تاريحقا كوز سالساق, قازاق جەرىندەگى العاشقى ارحيۆ 1794 جىلى باتىس وڭىردەگى ىشكى وردادا جۇمىس ىستەي باستاعان. 1876 جىلى بوكەي حاننىڭ تاپسىرماسىمەن ارحيۆ ءۇيىنىڭ ارنايى عيماراتى سالىندى. وعان دەيىن قۇجاتتاردى ساقتاۋ ىسىنە ءمان بەرىلمەي كەلگەن ەدى. بۇگىندە ارحيۆ ءىسى قالىپتاسىپ, تاريحتى تانۋدىڭ جاڭا كەزەڭىنە اياق باستىق. الايدا, اشىلماعان اقيقاتتار ءالى كوپ. «ارحيۆ-2025» جوباسى وسى ولقىلىقتىڭ ورنىن تولتىرار دەگەن ءۇمىت باسىم.
اتىراۋداعى وبلىستىق مەملەكەتتىك ءارحيۆتىڭ قازىرگى عيماراتىنىڭ جاعدايى جاقسى دەپ ايتا المايمىز. وسىنى ەسكەرگەن ايماق باسشىلىعى قالالىق جانە وبلىستىق مەملەكەتتىك ارحيۆتەرگە جاڭا عيمارات سالۋعا جەر تەلىمىن ءبولىپ, جوبالىق-سمەتالىق قۇجاتتاماسى دايىندالىپ جاتىر. ەلباسىنىڭ تاپسىرماسىمەن قولعا الىنا باستاعان جاڭا جوبانىڭ اتىراۋلىقتار ءۇشىن ءبىر يگىلىگى – وسى.
وبلىستىق مەملەكەتتىك ءارحيۆتىڭ باسشىسى سەرىك قۋانىشتىڭ ايتۋىنشا, جوبا نەگىزىندە جاسالاتىن شارالاردىڭ اۋقىمى كەڭ بولماق. مىسالى, الداعى جىلدان باستاپ شەتەلدەردەگى قازاق حالقىنا قاتىستى قۇجاتتاردى تۇگەندەۋ جۇمىستارىن جۇرگىزۋ جوسپارعا ەنگىزىلگەن. سونداي-اق, «ولكەمىزدىڭ داڭقتى تۇلعالارىن شەتەلدىك ارحيۆتەردەن ىزدەستىرۋ» تاقىرىبىندا زەرتتەۋ جۇرگىزۋ ءۇشىن قازاقستاندىق جانە شەتەلدىك ارحيۆ ماماندارىمەن بىرلەسە وتىرىپ, رەسەي, فرانتسيا, تۇركيا, قىتاي, گەرمانيا, ۆاتيكان مەملەكەتتەرىندەگى ارحيۆتەرگە بارۋ جوسپارلانىپ وتىر. وبلىستان ەكىنشى دۇنيەجۇزىلىك سوعىسقا اتتانعانداردىڭ سانىن ناقتىلاۋ ماقساتىندا قورعانىس ىستەرى دەپارتامەنتىندەگى مايدانگەرلەر تۋرالى مالىمەتتەردى ساندىق فورماتقا كوشىرۋ دە ويدا بار. «سوعىستا جارالانعان, حابارسىز كەتكەن, قازاعا ۇشىراعان, اسكەري تۇتقىندار لاگەرلەرىندە بولعان اتىراۋلىق جاۋىنگەرلەر تۋرالى شەتەل ارحيۆتەرىنە عىلىمي-زەرتتەۋ ەكسپەديتسيالارىن ۇيىمداستىرۋ دا كەلەر كۇننىڭ ەنشىسىندە.
باقىتگۇل باباش,
«EgemenQazaqstan»
اتىراۋ
