بويىنشا الۋ جونىندە مەموراندۋمعا قول قويىلدى. اتىراۋلىقتار ەلەكترمەن جۇرەتىن اۆتوبۋستى سىناۋدى دا جوسپارلاپ وتىر. ەگەر ۇناسا قالا ىشىلىك باعىتتارعا قاناتقاقتى جوبامەن 10 اۆتوبۋس الىپ كورمەك.
قوستانايدان شىققان اۆتوبۋستارعا مۇمكىندىگى شەكتەۋلى جاندار اربامەن ءمىنىپ ءتۇسۋ ءۇشىن ارنايى پاندۋس ورناتىلعان. سونىمەن قاتار جاڭا كولىك زاماناۋي تەحنيكالىق تالاپتاردىڭ بارلىعىنا جاۋاپ بەرەدى.ءىشى قىس ايلارىندا جىلى, جازدا جەلدەتكىشى جۇمىس ىستەيدى. بەينەباقىلاۋى دا بار. اۆتوبۋسقا 86 جولاۋشى سىيادى, كولىكتىڭ ۇزىندىعى 10,5 مەتر.
ء نازيرا جارىمبەت,
«ەگەمەن قازاقستان»
قوستاناي
