وبلىستىق توتەنشە جاعدايلار دەپارتامەنتى باسشىسىنىڭ ورىنباسارى راشيد بليالوۆ: «مۇنداي انىقتاعىشتاردى ورناتقان ۇيلەردە ۋلى گازداردان زارداپ شەگۋ وقيعالارى بولمايدى. اپات بولعان جاعدايدا قۇرىلعى گازدى بىردەن توقتاتادى», - دەيدى.
استاناداعى بەس بالانىڭ قايعىلى قازاسىنان كەيىن, شىنى كەرەك, وڭىرلەردە دە توتەنشە جاعدايلاردىڭ الدىن الۋ جۇمىستارى كۇشەيتىلدى. مۇنايلى ايماقتا تۇرعىن ءۇي سەكتورىندا ورتكە قارسى جانە الدىن الۋ جۇمىستارىن ۇيىمداستىرۋ بويىنشا جەدەل شتاب قۇرىلدى. سوڭعى ەكى اپتانىڭ ىشىندە توتەنشە جاعدايلار دەپارتامەنتىنىڭ قىزمەتكەرلەرى 4 مىڭعا جۋىق تۇرعىن ۇيمەن ءتۇسىندىرۋ جۇمىستارىن جۇرگىزىپ, پەشتەر مەن ەلەكتر جابدىقتارىن پايدالانۋ كەزىندە ءورت قاۋىپسىزدىگىنىڭ تالاپقا ساي بولماۋىنىڭ 68 دەرەگىن تىركەگەن.
2018-2019 جىلدارداعى جىلۋ بەرۋ ماۋسىمىندا وبلىستا كومىرتەگى توتىعى مەن تابيعي گازدان ۋلانۋدىڭ 2 وقيعاسى بولدى. دەپارتامەنت ماماندارى وتكەن جىلى تىركەلگەن 323 ءورتتىڭ 90-ى تۇرعىنداردىڭ ابايسىزدىعىنان جانە جەتەۋى بالالاردىڭ وتپەن ويناۋىنان بولعانىن ايتادى.
باقىتگۇل باباش,
«Egemen Qazaqstan»
اتىراۋ
