«ادالدىق كافەسىنىڭ» جۇمىسى وزىنە-ءوزى قىزمەت كورسەتۋ جۇيەسى بويىنشا ۇيىمداستىرىلعان. «مۇندا وقىتۋشىلار مەن ستۋدەنتتەر وزدەرىنە قاجەت تاعامداردى الىپ, اقشانى كاسسالىق جاشىككە قالدىرىپ, ەسەپ ايىرىسادى. ياعني, دۇكەندە ساتۋشى جوق, ساتىپ الۋشىلار ءوز-وزدەرىنە قىزمەت كورسەتەدى. تاعى ءبىر ەرەكشەلىگى, بارلىق تاعامدى كوللەدجدەگى اسپازشى ماماندىعىندا وقيتىن ستۋدەنتتەر دايىندايدى. بۇل ستۋدەنتتەردىڭ وقۋدان بولەك تاجىريبەلىك داعدىلارىن دامىتۋعا سەپتىگىن تيگىزەدى»,- دەيدى دەپارتامەنتتىڭ ءباسپاسوز حاتشىسى دينارا لۇقپانوۆا.
جاستاردى ادالدىققا, قايىرىمدىلىققا شاقىراتىن جوبا اياسىندا تۇسكەن قارجى وقۋ ورنىندا ءبىلىم الىپ جاتقان جەتىم جانە اتا-انا قامقورلىعىنسىز قالعان, مۇمكىندىگى شەكتەۋلى ستۋدەنتتەردىڭ قاجەتتىلىگىنە جۇمسالادى.
باقىتگۇل باباش,
«EgemenQazaqstan»
اتىراۋ
