ءوڭىردىڭ دەنساۋلىق ساقتاۋ سالاسىندا قوردالانعان پروبلەمالار از ەمەس. سولاردىڭ ىشىندەگى ەڭ وزەكتىسى – مەديتسينالىق قۇرال-جابدىقتاردىڭ كوپتەن بەرى جاڭارتىلماۋى. بۇگىندە ولاردىڭ توزۋى 62,5 %-دى قۇراپ وتىر. وسى ولقىلىقتىن ورنىن تولتىرۋ ءۇشىن بيىل رەسپۋبليكالىق جانە جەرگىلىكتى بيۋدجەتتەن جاڭا ەمدەۋ اپپاراتتارىن ساتىپ الۋعا 4 ملرد تەڭگە كولەمىندە قاراجات ءبولىندى. بۇل - وتكەن جىلدارمەن سالىستىرعاندا 3 ەسە كوپ.
جاڭا ماگنيتتى-رەزونانستىق توموگراف, 2 انگيوگراف, 3 رەنتگەن كەشەنى جانە باسقا دا قۇرال-جابدىقتارعا تاپسىرىس بەرىلدى.ء سويتىپ, وزىق تەحنولوگيالاردى قولدانۋدىڭ ارقاسىندا مەديتسينالىق قىزمەتتىڭ ساپاسى ارتىپ, ناقتى دياگنوستيكا قويىلاتىن بولادى. سونىمەن قاتار وزگە دە شەتىن ماسەلەلەردى شەشۋ ءۇشىن ەلباسىنىڭ تاپسىرماسىمەن وسى زامانعى كوپسالالى اۋرۋحانا سالىنباق. ونىڭ قۇرامىنا وبلىستىڭ 6 ستاتسيونارى ەنەدى. بۇل اۋرۋحاناعا جاتقىزۋ, ەمدەۋ مەرزىمىن قىسقارتىپ, كورسەتىلەتىن قىزمەتتەردىڭ قولجەتىمدىلىگىن وڭتايلاندىرادى. جاڭا اۋرۋحانانىڭ جانىنان مەديتسينا قىزمەتكەرلەرىنە ارنالعان 200 پاتەرلى ءۇي سالۋ جوسپارلانعان.
«بۇگىندە 30-دان استام مەديتسينالىق ۇيىم جانە 600-دەن استام مەديتسينالىق نىسان جۇمىس ىستەيدى. ولاردىڭ بارلىعىن قامتاماسىز ەتۋ ءۇشىن قوماقتى قاراجات كەرەك. 4 ملرد تەڭگەدەن بولەك, 900 ملن تەڭگە جەكە مەنشىك-مەملەكەتتىك ارىپتەستىك ناتيجەسىندە قاراستىرىلعان. وعان وبلىستىق اۋرۋحاناعا ماگنيتتىك رەزونانستىق توموگراف ساتىپ الاتىن بولامىز» دەيدى دەنساۋلىق ساقتاۋ باسارماسىنىنىڭ باسشىسى تيمۋر سۇلتانعازيەۆ.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
