ونلاين اپپاراتتى ورناتۋدىڭ تيىمدىلىگى

2019 جىلدان باستاپ ولار توقسان سايىن ونلاين-كاسسالىق اپپاراتتاردى قولداناتىنداردىڭ ءتىزىمىن كەڭەيەدى. بارلىعى 633 قىزمەت:

2019 جىلعى 1 ساۋىردەن باستاپ 323 قىزمەت ءتۇرى;

2019 جىلعى 1 شىلدەدەن باستاپ 86 قىزمەت ءتۇرى;

2019 جىلعى 1 قازاننان باستاپ 224 قىزمەت ءتۇرى.

ونلاين-كبم تالاپتارى ورتاق تەلەكوممۋنيكاتسيا جەلىسى جوق ايماقتاردا جۇمىس ىستەيتىن سالىق تولەۋشىلەرگە قولدانىلمايدى.

سالىق كودەكسىنىڭ 166-بابى 1-تارماعىنا سايكەس, قازاقستان رەسپۋبليكاسىنىڭ اۋماعىندا اقشالاي تولەمدەر كاسسالىق – باقىلاۋ ماشينالارىن مىندەتتى تۇردە پايدالانۋ ارقىلى جۇزەگە اسىرىلادى.

الايدا كبم-دى پايدالانۋ تالابى كەلەسى ازاماتتاردىڭ قولما-قول اقشاسىز تولەمدەرىندە قولدانىلمايدى:

1) جەكە تۇلعالار;

2) ادۆوكاتتار مەن مەدياتورلار;

3) جەكە كاسىپكەرلەر (اكتسيزدەلەتىن تاۋارلاردى ساتاتىنداردان باسقا):

4) قوعامدىق كولىكتە قوعامدىق كولىكتە جولاۋشى تاسيتىندار;

5) قازاقستان رەسپۋبليكاسىنىڭ ۇلتتىق بانكى;

6) ەكىنشى دەڭگەيدەگى بانكتەر.

ونلاين-كبم جۇيەسىنىڭ ارتىقشىلىقتارى قانداي؟

ەڭ الدىمەن كاسىپكەر ءوز بيزنەسىن, ونىڭ ىشىندە باسقا قالالاردا, سىرتقا شىقپاي-اق باسقارا الادى;

جەكە كابينەت ارقىلى كبم-مەن جۇمىس ىستەۋ بويىنشا تولىق اقپاراتتى ءبىرىنشى چەكتەن جانە ءبىرىنشى Z-ەسەپتەن باستاپ مەڭگەرۋگە بولادى;

- كبم ءۇشىن سومانى ونلاين قايتارعان جاعدايدا اكت جاساۋ ءۇشىن سالىق ورگاندارىنا جۇگىنۋدىڭ قاجەتى جوق, سەبەبى اقپارات سەرۆەرگە اۆتوماتتى تۇردە بەرىلەدى;

- باسقا اپاراتتارمەن سالىستىرعاندا, كبم ونلاين ادەتتەگى نۇسقادان وزگەشە جاسالىنعان.

2019 جىلدىڭ 1 قاڭتارىنان باستاپ, اشىق ساۋدا بازارلارىنىڭ اۋماعىندا ستاتسيونارلىق ەمەس ساۋدا وبەكتىلەرى ارقىلى شاعىن بيزنەس سۋبەكتىلەرى ءۇشىن ارنايى سالىق رەجيمى شەڭبەرىندە قىزمەتتى جۇزەگە اسىراتىن تۇلعالار كبم ونلاين قولدانۋعا مىندەتتى.

ونلاين كبم ورناتپاعان سالىق تولەۋشىلەرگە 50 ايلىق ەسەپتىك كورسەتكىشكە دەيىن ايىپپۇل سالىنۋى مۇمكىن. بۇگىنگى تاڭدا استانا قالاسىندا 13 اشىق بازار جانە 25 ساۋدا ورتالىقتارى ورنالاسقان. بايقوڭىر اۋدانىندا ورنالاسقان بارلىق اشىق بازارلار مەن ساۋدا ورتالىقتارىنداعى كاسىپكەرلەردى ونلاين كبم-گە وتكىزۋ جۇمىستارى جۇرگىزىلىپ جاتىر.

ايماحان ەنباەۆ, استانا قالاسى, بايقوڭىر اۋدانى بويىنشا مەملەكەتتىك كىرىستەر باسقارامىسى باسشىسىنىڭ ورىنباسارى