جاستار ءىسى جونىندەگى كوميتەت باسشىلارىن, ستۋدەنتتىك كەڭەستەردىڭ كوشباسشىلارى مەن جوو بەلسەندىلەرىن جيناعان اۋقىمدى شارا ۋنيۆەرسيتەتتىڭ ءماجىلىس زالىندا ءوتتى. شارا بارىسىندا "تۇران" ۋنيۆەرسيتەتىنىڭ پروفەسسورى, تاريح عىلىمدارىنىڭ دوكتورى, الماتى قالاسى بويىنشا ەرىكتىلەر ليگاسىنىڭ جەتەكشىسى ساۋلە ءتۇسىپوۆا بىرنەشە ترەنينگ وتكىزدى. ترەنينگتەر بۇگىنگى كۇننىڭ باستى تالابى تەك قانا ماماندار دايارلاۋ جانە ستۋدەنتتەرگە ۇزدىك ءبىلىم بەرۋ عانا ەمەس, ولاردىڭ بوس ۋاقىتتارىن ساپالى وتكىزۋىنە ارنالدى.
ەرىكتىلەر ليگاسى جەتەكشىسىنىڭ ايتۋىنا قاراعاندا, بۇگىندە الماتى قالاسى بويىنشا ەرىكتىلەردىڭ سانى بەس مىڭنان جوعارى. ەرىكتى بولۋ وڭاي ەمەس, ول – مارتەبەلى ءىس دەگەن ءاربىر جاس ترەنينگ بارىسىندا ءتىل بىلۋمەن قاتار وزگە دە قابىلەتتەرگە يە بولۋى كەرەك ەكەنىنە كوز جەتكىزدى. اسىرەسە, نەتۆوركينگ فورماتىندا وتكەن ترەنينگ سويلەسۋ مەن قارىم-قاتىناس جاساۋدى قالىپقا كەلتىرۋگە ۇيرەتەدى. ونىڭ يدەياسى ادامداردىڭ ماماندىعى مەن مانسابىنا, قوعامداعى ستاتۋسىنا قاراماستان, جاقسى قارىم-قاتىناسقا ءتۇسۋ. ياعني, ءبىر ۋاقىتتا, تانىمال ساياساتكەر, جۇلدىزدان اۋلا سىپىرۋشىعا دەيىنگى ارالىقتا كەلىسىم دەگەن ءسوز. ءىس-شاراعا «الماتى مارافون» ۇيىمداستىرۋشىلارى دا قاتىستى.
تاجىريبە مەن يدەيالار الماسۋ ءۇشىن ديالوگ الاڭىن قالىپتاستىرۋعا, الماتىلىق ستۋدەنتتەردىڭ وزەكتى ماسەلەلەرىن تالقىلاۋعا جينالعان جيىرماعا جۋىق وقۋ ورنى جاستارى شارا سوڭىن Afterparty فورماتىندا ءتامامدادى.
جىبەك اقداري,
ستۋدەنت
الماتى
